ಇದೆಂಥಾ ವಿಪರ್ಯಾಸ: ಹೆರಿಗೆಯಾಗುವ ದಿನದವರೆಗೂ ಮಹಿಳೆಗೆ ತಾನು ಗರ್ಭಿಣಿ ಎಂಬುದೇ ತಿಳಿದಿರಲಿಲ್ಲ

ಮಹಿಳೆಗೆ ಹೆರಿಗೆಯಾಗುವ 4 ಗಂಟೆಗಳ ಮೊದಲು ತಾನು ಗರ್ಭಿಣಿ ಎನ್ನುವ ವಿಚಾರ ತಿಳಿದು ಅಚ್ಚರಿಪಟ್ಟಿದ್ದಾರೆ. ಈ ಘಟನೆ ಪೂರ್ವ ಚೀನಾದ ಝೆಜಿಯಾಂಗ್ ಪ್ರಾಂತ್ಯದಲ್ಲಿ ನಡೆದಿದೆ. ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್​ ವರದಿ ಪ್ರಕಾರ, ಮಹಿಳೆಗೆ ಈಗ 36 ವರ್ಷ, ಆಕೆ ಮದುವೆಯಾಗಿ ಕೆಲವು ವರ್ಷಗಳಾಗಿದ್ದರೂ ಮಕ್ಕಳಾಗದೆ ಪರಿತಪಿಸುತ್ತಿದ್ದರು.

ಮಹಿಳೆ ಪತಿ ಜತೆಗೆ ಸೇರಿ ಐಪಿಎಫ್ ಚಿಕಿತ್ಸೆ ಪಡೆಯಲು ವೈದ್ಯರ ಬಳಿ ಸಮಾಲೋಚನೆ ನಡೆಸಿದ್ದರು. ಹಲವು ಚಿಕಿತ್ಸೆಗಳನ್ನು ಕೂಡ ಪಡೆದಿದ್ದರು. ಆದರೆ ಯಾವುದೇ ಪ್ರಯೋಜನವಾಗಿರಲಿಲ್ಲ. ವೈದ್ಯರು ತೂಕ ನಷ್ಟ ಮಾಡುವುದೊಂದೇ ದಾರಿ ಎಂದಿದ್ದರು.
ಗರ್ಭಿಣಿಯಾಗಲು ತಾನು ಅಸಮರ್ಥಳು ಎಂದು ಮಹಿಳೆ ತಿಳಿದಿದ್ದಳು, ಮಗುವನ್ನು ಹೊಂದುವ ಕನಸನ್ನೂ ಬಿಟ್ಟಿದ್ದರು.

ಕಳೆದ ಡಿಸೆಂಬರ್​ನಲ್ಲಿ ಕೈಯಲ್ಲಿ ಮರಗಟ್ಟುವಿಕೆ ಅನುಭವಿಸಿದ್ದಳು. ರಕ್ತದೊತ್ತಡ ಪರೀಕ್ಷಿಸಲು ಸಣ್ಣ ಕ್ಲಿನಿಕ್​ಗೆ ಹೋಗಿದ್ದಳು.
ವೈದ್ಯರೊಂದಿಗೆ ಸಮಾಲೋಚನೆ ಸಂದರ್ಭದಲ್ಲಿ ತೂಕ ಹೆಚ್ಚಾಗಿದೆ ಎಂದು ಅಲ್ಟ್ರಾಸೌಂಡ್ ಮಾಡಿಸಲು ಹೇಳಿದಾಗ ಗರ್ಭದೊಳಗೆ 2 ಕೆಜಿಯಷ್ಟು ತೂಕದ 8.5 ತಿಂಗಳ ಭ್ರೂ ಇರುವುದು ಪತ್ತೆಯಾಗಿದೆ.

ಮತ್ತಷ್ಟು ಓದಿ: ಪಾಕಿಸ್ತಾನ: ಆರು ಸಹೋದರಿಯರನ್ನು ವರಿಸಿದ ಆರು ಸಹೋದರರು, ಮದುವೆಗಾದ ಖರ್ಚೆಷ್ಟು?

ಆಕೆಯ ಅಧಿಕ ರಕ್ತದೊತ್ತಡದ ಕಾರಣ, ವೈದ್ಯರು ಮಗುವನ್ನು ಸುರಕ್ಷಿತವಾಗಿ ಹೆರಿಗೆ ಮಾಡಲು ನಾಲ್ಕು ಗಂಟೆಗಳಲ್ಲಿ ಶಸ್ತ್ರಚಿಕಿತ್ಸೆ ನಡೆಸಬೇಕಾಯಿತು, ಈಗ ತಾಯಿ ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ.

ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