Flipkart Offer Sale: ಫ್ಲಿಪ್​ಕಾರ್ಟ್​ನಲ್ಲಿ ವಿದ್ಯಾರ್ಥಿಗಳಿಗಾಗಿ ವಿಶೇಷ ಬ್ಯಾಕ್ ಟು ಕ್ಯಾಂಪಸ್ ಆಫರ್

ದೇಶದ ಪ್ರಸಿದ್ಧ ಇ ಕಾಮರ್ಸ್ ಸಂಸ್ಥೆ ಫ್ಲಿಪ್​ಕಾರ್ಟ್, ವಿದ್ಯಾರ್ಥಿಗಳಿಗಾಗಿ ವಿಶೇಷ ಆಫರ್ ಸೇಲ್ ನಡೆಸುತ್ತಿದೆ. ಕಾಲೇಜ್ ಅಡ್ಮಿಶನ್ ಮತ್ತು ತರಗತಿಗಳು ಶುರುವಾಗುತ್ತಿರುವ ಸಂದರ್ಭದಲ್ಲಿ ಲ್ಯಾಪ್​ಟಾಪ್ ಮತ್ತು ಐಟಿ ಗ್ಯಾಜೆಟ್​ಗಳ ಮೇಲೆ ವಿಶೇಷ ಡಿಸ್ಕೌಂಟ್, ಆಫರ್ ಲಭ್ಯವಾಗಲಿದೆ. ಜೂನ್ 21 ರಿಂದ ಜೂನ್ 27 ರವರೆಗೆ ಆಫರ್ ಸೇಲ್ ಇರಲಿದ್ದು, ವಿದ್ಯಾರ್ಥಿಗಳ ಅಗತ್ಯತೆಗಳಿಗೆ ಅನುಸಾರವಾಗಿ ವಿವಿಧ ಬ್ರ್ಯಾಂಡ್​ಗಳ ಲ್ಯಾಪ್​ಟಾಪ್, ಟ್ಯಾಬ್ಲೆಟ್, ಗೇಮಿಂಗ್ ಉತ್ಪನ್ನಗಳು, ಮಾನಿಟರ್, ಸ್ಮಾರ್ಟ್ ವಾಚ್, ವೈರ್​ಲೆಸ್ ಇಯರ್ ಫೋನ್, ಪ್ರಿಂಟರ್, ಲ್ಯಾಪ್ ಟಾಪ್ ಅಕ್ಸೆಸರಿಗಳು ಸಹಿತ ವಿದ್ಯಾರ್ಥಿಗಳಿಗೆ ಅಗತ್ಯವಾಗಿರುವ ಗ್ಯಾಜೆಟ್​ಗಳನ್ನು ಖರೀದಿಸಬಹುದಾಗಿದೆ. ಅದರ ಜತೆಗೆ ಬ್ಯಾಂಕ್ ಕಾರ್ಡ್ ಆಫರ್, ಕ್ಯಾಶ್​ಬ್ಯಾಕ್ ಕೂಡ ಲಭ್ಯವಾಗಲಿದೆ.