‘ಡಾಲಿಯಿಂದ ಮೋಸ ಆಗಿದೆ’; ರೀಷ್ಮಾ ನಾಣಯ್ಯ ಆರೋಪಕ್ಕೆ ಕಾರಣ ಏನು?
ಅಣ್ಣ ಫ್ರಮ್ ಮೆಕ್ಸಿಕೋ ಚಿತ್ರದ ಇತ್ತೀಚಿನ ಕಾರ್ಯಕ್ರಮದಲ್ಲಿ ನಟಿ ರೀಷ್ಮಾ ನಾಣಯ್ಯ ತಮ್ಮ ಚಿತ್ರದ ಹಾಡುಗಳ ಬಗ್ಗೆ ಮಾತನಾಡಿದ್ದಾರೆ. ನಟ ಧನಂಜಯ್ ಡ್ಯಾನ್ಸ್ ಬಗ್ಗೆ ನನಗೆ ಮೋಸ ಮಾಡಿದ್ದಾರೆ ಎಂದು ಹೇಳಿ ಅಚ್ಚರಿ ಮೂಡಿಸಿದ್ದಾರೆ. ರಿಹರ್ಸಲ್ ಸಮಯದಲ್ಲಿ ಡ್ಯಾನ್ಸ್ ಬರಲ್ಲ ಎಂದಿದ್ದ ಧನಂಜಯ್, ತೆರೆ ಮೇಲೆ ಅದ್ಭುತವಾಗಿ ನರ್ತಿಸಿದ್ದಾರೆ ಎಂದು ರೀಷ್ಮಾ ಪ್ರಶಂಸಿಸಿದರು. ಡಿಸೆಂಬರ್ 24ಕ್ಕೆ ಚಿತ್ರ ಬಿಡುಗಡೆಯಾಗಲಿದೆ.
‘ಅಣ್ಣ ಫ್ರಮ್ ಮೆಕ್ಸಿಕೋ’ ಚಿತ್ರದ ಸಾಂಗ್ ರಿಲೀಸ್ ಕಾರ್ಯಕ್ರಮದಲ್ಲಿ ನಟಿ ರೀಷ್ಮಾ ನಾಣಯ್ಯ ಅವರು ತಮ್ಮ ಚಿತ್ರದ ಕುರಿತು ಹಾಗೂ ಸಹ ನಟ ಧನಂಜಯ್ ಅವರ ಡ್ಯಾನ್ಸ್ ಕುರಿತು ಮಾತನಾಡಿದ್ದಾರೆ. ಈ ಚಿತ್ರದ ಹಾಡುಗಳಿಗೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ವಾಸುಕಿ ವೈಭವ್ ಸಂಗೀತ ನೀಡಿದ್ದು ಹಾಡುಗಳು ಗಮನ ಸೆಳೆದಿವೆ.
ಈ ಸಂದರ್ಭದಲ್ಲಿ ಮಾತನಾಡಿದ ರೀಷ್ಮಾ, ನಟ ಧನಂಜಯ್ ಅವರು ಡ್ಯಾನ್ಸ್ ವಿಚಾರದಲ್ಲಿ ತಮಗೆ ಮೋಸ ಮಾಡಿದ್ದಾರೆ ಎಂದು ತಮಾಷೆಯಾಗಿ ಹೇಳಿದರು. ರಿಹರ್ಸಲ್ ಸಮಯದಲ್ಲಿ ಡ್ಯಾನ್ಸ್ ಬರಲ್ಲ ಎಂದು ಹೇಳಿಕೊಂಡಿದ್ದ ಧನಂಜಯ್, ತೆರೆ ಮೇಲೆ ಅದ್ಭುತವಾಗಿ ಹೆಜ್ಜೆ ಹಾಕಿದ್ದಾರೆ. ಅವರು ಅತ್ಯುತ್ತಮ ನಟ ಮತ್ತು ನರ್ತಕ ಎಂದು ರೀಷ್ಮಾ ಪ್ರಶಂಸಿಸಿದರು. ಹೀಗಾಗಿ, ಧನಂಜಯ್ ಕಡೆಯಿಂದ ಮೋಸ ಆಗಿದೆ ಎಂದರು. ‘ಅಣ್ಣ’ ಫ್ರಮ್ ಮೆಕ್ಸಿಕೋ ಸಂಪೂರ್ಣ ಫ್ಯಾಮಿಲಿ ಎಂಟರ್ಟೈನರ್ ಚಿತ್ರವಾಗಿದ್ದು, ಡಿಸೆಂಬರ್ 24ರಂದು ಬಿಡುಗಡೆಯಾಗಲಿದೆ ಎಂದು ರೀಷ್ಮಾ ತಿಳಿಸಿದರು. ಎಲ್ಲಾ ಪ್ರೇಕ್ಷಕರು ಚಿತ್ರಮಂದಿರಕ್ಕೆ ಬಂದು ಚಿತ್ರ ವೀಕ್ಷಿಸುವಂತೆ ಅವರು ಮನವಿ ಮಾಡಿದರು.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
