ಸಲ್ಮಾನ್ ಖಾನ್ ಹಾಗೂ ಅಮೇರಿಕಾ ಮೂಲದ ನಟಿ, ಮಾಡೆಲ್ ಸಮಂತಾ ಲಾಕ್ವುಡ್ ಸದ್ಯ ಸಖತ್ ಸುದ್ದಿಯಾಗಿದ್ದಾರೆ. ಈರ್ವರೂ ಜತೆಯಿರುವ ಚಿತ್ರಗಳು ವೈರಲ್ ಆಗಿದೆ. ಸಲ್ಮಾನ್ ಹುಟ್ಟುಹಬ್ಬದಲ್ಲಿ ಸಮಂತಾ ಕೂಡ ಭಾಗಿಯಾಗಿದ್ದರು. ಇದು ಗಾಸಿಪ್ಗಳಿಗೆ ಮತ್ತಷ್ಟು ಇಂಬು ಕೊಟ್ಟಿತ್ತು. ಇದರಿಂದ ಬಾಲಿವುಡ್ನ ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್ ಆಗಿರುವ ಸಲ್ಮಾನ್ ಇನ್ನಾದರೂ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಾರಾ ಎಂದು ಅಭಿಮಾನಿಗಳ ಪ್ರಶ್ನಿಸಿದ್ದರು. ಇನ್ನಾದರೂ ಸಲ್ಮಾನ್ ರಿಲೇಶನ್ಶಿಪ್ ವಿಚಾರದಲ್ಲಿ ಮತ್ತೊಂದು ಹಂತಕ್ಕೆ ತಲುಪಲಿದ್ದಾರೆ ಎಂಬುದು ಅವರ ನಿರೀಕ್ಷೆಯಾಗಿತ್ತು. ಆದರೆ ಸಮಂತಾ ಲಾಕ್ವುಡ್ ಈ ಕುರಿತು ಮಾತನಾಡಿ ಅಭಿಮಾನಿಗಳ ನಿರೀಕ್ಷೆ ತಲೆಕೆಳಗು ಮಾಡಿದ್ದಾರೆ.
‘‘ನೀವಂದುಕೊಂಡಂತೆ ಏನೂ ಇಲ್ಲ. ನಾನು ಹೃತಿಕ್ ರೋಶನ್ ಅವರನ್ನೂ ಭೇಟಿಯಾಗಿದ್ದೆ. ಎಲ್ಲರೂ ಉತ್ತಮ ವ್ಯಕ್ತಿಗಳು’’ ಎನ್ನುವ ಮೂಲಕ ಸಮಂತಾ ಗಾಸಿಪ್ಗಳಿಗೆ ತೆರೆ ಎಳೆದಿದ್ದಾರೆ. ಈ ಕುರಿತು ಸಲ್ಮಾನ್ ಉತ್ತರಿಸುವ ಗೋಜಿಗೇ ಹೋಗಿಲ್ಲ. ಸುಮ್ಮನುಳಿದುಬಿಟ್ಟಿದ್ದಾರೆ. ಈ ಸುದ್ದಿ ಇಲ್ಲಿಗೇ ನಿಲ್ಲುತ್ತದಾ? ಅಥವಾ ಮತ್ತೇನಾದರೂ ಹೊಸ ಸಮಾಚಾರ ಸಿಗುತ್ತದಾ ಎಂದು ಸಲ್ಲು ಅಭಿಮಾನಿಗಳು ಕಾದು ಕುಳಿತಿದ್ದಾರೆ.
ಇದನ್ನೂ ಓದಿ:
Alia Bhatt: ಜ್ಯೂ.ಎನ್ಟಿಆರ್ ಜತೆ ಮತ್ತೆ ತೆರೆ ಹಂಚಿಕೊಳ್ಳಲಿದ್ದಾರಾ ಆಲಿಯಾ ಭಟ್?
Pushpa The Rise: ರಶ್ಮಿಕಾರಂತೆ ಹೆಜ್ಜೆಹಾಕಿ ಎಲ್ಲರನ್ನೂ ದಂಗಾಗಿಸಿದ ಸ್ಪೈಡರ್ಮ್ಯಾನ್! ಇಲ್ಲಿದೆ ವಿಡಿಯೋ ಸಾಕ್ಷಿ