ಬಿಗ್ ಬಾಸ್ (Bigg Boss Kannada) ಮನೆಯಲ್ಲಿ 6ನೇ ವಾರದಲ್ಲಿ ಆಟ ಆಡುತ್ತಿರುವ ಸ್ಪರ್ಧಿಗಳಿಗೆ ಕುಟುಂಬದವರ ನೆನಪು ಕಾಡುತ್ತಿದೆ. ಈಗ ಎಲ್ಲರ ಮನೆಯಿಂದಲೂ ಪತ್ರಗಳು ಬಂದಿವೆ. ಆದರೆ ಆ ಲೆಟರ್ ಪಡೆದುಕೊಳ್ಳಲು ಟಾಸ್ಕ್ ಗೆಲ್ಲಬೇಕು. ತನಿಷಾ ಕುಪ್ಪಂಡ (Tanisha Kuppanda) ಅವರು ಆಟದಲ್ಲಿ ಕಳಪೆ ಪ್ರದರ್ಶನ ತೋರಿದ್ದಾರೆ. ಅವರಿಂದಾಗಿ ಇತರರಿಗೆ ಪತ್ರ ಮಿಸ್ ಆಗುವ ಸಾಧ್ಯತೆ ಇದೆ. ಟಾಸ್ಕ್ನ ಗಂಭೀರತೆಯನ್ನು ಅವರು ಸರಿಯಾಗಿ ಅರ್ಥ ಮಾಡಿಕೊಂಡಿಲ್ಲ ಎಂದು ವಿನಯ್ ಗೌಡ (Vinay Gowda) ಗರಂ ಆಗಿದ್ದಾರೆ. ಈ ಸಂಚಿಕೆ ನವೆಂಬರ್ 15ರಂದು ರಾತ್ರಿ 9.30ಕ್ಕೆ ಕಲರ್ಸ್ ಕನ್ನಡದಲ್ಲಿ ಪ್ರಸಾರ ಆಗಲಿದೆ. ‘ಜಿಯೋ ಸಿನಿಮಾ’ ಒಟಿಟಿಯಲ್ಲಿ ಉಚಿತವಾಗಿ ದಿನ 24 ಗಂಟೆಯೂ ಲೈವ್ ನೋಡಲು ಅವಕಾಶ ಇದೆ. ತನಿಷಾ ಕುಪ್ಪಂಡ ಅವರು ಜಾತಿ ನಿಂದನೆ ಮಾಡಿದ ಆರೋಪ ಎದುರಿಸುತ್ತಿದ್ದಾರೆ. ಅವರ ಆಟಕ್ಕೆ ಇದು ಕೂಡ ಮುಳುವಾಗುವ ಸಾಧ್ಯತೆ ದಟ್ಟವಾಗಿದೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.