ರಾಯಚೂರು: ಅನೈತಿಕ ಚಟುವಟಿಕೆಗಳ ತಾಣವಾದ ಸರ್ಕಾರಿ ಆಸ್ಪತ್ರೆ

ರಾಯಚೂರು, ಫೆಬ್ರವರಿ 17: ಮಸ್ಕಿ (Maski) ತಾಕೂಕಿನ ಹಂಪನಾಳ ಗ್ರಾಮದ ಸರ್ಕಾರಿ ಆಸ್ಪತ್ರೆ ಅನೈತಿಕ ಚಟುವಟಿಕೆಗಳ ತಾಣವಾಗಿದೆ. ಆಸ್ಪತ್ರೆಯಲ್ಲಿ ಕಿಡಿಗೇಡಿಗಳು ಇಸ್ಪೀಟ್, ಪಲ್ಲಂಗದಾಟ, ಎಣ್ಣೆ ಪಾರ್ಟಿ ಮಾಡಿದ್ದಾರೆ. 15 ವರ್ಷಗಳ ಹಿಂದೆ ಲಕ್ಷ-ಲಕ್ಷ ವೆಚ್ಚದಲ್ಲಿ ನಿರ್ಮಿಸಿರುವ ಸರ್ಕಾರಿ ಆಸ್ಪತ್ರೆ ಅನೈತಿಕ ಚಟುವಟಿಕೆಗಳ ತಾಣವಾಗಿದೆ. ಇದೀಗ, ಅಧಿಕಾರಿಗಳು ಆಸ್ಪತ್ರೆಗೆ ಬೀಗ ಹಾಕಿದ್ದಾರೆ. ಎರಡು ವರ್ಷದಿಂದ ಆಸ್ಪತ್ರೆಗೆ ವೈದ್ಯರು, ಸಿಬ್ಬಂದಿಯೇ ಬಂದಿಲ್ಲ. ಆದರೆ, ದಾಖಲಾತಿಯಲ್ಲಿ ಮಾತ್ರ ಸಿಬ್ಬಂದಿ ಕೆಲಸ ಹಾಜರಾತಿ ಇದೆ. ಈ ದಾಖಲಾತಿ ಆಧಾರದಲ್ಲಿ ಪ್ರತಿ ತಿಂಗಳು ಸಿಬ್ಬಂದಿ ವೇತನ ಪಡೆಯುತ್ತಿದ್ದಾರೆ. ಆದರೆ, ಅಸಲಿಗೆ ಆಸ್ಪತ್ರೆಗೆ ಬೀಗ ಬಿದ್ದು ಎರಡು ವರ್ಷಗಳಾಗಿವೆ. ಆಸ್ಪತ್ರೆ ಬಾಗಿಲು ತೆರೆದರೆ ಹಂಪನಾಳ ಸೇರಿದಂತೆ ಸುತ್ತಲಿನ 4-5 ಗ್ರಾಮಗಳಿಗೆ ಅನಕೂಲವಾಗಲಿದೆ.