Pentagon Trailer: ‘ಪೆಂಟಗನ್’ ಚಿತ್ರದ ಟ್ರೇಲರ್ ಮೆಚ್ಚಿದ ಸೆಲೆಬ್ರಿಟಿಗಳು; ಟ್ರೆಂಡಿಂಗ್ನಲ್ಲಿದೆ ಕನ್ನಡದ 5 ಕಥೆಗಳ ಸಿನಿಮಾ

Rishab Shetty | Pentagon Kannada Movie: ಏಪ್ರಿಲ್ 7ರಂದು ‘ಪೆಂಟಗನ್’ ಸಿನಿಮಾ ಬಿಡುಗಡೆ ಆಗಲಿದೆ. ಈ ಚಿತ್ರದ ಟ್ರೇಲರ್ ನೋಡಿ ಅನೇಕ ಸೆಲೆಬ್ರಿಟಿಗಳು ಮೆಚ್ಚುಗೆ ಸೂಚಿಸಿದ್ದಾರೆ.

ಪೆಂಟಗನ್ ಪೋಸ್ಟರ್, ರಿಷಬ್ ಶೆಟ್ಟಿ, ಅನಿಲ್ ರವಿಪುಡಿ

ಮದನ್ ಕುಮಾರ್ |
Updated on:Mar 24, 2023 | 4:40 PM

ಮುಖ್ಯಾಂಶಗಳು

ಸಿನಿಪ್ರಿಯರ ಗಮನ ಸೆಳೆಯುತ್ತಿದೆ ‘ಪೆಂಟಗನ್’ ಸಿನಿಮಾದ ಟ್ರೇಲರ್
ರಿಷಬ್ ಶೆಟ್ಟಿ, ಅನಿಲ್ ರವಿಪುಡಿ ಮುಂತಾದವರಿಂದ ಟ್ರೇಲರ್ಗೆ ಮೆಚ್ಚುಗೆ
5 ಕಥೆಗಳನ್ನು ಹೊಂದಿರುವ ‘ಪೆಂಟಗನ್’ ಸಿನಿಮಾ ಏಪ್ರಿಲ್ 7ಕ್ಕೆ ಬಿಡುಗಡೆ

ಪ್ರತಿದಿನ ಹೊಸ ಹೊಸ ಸಿನಿಮಾಗಳ ಟ್ರೇಲರ್, ಪೋಸ್ಟರ್, ಟೀಸರ್ ಬಿಡುಗಡೆ ಆಗುತ್ತಲೇ ಇರುತ್ತವೆ. ಅವುಗಳಲ್ಲಿ ಕೆಲವು ಮಾತ್ರ ಟ್ರೆಂಡ್ ಆಗುತ್ತವೆ. ಕಾಂಟೆಂಟ್ ಚೆನ್ನಾಗಿದ್ದರೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತದೆ. ಈಗ ‘ಪೆಂಟಗನ್’ (Pentagon Movie) ಸಿನಿಮಾದ ಟ್ರೇಲರ್ ಕೂಡ ಟ್ರೆಂಡ್ ಆಗಿದೆ. ಯೂಟ್ಯೂಬ್ನಲ್ಲಿ ಎಲ್ಲರ ಗಮನ ಸೆಳೆಯುತ್ತಿದೆ. ಸಾಮಾನ್ಯ ಪ್ರೇಕ್ಷಕರು ಮಾತ್ರವಲ್ಲದೇ ಸೆಲೆಬ್ರಿಟಿಗಳು ಕೂಡ ಈ ಬಗ್ಗೆ ಟ್ವೀಟ್ ಮಾಡುತ್ತಿದ್ದಾರೆ. ತೆಲುಗಿನ ನಿರ್ದೇಶಕ ಅನಿಲ್ ರವಿಪುಡಿ, ನಟ-ನಿರ್ದೇಶಕ ರಿಷಬ್ ಶೆಟ್ಟಿ (Rishab Shetty) ಮುಂತಾದವರು ‘ಪೆಂಟಗನ್’ ಸಿನಿಮಾದ ಟ್ರೇಲರ್ (Pentagon Trailer) ನೋಡಿ ಮೆಚ್ಚಿಕೊಂಡಿದ್ದಾರೆ. ಆ ಮೂಲಕ ಈ ಚಿತ್ರದ ಹೈಪ್ ಹೆಚ್ಚಾಗಿದೆ.

ಮಾರ್ಚ್ 23ರಂದು ‘ಪೆಂಟಗನ್’ ಚಿತ್ರದ ಟ್ರೇಲರ್ ಬಿಡುಗಡೆ ಆಯಿತು. ಈ ಸಿನಿಮಾದಲ್ಲಿ 5 ಬೇರೆ ಬೇರೆ ಕಥೆಗಳು ಇವೆ. ಒಂದು ಕಥಾಸಂಕಲನದ ರೀತಿ ಮೂಡಿಬಂದಿರುವ ಈ ಸಿನಿಮಾದ ಟ್ರೇಲರ್ ಗಮನ ಸೆಳೆಯುತ್ತಿದೆ. ಎಲ್ಲ ಕಥೆಗಳ ಝಲಕ್ ತೋರಿಸುವಲ್ಲಿ ಟ್ರೇಲರ್ ಯಶಸ್ವಿ ಆಗಿದೆ. ಸೋಶಿಯಲ್ ಮೀಡಿಯಾದಲ್ಲಿ ಅನೇಕ ಸೆಲೆಬ್ರಿಟಿಗಳು ‘ಪೆಂಟಗನ್’ ಬಗ್ಗೆ ಪೋಸ್ಟ್ ಮಾಡುತ್ತಿದ್ದಾರೆ.

