Bigg Boss Kannada: ತನಿಷಾ ವಿಚಾರದಲ್ಲೂ ಮುಲಾಜು ನೋಡಿಲ್ಲ ವರ್ತೂರು ಸಂತೋಷ್; ಆಟ ಅಂದ್ರೆ ಆಟ ಅಷ್ಟೇ
ದಿನ ಕಳೆದಂತೆಲ್ಲ ‘ಬಿಗ್ ಬಾಸ್ ಕನ್ನಡ ಸೀಸನ್ 10’ ಶೋ ರೋಚಕತೆ ಪಡೆಯುತ್ತಿದೆ. ಮೊದಲು ಸ್ನೇಹಿತರಾಗಿದ್ದವರು ಈಗ ವೈರಿಗಳಾಗುತ್ತಿದ್ದಾರೆ. ವರ್ತೂರು ಸಂತೋಷ್ ಅವರು ಅಸಲಿ ಆಟ ತೋರಿಸಲು ಮುಂದಾಗಿದ್ದಾರೆ. ಇಷ್ಟು ದಿನ ತಮ್ಮ ಜೊತೆ ಆಪ್ತವಾಗಿದ್ದ ತನಿಷಾ ಕುಪ್ಪಂಡ ವಿಚಾರದಲ್ಲೂ ಅವರು ಮುಲಾಜು ನೋಡಿಲ್ಲ.
ದೊಡ್ಮನೆಯಲ್ಲಿ ತನಿಷಾ ಕುಪ್ಪಂಡ (Tanisha Kuppanda) ಜೊತೆ ವರ್ತೂರು ಸಂತೋಷ್ ಅವರು ತುಂಬ ಕ್ಲೋಸ್ ಆಗಿದ್ದರು. ಆದರೆ ಈಗ ಅವರು ಬದಲಾಗಿದ್ದಾರೆ. 9ನೇ ವಾರದಲ್ಲಿ ನಾಮಿನೇಟ್ ಮಾಡುವ ವಿಚಾರ ಬಂದಾಗ ವರ್ತೂರು ಸಂತೋಷ್ (Varthur Santhosh) ಅವರು ತುಂಬ ನಿಷ್ಠುರವಾಗಿ ನಡೆದುಕೊಂಡಿದ್ದಾರೆ. ‘ನಾವು ತ್ಯಾಗಮೂರ್ತಿಗಳಾಗಲು ಇಲ್ಲಿಗೆ ಬಂದಿಲ್ಲ. ನಾನು ತನಿಷಾ ಕುಪ್ಪಂಡ ಅವರನ್ನು ಬೇಕಂತಲೇ ಹೋಗಿ ತಳ್ಳಿಲ್ಲ. ಹಾಗಾಗಿ, ತನಿಷಾಗೆ ಮತ್ತೊಂದು ಅವಕಾಶ ಸಿಗಲಿ ಎಂದು ನಾನು ಕೇಳಲ್ಲ. ನಾವು ಮಾನವೀಯತೆ ಅಂತ ಹೋದರೆ ನಮ್ಮ ಮುಂದೆಯೇ ಹಳ್ಳ ತೋಡುತ್ತಾರೆ’ ಎಂದು ವರ್ತೂರು ಸಂತೋಷ್ ನೇರವಾಗಿ ಹೇಳಿದ್ದಾರೆ. ‘ಜಿಯೋ ಸಿನಿಮಾ’ದಲ್ಲಿ ದಿನ 24 ಗಂಟೆಯೂ ಉಚಿತವಾಗಿ ಬಿಗ್ ಬಾಸ್ (Bigg Boss Kannada) ಕಾರ್ಯಕ್ರಮವನ್ನು ಲೈವ್ ನೋಡಬಹುದು. ಪ್ರತಿ ರಾತ್ರಿ 9.30ಕ್ಕೆ ‘ಕಲರ್ಸ್ ಕನ್ನಡ’ ವಾಹಿನಿಯಲ್ಲಿ ಎಪಿಸೋಡ್ ಪ್ರಸಾರ ಆಗುತ್ತದೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.