Tanisha Kuppanda: ನಟಿಗೆ ಅಸಭ್ಯವಾಗಿ ಪ್ರಶ್ನೆ ಕೇಳಿದ್ದು ಪ್ರಚಾರದ ತಂತ್ರವೇ? ಉತ್ತರ ನೀಡಿದ ‘ಪೆಂಟಗನ್​’ ಚಿತ್ರತಂಡ

ಯಾವುದೇ ಸಿನಿಮಾ ಬಿಡುಗಡೆಗೆ ಹತ್ತಿರವಾದಾಗ ಆ ತಂಡ ಏನಾದರೂ ಕಿರಿಕ್​ ಮಾಡಿಕೊಂಡರೆ ಅದು ಪ್ರಚಾರದ ಗಿಮಿಕ್​ ಇರಬಹುದು ಅಂತ ಅನುಮಾನ ಮೂಡುತ್ತದೆ. ಇತ್ತೀಚೆಗೆ ‘ಪೆಂಟಗನ್​’ (Pentagon Movie) ಚಿತ್ರದ ನಟಿ ತನಿಷಾ ಕುಪ್ಪಂಡ (Tanisha Kuppanda) ಅವರಿಗೆ ಒಬ್ಬ ಯೂಟ್ಯೂಬರ್​ ಅಸಭ್ಯವಾಗಿ ಪ್ರಶ್ನೆ ಕೇಳಿದ್ದು ದೊಡ್ಡ ಸುದ್ದಿ ಆಯಿತು. ಇದು ಕೂಡ ಪ್ರಚಾರದ ಗಿಮಿಕ್​ ಆಗಿರಬಹುದೇ ಎಂದು ಕೆಲವರು ಪ್ರಶ್ನೆ ಮಾಡಿದ್ದಾರೆ. ಆ ಕುರಿತು ಸುದ್ದಿಗೋಷ್ಠಿ ಮೂಲಕ ‘ಪೆಂಟಗನ್​’ ಚಿತ್ರತಂಡ ಉತ್ತರ ನೀಡಿದೆ. ‘ದೇವರಾಣೆಗೂ ನಾವು ಇದನ್ನು ಪಬ್ಲಿಸಿಟಿಗಾಗಿ ಮಾಡಿಲ್ಲ. ಅವನೊಬ್ಬ ಅಯೋಗ್ಯ. ಅಂಥ ಪ್ರಶ್ನೆ ಕೇಳಿದ. ಹಾಗಾಗಿ ತರಾಟೆಗೆ ತೆಗೆದುಕೊಂಡೆವು’ ಎಂದು ನಿರ್ದೇಶಕ ರಾಘು ಶಿವಮೊಗ್ಗ (Raghu Shivamogga) ಹೇಳಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.