ನಟ ಪುನೀತ್ ರಾಜ್ಕುಮಾರ್ (Puneeth Rajkumar) ನಮ್ಮೊಂದಿಗೆ ಇಲ್ಲ ಎಂಬ ನೋವು ಎಲ್ಲರಲ್ಲೂ ಇದೆ. ಅವರು ನಟಿಸಿದ ಕೊನೇ ಸಿನಿಮಾ ‘ಲಕ್ಕಿ ಮ್ಯಾನ್’ (Lucky Man) ಸೆಪ್ಟೆಂಬರ್ 9ರಂದು ತೆರೆಗೆ ಬರುತ್ತಿದೆ. ಈ ಚಿತ್ರದ ಆಡಿಯೋ ರಿಲೀಸ್ ಕಾರ್ಯಕ್ರಮ ಮಂಗಳವಾರ (ಆಗಸ್ಟ್ 23) ಸಂಜೆ ನಡೆಯಿತು. ಅದಕ್ಕೆ ಅನೇಕ ಗಣ್ಯರು ಹಾಜರಿ ಹಾಕಿದ್ದರು. ರಾಘವೇಂದ್ರ ರಾಜ್ಕುಮಾರ್ ಅವರ ಪುತ್ರರಾದ ವಿನಯ್ ರಾಜ್ಕುಮಾರ್, ಯುವ ರಾಜ್ಕುಮಾರ್ (Yuva Rajkumar) ಕೂಡ ತಮ್ಮ ಮಾತುಗಳನ್ನು ಹಂಚಿಕೊಂಡರು. ‘ಈ ಸಿನಿಮಾದ ಟೀಸರ್ನಲ್ಲಿ ಗಾಡ್ ಈಸ್ ಅರೈವಿಂಗ್ ಅಂತ ಬರೆದಿದೆ. ದೇವರ ಪಾತ್ರದಲ್ಲಿ ದೇವರನ್ನೇ ನೋಡಲು ನಾನು ಕಾಯುತ್ತಾ ಇದ್ದೀನಿ’ ಎಂದು ಯುವ ರಾಜ್ಕುಮಾರ್ ಹೇಳಿದರು. ಈ ಚಿತ್ರದ ವಿಶೇಷ ಹಾಡಿನಲ್ಲಿ ಪುನೀತ್ ಜೊತೆ ಪ್ರಭುದೇವ ಕೂಡ ಹೆಜ್ಜೆ ಹಾಕಿದ್ದಾರೆ.