ಕೋವಿಡ್-19ಗಿಂತ ಮಾರಕ ಸಾಂಕ್ರಾಮಿಕ ರೋಗವಾಗಲಿದೆ ಡಿಸೀಸ್ ಎಕ್ಸ್, ತಜ್ಞರು ಹೇಳಿದ್ದೇನು?

ವಾಷಿಂಗ್ಟನ್ ಸೆಪ್ಟೆಂಬರ್ 26:ಡಿಸೀಸ್ ಎಕ್ಸ್ (Disease X), ಕೋವಿಡ್ -19ಗಿಂತ (Covid-19) ಮಾರಕವಾದ ಮತ್ತೊಂದು ಸಾಂಕ್ರಾಮಿಕ ರೋಗವನ್ನು ಉಂಟುಮಾಡಬಹುದು ಎಂದು ಯುಕೆ ಆರೋಗ್ಯ ತಜ್ಞರು ಹೇಳಿದ್ದಾರೆ.  ಮೇ ನಿಂದ ಡಿಸೆಂಬರ್ 2020 ರವರೆಗೆ ಯುಕೆ ಲಸಿಕೆ ಕಾರ್ಯಪಡೆಯ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ ಕೇಟ್ ಬಿಂಗ್‌ಹ್ಯಾಮ್ (Kate Bingham) ಡೈಲಿ ಮೇಲ್‌ಗೆ ನೀಡಿದ ಸಂದರ್ಶನದಲ್ಲಿ, ಹೊಸ ವೈರಸ್ 1919-1920 ರ ವಿನಾಶಕಾರಿ ಸ್ಪ್ಯಾನಿಷ್ ಫ್ಲೂಗೆ ಸಮಾನವಾದ ಪರಿಣಾಮವನ್ನು ಬೀರಬಹುದು ಎಂದು ಹೇಳಿದ್ದಾರೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ, ಡಿಸೀಸ್ X ವೈರಸ್, ಬ್ಯಾಕ್ಟೀರಿಯಂ ಅಥವಾ ಶಿಲೀಂಧ್ರದಿಂದ ಹರಡಬಹುದು. ಸದ್ಯಕ್ಕೆ ಯಾವುದೇ ಚಿಕಿತ್ಸೆಗಳಲ್ಲ.

ತನ್ನ ಕಳವಳವನ್ನು ವ್ಯಕ್ತ ಪಡಿಸಿದ ಬಿಂಗ್‌ಹ್ಯಾಮ್, “ನಾನು ಇದನ್ನು ಹೀಗೆ ಹೇಳುತ್ತೇನೆ: 1918-19 ಫ್ಲೂ ಸಾಂಕ್ರಾಮಿಕವು ವಿಶ್ವಾದ್ಯಂತ ಕನಿಷ್ಠ 5 ಕೋಟಿ ಜನರನ್ನು ಕೊಂದಿತು. ಇದು ಮೊದಲನೆಯ ಮಹಾಯುದ್ಧದಲ್ಲಿ ಸತ್ತವರಿಗಿಂತ ಎರಡು ಪಟ್ಟು ಹೆಚ್ಚು. ಈಗಾಗಲೇ ಅಸ್ತಿತ್ವದಲ್ಲಿರುವ ಹಲವಾರು ವೈರಸ್‌ಗಳಲ್ಲಿ ಒಂದರಿಂದ ಇಂದು ನಾವು ಇದೇ ರೀತಿಯ ಸಾವಿನ ಸಂಖ್ಯೆಯನ್ನು ನಿರೀಕ್ಷಿಸಬಹುದು. ಪ್ರಪಂಚವು ಡಿಸೀಸ್ X ನಿಂದ ಬೆದರಿಕೆಯನ್ನು ನಿಭಾಯಿಸಬೇಕಾದರೆ, ಜಗತ್ತು ಸಾಮೂಹಿಕ ವ್ಯಾಕ್ಸಿನೇಷನ್ ಡ್ರೈವ್‌ಗಳಿಗೆ ತಯಾರಿ ಮಾಡಬೇಕಾಗುತ್ತದೆ ಮತ್ತು ತ್ವರಿತ ಸಮಯದಲ್ಲಿ ಡೋಸ್‌ಗಳನ್ನು ತಲುಪಿಸಬೇಕಾಗುತ್ತದೆ ಎಂದು ಅವರು ಹೇಳಿರುವುದಾಗಿ ಡೈಲಿ ಮೇಲ್‌ಗೆ ವರದಿ ಮಾಡಿದೆ.

