ನಗುತ್ತಾ ಅರ್ ಅಶೋಕ ಮನೆಯೊಳಗಡೆ ಹೋದ ಎಸ್ ಟಿ ಸೋಮಶೇಖರ್ ಭುಸುಗುಡುತ್ತಾ ಹೊರಬಂದರು!

ಬೆಂಗಳೂರು: ಸೋಮಶೇಖರ್ ತನ್ನನ್ನು ಭೇಟಿಯಾಗಲು ಬಂದಿದ್ದರು, ತಮ್ಮಿಬ್ಬರ ನಡುವೆ ಸುಮಾರು ಒಂದು ಗಂಟೆಕಾಲ ಮಾತುಕತೆ ನಡೆಯಿತು, ಅವರಿಗೆ ಚೆನ್ನಾಗಿ ಬುದ್ದಿ ಹೇಳಿ ಕಳಿಸಿದ್ದೇನೆ, ಅವರು ಪಕ್ಷ ಬಿಡಲಾರರು ಎಂದು ಯಶವಂತಪುರ ಬಿಜೆಪಿ ಶಾಸಕ ಎಸ್ ಟಿ ಸೋಮಶೇಖರ್ (ST Somashekhar) ಬಗ್ಗೆ ಪಕ್ಷದ ಇನ್ನೊಬ್ಬ ಶಾಸಕ ಅರ್ ಅಶೋಕ (R Ashoka) ಒಂದು ಕಡೆ ಹೇಳುತ್ತಾರೆ. ಆದರೆ ಅವರಿಬ್ಬರ ಭೇಟಿ ಮತ್ತು ಮಾತುಕತೆ ಹೇಗೆ ನಡೆದಿರಬಹುದು ಅನ್ನೋದನ್ನು ಈ ವಿಡಿಯೋ ಸೂಚ್ಯವಾಗಿ ಹೇಳುತ್ತದೆ. ಅಶೋಕ ಅವರೊಂದಿಗೆ ಮಾತುಕತೆ ನಡೆಸಿ ಹೊರಬರುವ ಸೋಮಶೇಖರ್ ಮುಖಭಾವ ನೋಡಿ. ದುರ್ದಾನ ತೆಗೆದುಕೊಂಡವರಂತೆ ಹೊರ ಬೀಳುತ್ತಾರೆ. ಅವರ ಮುಖದಲ್ಲಿ ಕೋಪ (anger), ಸಿಡಿಮಿಡಿತನ ಸ್ಪಷ್ಟವಾಗಿ ಗುರುತಿಸಬಹುದು. ಅಶೋಕ ಕೂಡ ಹೊರಬರುತ್ತಾರೆ, ಅವರ ಮುಖದಲ್ಲಿ ಪ್ಯಾಲಿತನ ಗೋಚರಿಸುತ್ತದೆ. ಸೋಮಶೇಖರ್ ಅಶೋಕ ಕಡೆ ಕೈ ಮಾಡಿ ಏನೋ ಹೇಳುತ್ತಾರೆ, ಅದರೆ ಸ್ಪಷ್ಟವಾಗಿ ಕೇಳಿಸುವುದಿಲ್ಲ. ಸೋಮಶೇಖರ್ ಕೋಪದಲ್ಲಿ ಮಾತಾಡುವಾಗ ಅಶೋಕ ಅದೇ ಪ್ಯಾಲಿನಗೆ ಬೀರುತ್ತಾರೆ. ಸೋಮಶೇಖರ್ ತಮ್ಮ ಮಾನಸಿಕ ತುಮುಲವನ್ನು ಮಾಧ್ಯಮಗಳ ಮುಂದೆ ಹೇಳಿಕೊಳ್ಳುತ್ತಿದ್ದಾರೆ, ತನ್ನನ್ನು ಕಾಂಗ್ರೆಸ್ ಗೆ ಕಳಿಸಲು ಬಿಜೆಪಿ ಸಿದ್ಧವಾಗಿದೆ ಅನ್ನೋ ಅರ್ಥದಲ್ಲಿ ಮಾತಾಡಿದ್ದರು. ವಿಡಿಯೋ ನೋಡುತ್ತಿದ್ದರೆ, ಅವರು ಹೇಳಿದ್ದರಲ್ಲಿ ಉತ್ಪ್ರೇಕ್ಷೆ ಇಲ್ಲವೆನಿಸುತ್ತದೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