ಮೈಸೂರು: ದಸರಾ ಮಹೋತ್ಸವ 2024ರ ಜಂಬೂ ಸವಾರಿಯಲ್ಲಿ ಪಾಲ್ಗೊಳ್ಳಲು ವೀರನಹೊಸಹಳ್ಳಿ ಕಾಡಿನಿಂದ ಮೈಸೂರಿಗೆ ಬಂದು ನಿನ್ನೆ ಅರಮನೆ ಆವರಣ ಸೇರಿರುವ ಅಭಿಮನ್ಯು ನೇತೃತ್ವದ ಆನೆಗಳ ರಾಜಾತಿಥ್ಯ ಶುರುವಾಗಿದೆ. ನಿನ್ನೆ ಒಂಭತ್ತು ಮನೆಗಳನ್ನು ಅರಣ್ಯ ಭವನದ ಆವರಣದಿಂದ ಅರಮನೆ ಆವರಣಕ್ಕೆ ಮೆರವಣಿಗೆ ಮತ್ತು ವಾದ್ಯಮೇಳಗಳೊಂದಿಗೆ ಕರೆದೊಯ್ದ ದೃಶ್ಯಗಳನ್ನು ನಿಮಗೆ ತೋರಿಸಿದ್ದೇವೆ. ಅರಮನೆಯಲ್ಲಿ ಆನೆಗಳಿಗೆ ಸಿಕ್ಕಿದ್ದು ಅದ್ದೂರಿಯ ಸ್ವಾಗತ. ನಿನ್ನೆ ಅರಮನೆ ಆವರಣದಲ್ಲಿ ರಾಜಭಕ್ಷ್ಯಗಳನ್ನು ಸೇವಿಸಿ ಚೆನ್ನಾಗಿ ವಿಶ್ರಮಿಸಿಕೊಂಡ ನಂತರ ಇಂದು ಬೆಳಗ್ಗೆ ಗಜಪಡೆಯನ್ನು ಮಾರ್ನಿಂಗ್ ವಾಕ್ ಗೆ ಕರೆದೊಯ್ಯಲಾಯಿತು. ಫಾರ್ ಎ ಚೇಂಜ್ ಬೆಳಗಿನ ವಿಹಾರದ ಸಮಯದಲ್ಲಿ ಗಜಗಳ ಟೀಮನ್ನು ಅಭಿಮನ್ಯು ಬದಲು ಏಕಲವ್ಯ ಲೀಡ್ ಮಾಡುತ್ತಿದ್ದ. ಈಗಾಗಲೇ ತಿಳಿಸಿರುವಂತೆ ಏಕಲವ್ಯ ಮೊದಲ ಬಾರಿಗೆ ದಸರಾ ಉತ್ಸವದಲ್ಲಿ ಭಾಗಿಯಾಗುತ್ತಿದ್ದಾನೆ. ಮುಂಬರುವ ವರ್ಷಗಳಲ್ಲಿ ಅಂಬಾರಿ ಹೊರುವ ಕೆಲಸ ಅವನ ಹೆಗಲಿಗೆ ಹಾಕಲಿರುವಿದರಿಂದ ಈಗಿಂದಲೇ ಲೀಡ್ ಮಾಡುವ ತರಬೇತಿಯನ್ನು ಮಾವುತ ಮತ್ತು ಕಾವಾಡಿಗರು ಅರಂಭಿಸಿದಂತಿದೆ.
ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಇದನ್ನೂ ಓದಿ: ದಸರಾ ಮಹೋತ್ಸವ 2024; ಈ ಸಲ ಯುವ ದಸರಾ ಮತ್ತು ದೀಪಾಲಂಕಾರ ಅವಧಿ ವಿಸ್ತರಿಸಲಾಗಿದೆ: ಹೆಚ್ಸಿ ಮಹದೇವಪ್ಪ