Viral Video: ಕಾವಾಲಾ ಕಾವು; ಸೀರೆಯುಟ್ಟು ಹೆಜ್ಜೆ ಹಾಕಿದ ಅದ್ವಿತಿ ಶೆಟ್ಟಿ ಮತ್ತು ಸೃಷ್ಟಿ ಶುಕ್ಲಾ

Kaavaalaa : ಕಾವಾಲಾದ ಕಾವು ದಿನೇದಿನೇ ಏರುತ್ತಿದೆ. ಅದು ಬಹುಶಃ ಋತುಮಾನಕ್ಕೂ ಆವರಿಸಿದೆಯೇನೋ. ಬೆಂಗಳೂರಿನಲ್ಲಿ ಮಳೆಯೂ ಇಲ್ಲ ಚಳಿಯೂ ಇಲ್ಲ ನಗರವೆಲ್ಲಾ ಬಿಸಿಬಿಸಿ. ಇದೀಗ ನಟಿಯರಾದ ಅದ್ವಿತಿ ಶೆಟ್ಟಿ (Advithi Sherry) ಮತ್ತು ಸೃಷ್ಟಿ ಶುಕ್ಲಾ (Srishti Shukla) ಕಾವಾಲಾ ಹಾಡಿಗೆ ಸೀರೆಯುಟ್ಟು ಭರ್ಜರಿಯಾಗಿ ಹೆಜ್ಜೆ ಹಾಕಿದ್ದಾರೆ. ಈ ಇಬ್ಬರೊಂದಿಗೆ ಸೋಶಿಯಲ್ ಮೀಡಿಯಾ ಇನ್ಫ್ಲ್ಯೂಯೆನ್ಸರ್​ ​ ಆರ್ಯಾ ಅನಿಲ್ (Arya Anil) ಕೂಡ ಸೀರೆಯುಟ್ಟು ನರ್ತಿಸಿದ್ದಾರೆ. ಈ ಮೂವರ ವಿಡಿಯೋಗಳು 6 ಮಿಲಿಯನ್​ಗಿಂತಲೂ ಹೆಚ್ಚು ಜನರಿಂದ ವೀಕ್ಷಿಸಲ್ಪಟ್ಟಿವೆ. ಅದ್ವಿತಿ ವಿಡಿಯೋವನ್ನು 1.2 ಲಕ್ಷ ಜನರು ಲೈಕ್ ಮಾಡಿದ್ದಾರೆ. ಸೃಷ್ಟಿ ವಿಡಿಯೋವನ್ನು 2.1 ಲಕ್ಷ ಜನರು ಲೈಕ್ ಮಾಡಿದ್ದಾರೆ. ಆರ್ಯಾ ವಿಡಿಯೋವನ್ನು 2.8 ಲಕ್ಷ ಜನರು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಇವರ ನೃತ್ಯಕೌಶಲಕ್ಕೆ ಮಾರುಹೋಗಿದ್ದಾರೆ.

ಇದನ್ನೂ ಓದಿ : Viral Video: ಅಮೆರಿಕ; ಅಪರೂಪದ ಪಟ್ಟೆರಹಿತ ಜಿರಾಫೆಮರಿ; ಸಾರ್ವಜನಿಕರ ವೀಕ್ಷಣೆಗೆ ಅವಕಾಶ

ಈ ವಿಡಿಯೋ ಅನ್ನು ಆನ್​ ಡಿಮ್ಯಾಂಡ್​ ಪ್ರಸ್ತುಪಡಿಸಲಾಗಿದೆ ಎಂದು ಕನ್ನಡದ ನಟಿ ಅದ್ವಿತಿ ಈ ವಿಡಿಯೋಗೆ ನೋಟ್ ಬರೆದಿದ್ದಾರೆ. ಕನ್ನಡ ಹಾಡಿಗೆ ರೀಲ್ಸ್ ಮಾಡಿ ಅದು ಬಿಟ್ಟು… ಎಂದು ಒಬ್ಬರು ಹೇಳಿದ್ದಾರೆ. ಈ ಚಳಿಯಲಿ ಬಿಸಿ ಬಿಸಿ ಕಾಫಿ ಚೆಂದ, ನಿನ್ನ ಚೆಂದದ ನಗುವೇ ಅಂದ. ನಿನ್ನ ಚೆಲುವದು ಮಕರಂದ. ಪ್ರೇಮಕಾವ್ಯ ಸೃಷ್ಟಿ ನಿನ್ನ ಸ್ಪೂರ್ತಿಯಿಂದ. ನಿನ್ನ ಸ್ವಾಗತಿಸಲು ಅಲಂಕರಿಸಿರುವೆ ಮನದ ಅರಮನೆಯ ಪ್ರೇಮದ ಹೂಗಳಿಂದ ಎಂದು ಮತ್ತೊಬ್ಬರು ಕಾವ್ಯಾತ್ಮಕವಾಗಿ ಪ್ರತಿಕ್ರಿಯಿಸಿದ್ಧಾರೆ.

