ದೇವನಹಳ್ಳಿ: ಚಾರ್ಜ್ಗೆ ಇಟ್ಟಿದ್ದ ಐಫೋನ್ನನ್ನು ಎಗರಿಸಿ ಮೊಬೈಲ್ ಟವರ್ ಏರಿದ ಮಂಗ, ಮುಂದೇನಾಯ್ತು?
ಮಂಗನ ಕೈಯಲ್ಲಿ ಮಾಣಿಕ್ಯ ಸಿಕ್ಕರೆ ಹೇಗೆ ಅದು ಸತಾಯಿಸುತ್ತೋ ಅದೇ ರೀತಿ ಇಲ್ಲೊಂದು ಮಂಗ ಗ್ರಾಮಸ್ಥರಿಗೆ ತಲೆನೋವಾಗಿದೆ. ಮನೆಯಲ್ಲಿ ಚಾರ್ಜ್ಗೆ ಇಟ್ಟಿದ್ದ ಐಫೋನ್ನನ್ನು ಕದ್ದು ಮಂಗವೊಂದು ಮೊಬೈಲ್ ಟವರ್ ಏರಿದ ಘಟನೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆ ದೊಡ್ಡಬಳ್ಳಾಪುರ ತಾಲೂಕಿನ ತೂಬಗೆರೆ ಗ್ರಾಮದಲ್ಲಿ ನಡೆದಿದೆ. ಗ್ರಾಮಸ್ಥರು ಸುಮಾರು ಗಂಟೆಗಳ ಕಾಲ ಕೋತಿ ಬಳಿ ನಿಂತು ಮೊಬೈಲ್ ಪಡೆಯಲು ಹರಸಾಹಸಪಟ್ಟಿದ್ದು ಹಲವು ಗಂಟೆಗಳ ಬಳಿಕ ಕೋತಿ ಮೊಬೈಲ್ ಕೆಳಗೆ ಬಿಟ್ಟಿದೆ.
ದೇವನಹಳ್ಳಿ, ಸೆ.23: ಬೆಂಗಳೂರು ಗ್ರಾಮಾಂತರ ಜಿಲ್ಲೆ ದೊಡ್ಡಬಳ್ಳಾಪುರ ತಾಲೂಕಿನ ತೂಬಗೆರೆ ಗ್ರಾಮದಲ್ಲಿ ಕೋತಿಗಳ ಕಾಟ ಮಿತಿಮೀರಿದೆ. ಮನೆಯಲ್ಲಿ ಚಾರ್ಜ್ಗೆ ಇಟ್ಟಿದ್ದ ಐಫೋನ್ನನ್ನು ಮಂಗ ಎಗರಿಸಿದ್ದು ಮೊಬೈಲ್ ಸಮೇತ ಟವರ್ ಏರಿದೆ. ಮಂಗನಿಂದ ಫೋನ್ ಪಡೆಯಲು ಹರಸಾಹಸಪಟ್ಟಿದ್ದಾರೆ. ಗ್ರಾಮದಲ್ಲಿ ನಿತ್ಯ ಮನೆಗಳ ಬಳಿಗೆ ಗುಂಪು ಗುಂಪಾಗಿ ಕೋತಿಗಳು ಬರುತ್ತಿವೆ. ಮನೆಯಲ್ಲಿ ಸಿಕ್ಕ ಸಿಕ್ಕ ವಸ್ತುಗಳನ್ನ ಹೊತ್ತೋಯ್ದು ಕ್ವಾಟ್ಲೆ ಕೊಡ್ತಿವೆ. ಅದೇ ರೀತಿ ಮನೆಯಲ್ಲಿದ್ದ ಐಫೋನ್ ಎತ್ತಿಕೊಂಡು ಕೋತಿ ಟವರ್ ಏರಿದ್ದು ಹಲವು ಗಂಟೆಗಳ ಬಳಿಕ ಗ್ರಾಮಸ್ಥರ ಹರಸಾಹಸದ ಬಳಿಕ ಟವರ್ ಮೇಲಿಂದ ಫೋನ್ನನ್ನು ಕೆಳಗಡೆಗೆ ಬಿಸಾಕಿದೆ. ಮೇಲಿದ್ದ ಐಫೋನ್ ಬಿದ್ದ ಕಾರಣ ಡಿಸ್ಪ್ಲೇ ಡ್ಯಾಮೇಜ್ ಆಗಿದೆ.
ಮತ್ತಷ್ಟು ವಿಡಿಯೋ ಸುದ್ದಿಗಳನ್ನು ನೋಡಲು ಇದರ ಮೇಲೆ ಕ್ಲಿಕ್ ಮಾಡಿ
Published on: Sep 23, 2024 11:46 AM