ಲಾಕ್ಡೌನ್ ಕಾಲಘಟ್ಟದಲ್ಲಿ ಹೊರಗಿನ ತಿಂಡಿಗಳನ್ನು ತಿನ್ನುವುದು ಅಷ್ಟು ಸಮಂಜಸವಲ್ಲ. ಹಾಗಂತ ರುಚಿಕರವಾದ ಪಿಜ್ಜಾ, ಬರ್ಗರ್, ನಿಪ್ಪಟ್ಟು, ಬಜ್ಜಿ, ಸ್ಯಾಂಡ್ವಿಚ್ ಇವುಗಳನ್ನು ಬಿಟ್ಟು ಇರುವುದು ಹಲವರಿಗೆ ಕಷ್ಟ ಎನಿಸಬಹುದು. ಆದರೆ ಯೋಚಿಸುವ ಅಗತ್ಯ ಇಲ್ಲ. ಸರಳ ವಿಧಾನದ ಜತೆಗೆ ಇವುಗಳನ್ನು ಮನೆಯಲ್ಲಿಯೇ ಮಾಡಬಹುದು. ಅದರಲ್ಲೂ ಗಾರ್ಲಿಕ್ ಚೀಸ್ಕಾರ್ನ್ ಸ್ಯಾಂಡ್ವಿಚ್ ಅನ್ನು 10 ನಿಮಿಷಗಳಲ್ಲಿ ಮನೆಯಲ್ಲಿಯೇ ತಯಾರಿಸಬಹುದು. ಹಾಗಿದ್ದರೆ ಗಾರ್ಲಿಕ್ ಚೀಸ್ಕಾರ್ನ್ ಸ್ಯಾಂಡ್ವಿಚ್ ಮಾಡುವುದು ಹೇಗೆ ಎಂದು ತಿಳಿದುಕೊಳ್ಳೋಣ.
ಗಾರ್ಲಿಕ್ ಚೀಸ್ಕಾರ್ನ್ ಸ್ಯಾಂಡ್ವಿಚ್ ಮಾಡಲು ಬೇಕಾಗುವ ಸಾಮಾಗ್ರಿಗಳು ಹೂ ಕೋಸು, ಕೆಂಪು ಕ್ಯಾಪ್ಸಿಕಂ, ಹಸಿರು ಕ್ಯಾಪ್ಸಿಕಂ, ಹಳದಿ ಕ್ಯಾಪ್ಸಿಕಂ, ಜೋಳ, ಈರುಳ್ಳಿ, ಕಾನ್ಫ್ಲವರ್, ಬೆಳ್ಳುಳ್ಳಿ ಪೇಸ್ಟ್, ಮೈದಾ, ಚಿಲ್ಲಿ ಫ್ಲೈಸ್, ಚೀಸ್, ಬ್ರೆಡ್, ಬೆಣ್ಣೆ, ಎಣ್ಣೆ, ಉಪ್ಪು. ಹಾಲು, ಪೆಪ್ಪರ್.
ಗಾರ್ಲಿಕ್ ಚೀಸ್ಕಾರ್ನ್ ಸ್ಯಾಂಡ್ವಿಚ್ ಮಾಡುವ ವಿಧಾನ
ಒಂದು ಪಾತ್ರೆಗೆ ಎಣ್ಣೆ ಹಾಕಿ ಅದು ಕಾದ ಮೇಲೆ ಬೆಳ್ಳುಳ್ಳಿ ಪೇಸ್ಟ್, ಈರುಳ್ಳಿ, ಹೂ ಕೋಸು, ಕೆಂಪು ಕ್ಯಾಪ್ಸಿಕಂ, ಹಸಿರು ಕ್ಯಾಪ್ಸಿಕಂ, ಹಳದಿ ಕ್ಯಾಪ್ಸಿಕಂ ಮಿಕ್ಸ್ ಮಾಡಿ. ಬಳಿಕ ಕಾನ್ಫ್ಲವರ್, ಮೈದಾ ಹಿಟ್ಟನ್ನು ಹಾಲಿನಲ್ಲಿ ಕಲಸಿ ಹುರಿದ ಮಿಶ್ರಣಕ್ಕೆ ಸೇರಿಸಿ. ಬಳಿಕ ಇದಕ್ಕೆ ಉಪ್ಪು, ಚಿಲ್ಲಿ ಫ್ಲೈಸ್, ಪೆಪ್ಪರ್, ಚೀಸ್, ಕಾರ್ನ್ ಹಾಕಿ ಮಿಶ್ರಣ ತಯಾರಿಸಿಕೊಳ್ಳಿ. ಬಳಿಕ ಬ್ರೆಡ್ ಮಧ್ಯದಲ್ಲಿ ಈ ಮಿಶ್ರಣ ಹಾಕಿ, ಗ್ರೀಲರ್ ಅಲ್ಲಿ ಇಡಿ. ಈಗ ರುಚಿಕರವಾದ ಗಾರ್ಲಿಕ್ ಚೀಸ್ಕಾರ್ನ್ ಸ್ಯಾಂಡ್ವಿಚ್ ಸವಿಯಲು ಸಿದ್ಧ.
ಇದನ್ನೂ ಓದಿ:
ಮೈಸೂರು ಸ್ಪೆಷಲ್ ಬಜ್ಜಿ; ಸಂಜೆ ಸ್ನ್ಯಾಕ್ಸ್ಗೆ ಮಾಡಿ ಸವಿಯಿರಿ