ಸೀರೆಯಲ್ಲಿ ಅದ್ವಿತಿ ಶೆಟ್ಟಿ ಕಾವಾಲಾಗೆ ನರ್ತಿಸಿರುವ ವಿಡಿಯೋ

ಭೋಪಾಲ ಮೂಲದ ಸೃಷ್ಟಿ ​ ಶುಕ್ಲಾ ನೆಲೆಸಿರುವುದು ಹೈದರಾಬಾದಿನಲ್ಲಿ. ನಾಟ್ಯಂ ಎಂಬ ತೆಲುಗು ಸಿನೆಮಾದಲ್ಲಿ ಇವರು ನಟಿಸಿದ್ದಾರೆ. ಇಂಥ ಡ್ಯಾನ್ಸ್​ ಅನ್ನು ಈ ಮೊದಲು ನೊಡಿಯೇ ಇರಲಿಲ್ಲ ಬಹಳ ಅದ್ಭುತವಾಗಿದೆ ಎಂದಿದ್ದಾರೆ ಅವರ ಅಭಿಮಾನಿಗಳು. ಸೀರೆಯಲ್ಲಿ ನೀವು ಈ ಸ್ಟೆಪ್​ನಲ್ಲಿ ಅದೆಷ್ಟು ನಿರಾಯಾಸವಾಗಿ ಹಾಕಿದ್ದೀರಿ, ನಿಜಕ್ಕೂ ಚೆನ್ನಾಗಿದೆ ಎಂದು ಅನೇಕರು ಹೇಳಿದ್ದಾರೆ.

ಸೃಷ್ಟಿ ಶುಕ್ಲಾ ಕಾವಾಲಾಗೆ ಸೀರೆಯಲ್ಲಿ ನರ್ತಿಸಿರುವ ವಿಡಿಯೋ ನೋಡಿ

ಕೇರಳದ ಕಿರುತೆರೆ ನಟಿ ಮತ್ತು ಸೋಶಿಯಲ್ ಮೀಡಿಯಾ ಇನ್​ಫ್ಲ್ಯೂಯೆನ್ಸರ್ ಆರ್ಯಾ ಅನಿಲ್​ ಈ ಹಾಡಿಗೆ ವ್ಯಕ್ತಪಡಿಸಿರುವ ಭಾವಾಭಿನಯವನ್ನು ತುಂಬಾ ಆಕರ್ಷಕವಾಗಿದೆ ಎಂದು ಅಭಿಮಾನಿಗಳು ಬಹುವಾಗಿ ಕೊಂಡಾಡಿದ್ದಾರೆ. ತುಂಡುಬಟ್ಟೆ ಹಾಕದೇ ಮುಖದಲ್ಲಿಯೇ ಈ ಹಾಡಿನ ಭಾವವನ್ನು ಹಿಡಿದಿಟ್ಟಿದ್ದೀರಿ, ನಿಜಕ್ಕೂ ಅದ್ಭುತ ಎಂದಿದ್ದಾರೆ.

ಸೀರೆಯುಟ್ಟು ಕಾವಾಲಾಗೆ ಹೆಜ್ಜೆ ಹಾಕಿದ ಆರ್ಯಾ ಅನಿಲ

ಅನೇಕರು ತಮನ್ನಾ ಭಾಟಿಯಾ (Tamanna Bhatiya)ಳ ಹಾಗೆ ಕಾಸ್ಟ್ಯೂಮ್​ ಧರಿಸಿ ನರ್ತಿಸಿದ್ದಾರೆ. ಆದರೆ ಈ ಮೂರು ಜನರು ಸೀರೆಯುಟ್ಟು ಅದ್ಭುತವಾಗಿ ನರ್ತಿಸಿದ್ದಾರೆ. ಈ ಹಾಡಿಗೆ  ಈ ವಿಡಿಯೋಗಳನ್ನು ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