Acerpure Smart TV: ಗೃಹಬಳಕೆಯ ಎಲೆಕ್ಟ್ರಾನಿಕ್ಸ್ ಲೋಕಕ್ಕೆ ಏಸರ್ ಪ್ಯೂರ್ ಎಂಟ್ರಿ

ತೈವಾನ್ ಮೂಲದ ಏಸರ್ ಕಂಪನಿ, ಈವರೆಗೆ ಲ್ಯಾಪ್​ಟಾಪ್ ಮತ್ತು ಐಟಿ ಗ್ಯಾಜೆಟ್​ಗಳಿಗೆ ಮಾತ್ರ ಸೀಮಿತವಾಗಿತ್ತು. ಏಸರ್ ಲ್ಯಾಪ್​ಟಾಪ್ ಈಗಾಗಲೇ ಟೆಕ್ ಮಾರ್ಕೆಟ್​ನಲ್ಲಿ ಜನಪ್ರಿಯತೆ ಗಳಿಸಿದೆ. ಅದರ ಜತೆಗೇ ಈಗ ಏಸರ್ ಗೃಹಬಳಕೆಯ ಎಲೆಕ್ಟ್ರಾನಿಕ್ಸ್ ಉದ್ಯಮಕ್ಕೂ ಕಾಲಿರಿಸಿದೆ. ಏಸರ್ ಭಾರತದಲ್ಲಿ ಸ್ಮಾರ್ಟ್​ ಟಿವಿಗಳು, ವಾಟರ್ ಪ್ಯೂರಿಫೈಯರ್, ಏರ್ ಸರ್ಕ್ಯುಲೇಟರ್ ಫ್ಯಾನ್‌, ವಾಕ್ಯೂಮ್ ಕ್ಲೀನರ್ ಸಹಿತ ಹಲವು ಉತ್ಪನ್ನಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಅಲ್ಲದೆ, ಮೇಕ್ ಇನ್ ಇಂಡಿಯಾ ಯೋಜನೆಯಡಿ ಏಸರ್​ಪ್ಯೂರ್ ಎಂಬ ಬ್ರ್ಯಾಂಡ್ ಅನ್ನು ಕಂಪನಿ ಪರಿಚಯಿಸಿದೆ. ಏಸರ್​ಪ್ಯೂರ್ ಬ್ರ್ಯಾಂಡ್ ಮೂಲಕ ನೂತನ ಮಾದರಿಯ ಗೃಹಬಳಕೆಯ ಉತ್ಪನ್ನಗಳನ್ನು ದೇಶದಲ್ಲಿ ಏಸರ್ ಮಾರಾಟ ಮಾಡಲಿದೆ. ಜತೆಗೆ 32, 43, 55 ಮತ್ತು 65 ಇಂಚಿನ ನೂತನ ಸ್ಮಾರ್ಟ್​ ಟಿವಿಗಳ ಸರಣಿಯನ್ನು ಏಸರ್ ಬಿಡುಗಡೆ ಮಾಡಿದೆ.