ದೇಶದ ಪ್ರಮುಖ ಗ್ಯಾಜೆಟ್ ಮತ್ತು ಎಲೆಕ್ಟ್ರಾನಿಕ್ಸ್ ಬ್ರ್ಯಾಂಡ್ ಸ್ಯಾಮ್ಸಂಗ್, ಮತ್ತೊಂದು ಆಕರ್ಷಕ ಸ್ಮಾರ್ಟ್ಫೋನ್ ಬಿಡುಗಡೆ ಮಾಡಿದೆ. ಪ್ರಿಮಿಯಂ ಎಸ್ ಸರಣಿಯಲ್ಲಿ ಗ್ಯಾಲಕ್ಸಿ ಎಸ್24 ಎಫ್ಇ ಫೋನ್ ಮಾರುಕಟ್ಟೆಗೆ ಲಗ್ಗೆ ಇರಿಸಿದೆ. ಎಐ – ಆಧಾರಿತ ಪ್ರೊ ವಿಶುವಲ್ ಎಂಜಿನ್ ಮತ್ತು ಗ್ಯಾಲಕ್ಸಿ ಎಐನ ಫೋಟೋ ಅಸಿಸ್ಟ್ ಫೀಚರ್ ಹೊಂದಿರುವ ಕ್ಯಾಮೆರಾ ಸೆಟಪ್ ಈ ಸ್ಮಾರ್ಟ್ಫೋನ್ನಲ್ಲಿದೆ. 6.7-ಇಂಚಿನ ಡೈನಾಮಿಕ್ ಅಮೋಲೆಡ್ 2ಎಕ್ಸ್ ಡಿಸ್ಪ್ಲೇ, 4,700 ಎಂಎಎಚ್ ಬ್ಯಾಟರಿ ಮತ್ತು ಎಕ್ಸಿನೋಸ್ 2400 ಸರಣಿಯ ಪ್ರೊಸೆಸರ್ ನೂತನ Samsung Galaxy S24 FE ವಿಶೇಷತೆಯಾಗಿದೆ. ಹೊಸ ಗ್ಯಾಲಕ್ಸಿ ಸ್ಮಾರ್ಟ್ಫೋನ್ ಕುರಿತು ಹೆಚ್ಚಿನ ವಿವರ ಇಲ್ಲಿದೆ.