Health Tips: ಪದೇ ಪದೇ ಆತಂಕಕ್ಕೆ ಒಳಗಾಗುತ್ತೀರಾ? ಅದರಿಂದ ಹೊರಬರೋದು ಹೇಗೆ? ಇಲ್ಲಿದೆ ಸಿಂಪಲ್ ಟಿಪ್ಸ್

ಮನುಷ್ಯನಲ್ಲಿ ಆತಂಕ (Anxiety) ಇರೋದು ತೀರಾ ಸಾಮಾನ್ಯ​. ಸದಾ ಮನಸಿನಲ್ಲಿ ಒಂದಲ್ಲ ಒಂದು ಆಲೋಚನೆ ಬರುತ್ತಿರುತ್ತದೆ. ಇವುಗಳಲ್ಲಿ ಕೆಲವೊಂದು ನಮ್ಮಲ್ಲಿ ಆತಂಕವನ್ನು ಸೃಷ್ಟಿಸುತ್ತವೆ. ಆತಂಕದಲ್ಲಿ ಇದ್ದಾಗ ಮುಖ ಸಪ್ಪೆಯಾಗಿರುತ್ತದೆ. ಚಟುವಟಿಕೆ ಕಡಿಮೆಯಾಗುತ್ತದೆ. ಆದರೆ ಅದನ್ನು ಮೆಟ್ಟಿ ನಿಲ್ಲೋದು ಹೇಗೆ ಎಂದು ಹಲವರಿಗೆ ಅನುಮಾನಗಳಿರಬಹುದು. ಈ ಬಗ್ಗೆ ಮನೋ ವೈದ್ಯೆ ಡಾ.ಸೌಜನ್ಯ ವಶಿಷ್ಟ (Dr Soujanya Vasista) ಅವರು ತಿಳಿಸಿಕೊಟ್ಟಿದ್ದಾರೆ. ನೀವು ಇದನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬಹುದು.

ಡಾ.ಸೌಜನ್ಯ ಸಲಹೆ ಹೀಗೆ. ‘‘ನಿಮ್ಮ ಆತಂಕವನ್ನು ಒಂದು ಪುಸ್ತಕದಲ್ಲಿ ಬರೆಯಿರಿ. ಸುಮಾರು ಒಂದು ಪ್ಯಾರಾದಲ್ಲಿ ಅದನ್ನು ಬರೆದ ನಂತರ ಈ ಆತಂಕದ ಹಿನ್ನೆಲೆಯೇನು ಎಂದು ಯೋಚಿಸಿ. ಆತಂಕ ಹುಟ್ಟಲು ಏನು ಕಾರಣ ಎಂಬುದರ ಬಗ್ಗೆಯೂ ಬರೆಯಿರಿ. ಆ ಆತಂಕ ಸುಖಾಸುಮ್ಮನೆಯೇ, ವಾಸ್ತವದಲ್ಲಿ ಏನಾಗಿರಬಹುದು ಎಂಬ ತಿಳುವಳಿಕೆಯೂ ನಿಮ್ಮಲ್ಲಿರುತ್ತದೆ. ಅದನ್ನೂ ಮತ್ತೊಂದು ಪ್ಯಾರಾದಲ್ಲಿ ಬರೆಯಿರಿ. ಹಾಗೆಯೇ ಈ ಆತಂಕದ ಪರಿಣಾಮಗಳೇನು? ಆ ಆತಂಕ ನಿಜವೇ ಅಥವಾ ನಮ್ಮ ಕಲ್ಪನೆಯೇ? ಈ ಬಗ್ಗೆಯೂ ಬರೆಯಿರಿ’’

ಈ ರೀತಿ ಬರೆದಾಗ ನಿಮ್ಮ ಸಮಸ್ಯೆಗಳಿಗೆ ನಿಮಗೇ ಪರಿಹಾರ ದೊರೆಯುತ್ತದೆ. ಆತಂಕ ಇರುವವರಿಗೆ ನಾಳೆಯ ಬಗ್ಗೆ ಹೆಚ್ಚಿನ ಆಲೋಚನೆಗಳಿರುತ್ತವೆ. ನಾಳೆಯ ಬಗ್ಗೆ ಅಥವಾ ಮುಂದಿನ ಬಗ್ಗೆ ಗೊಂದಲಗಳಿದ್ದಾಗ ಹೀಗಾಗಬಹುದು. ಈ ವಿಧಾನದಿಂದ ಅದನ್ನು ಸರಳವಾಗಿ ಪರಿಹರಿಸಬಹುದು ಎನ್ನುತ್ತಾರೆ ಡಾ.ಸೌಜನ್ಯ ವಸಿಷ್ಠ.

ಇದನ್ನೂ ಓದಿ: ಬೇರೆಯವರ ಬಗ್ಗೆ ಸುಖಾಸುಮ್ಮನೆ ಒಂದು ಅಭಿಪ್ರಾಯ ತಳೆಯಬೇಡಿ, ಅದೊಂದು ಕೆಟ್ಟ ಚಾಳಿ: ಡಾ ಸೌಜನ್ಯ ವಶಿಷ್ಠ

 ಮಾನಸಿಕ ಮತ್ತು ದೈಹಿಕ ಆರೋಗ್ಯ ಕಾಯ್ದುಕೊಳ್ಳಲು ದೇಹಕ್ಕೆ ನಿಯಮಿತ ವರ್ಕ್​ಔಟ್ ಬಹಳ ಮುಖ್ಯ: ಡಾ ಸೌಜನ್ಯ ವಶಿಷ್ಠ