Pentagon: 5 ಪವರ್ಫುಲ್ ಕಥೆಗಳ ಝಲಕ್ ತೋರಿಸಿದ ‘ಪೆಂಟಗನ್’ ಟ್ರೇಲರ್; ಡಬಲ್ ಆಯ್ತು ನಿರೀಕ್ಷೆ

‘ಕನ್ನಡದ ಪೆಂಟಗನ್ ಸಿನಿಮಾದ ಟ್ರೇಲರ್ ಹಂಚಿಕೊಳ್ಳಲು ನನಗೆ ಖುಷಿ ಆಗುತ್ತಿದೆ. ಇದೊಂದು ಅದ್ಭುತ ಟ್ರೇಲರ್. ಇಡೀ ತಂಡಕ್ಕೆ ಶುಭವಾಗಲಿ’ ಎಂದು ಅನಿಲ್ ರವಿಪುಡಿ ಅವರು ಟ್ವೀಟ್ ಮಾಡಿದ್ದಾರೆ. ಆ ಮೂಲಕ ತೆಲುಗು ಪ್ರೇಕ್ಷಕರು ಕೂಡ ಈ ಟ್ರೇಲರ್ ಬಗ್ಗೆ ಗಮನ ಹರಿಸುವಂತೆ ಅವರು ಮಾಡಿದ್ದಾರೆ.

I’m very excited to share with you, the trailer of a kannada anthology movie PENTAGON. It’s an astonishing trailer. Best of luck to the team. @BelawadiBlr @deshpandeguru1 @kiran_kumarrrr #TrendingNow #pentagontrailer #release_on_april_7th #pentagonmovie https://t.co/WidvV7AFh8

— Anil Ravipudi (@AnilRavipudi) March 23, 2023

‘ಇದು ಕನ್ನಡದ ಮತ್ತೊಂದು ಕಥಾಸಂಗಮ. ಪುಟ್ಟಣ ಕಣಗಾಲ್ ಅವರ ಲೆಗೆಸಿ ಮುಂದುವರಿಯುತ್ತಿರುವುದನ್ನು ನೋಡಲು ಖುಷಿ ಆಗುತ್ತದೆ. ಟ್ರೇಲರ್ ತುಂಬ ಆಕರ್ಷಕವಾಗಿದೆ. ಪೆಂಟಗನ್ ತಂಡಕ್ಕೆ ಆಲ್ ದಿ ಬೆಸ್ಟ್’ ಎಂದು ರಿಷಬ್ ಶೆಟ್ಟಿ ಟ್ವೀಟ್ ಮಾಡಿದ್ದಾರೆ. ‘777 ಚಾರ್ಲಿ’ ಸಿನಿಮಾದ ನಿರ್ದೇಶಕ ಕಿರಣ್ ರಾಜ್, ‘ಬಹದ್ದೂರ್’ ಚೇತನ್ ಕುಮಾರ್ ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಟ್ರೇಲರ್ ಹಂಚಿಕೊಂಡಿದ್ದಾರೆ.

#pentagon a Kannada anthology movie. Mathondu katha sangama. It’s magnificent to see Legacy of Puttanna kanagal been continued. Appealing trailer. Trailer out now, all the best to the team.

@despandeguru1@kiran_kumarrrr #pentagontrailer https://t.co/ZFMwdXuVck pic.twitter.com/6XClZ8BELE

— Rishab Shetty (@shetty_rishab) March 23, 2023

ಏಪ್ರಿಲ್ 7ರಂದು ‘ಪೆಂಟಗನ್’ ಸಿನಿಮಾ ಬಿಡುಗಡೆ ಆಗಲಿದೆ. ಐವರು ನಿರ್ದೇಶಕರು ‘ಪೆಂಟಗನ್’ ಚಿತ್ರಕ್ಕೆ ಕೆಲಸ ಮಾಡಿದ್ದಾರೆ. ಗುರು ದೇಶಪಾಂಡೆ, ‘ಶಿವಾಜಿ ಸುರತ್ಕಲ್’ ಸಿನಿಮಾ ಖ್ಯಾತಿಯ ಆಕಾಶ್ ಶ್ರೀವತ್ಸ, ‘ಚೂರಿಕಟ್ಟೆ’ ಖ್ಯಾತಿಯ ರಾಘು ಶಿವಮೊಗ್ಗ, ‘ಬ್ರಹ್ಮಚಾರಿ’ ಚಿತ್ರದ ಚಂದ್ರಮೋಹನ್ ಹಾಗೂ ಹೊಸ ನಿರ್ದೇಶಕ ಕಿರಣ್ ಕುಮಾರ್ ಅವರು ತಲಾ ಒಂದು ಕಥೆಗೆ ನಿರ್ದೇಶನ ಮಾಡಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

Published On - 4:40 pm, Fri, 24 March 23