ವಿಜ್ಞಾನಿಗಳು 25 ವೈರಸ್ ಕುಟುಂಬಗಳನ್ನು ಗುರುತಿಸಿದ್ದಾರೆ. ಆದರೆ ಒಂದು ಮಿಲಿಯನ್‌ಗಿಂತಲೂ ಹೆಚ್ಚು ಕಂಡುಹಿಡಿಯದ ರೂಪಾಂತರಗಳು ಇರಬಹುದು, ಅದು ಒಂದು ತಳಿಯಿಂದ ಇನ್ನೊಂದಕ್ಕೆ ಪರಿವರ್ತನೆ ಆಗಬಹುದು ಎಂದು ತಜ್ಞರು ಹೇಳಿದ್ದಾರೆ.

ಒಂದರ್ಥದಲ್ಲಿ, ಇದು ಪ್ರಪಂಚದಾದ್ಯಂತ 20 ಮಿಲಿಯನ್ ಅಥವಾ ಅದಕ್ಕಿಂತ ಹೆಚ್ಚು ಸಾವುಗಳಿಗೆ ಕಾರಣವಾಗಿದ್ದರೂ ಸಹ ನಾವು ಕೋವಿಡ್-19ನಿಂದ ನಾವು ಬಚಾವಾಗಿದ್ದೇವೆ. ಕೋವಿಡ್ ವೈರಸ್ ಸೋಂಕಿಗೆ ಒಳಗಾದ ಬಹುಪಾಲು ಜನರು ಚೇತರಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಆದರೆ ಡಿಸೀಸ್ X ಅನ್ನು ಊಹಿಸಿ. ಎಬೋಲಾದ ಮಾರಣಾಂತಿಕ ಪ್ರಮಾಣದೊಂದಿಗೆ ದಡಾರದಂತೆ ಸಾಂಕ್ರಾಮಿಕವಾಗಿದೆ. ಪ್ರಪಂಚದ ಎಲ್ಲೋ, ಇದು ಪುನರಾವರ್ತನೆಯಾಗುತ್ತಿದೆ. ಬೇಗ ಅಥವಾ ನಂತರ, ಯಾರಾದರೂ ಅನಾರೋಗ್ಯಕ್ಕೆ ಒಳಗಾಗುತ್ತಾರೆ ಎಂದು ಬಿಂಗ್‌ಹ್ಯಾಮ್ ಹೇಳಿದ್ದಾರೆ.

ಎಬೋಲಾವು ಸುಮಾರು 67 ಪ್ರತಿಶತದಷ್ಟು ಸಾವಿನ ಪ್ರಮಾಣವನ್ನು ಹೊಂದಿತ್ತು. ಇತರ ಹಕ್ಕಿ ಜ್ವರ ಮತ್ತು MERS ಹೆಚ್ಚಿನ ಜನರ ಸಾವಿಗೆ ಕಾರಣವಾಗಿತ್ತು. ಆದ್ದರಿಂದ ನಾವು ಖಂಡಿತವಾಗಿಯೂ ಮುಂದಿನ ಸಾಂಕ್ರಾಮಿಕ ರೋಗವನ್ನು ಸುಲಭವಾಗಿ ಎದುರಿಸಲು ಸಾಧ್ಯವಿಲ್ಲ ಎಂದ ಬಿಂಗ್‌ಹ್ಯಾಮ್, ಸಾಂಕ್ರಾಮಿಕ ರೋಗಗಳ ಸಂಖ್ಯೆ ಏಕೆ ಹೆಚ್ಚುತ್ತಿದೆ ಎಂದು ಹೇಳಿದ್ದಾರೆ.

ಸಾಂಕ್ರಾಮಿಕ ರೋಗದ ಹೆಚ್ಚಳವು ಆಧುನಿಕ ಜಗತ್ತಿನಲ್ಲಿ ವಾಸಿಸಲು ನಾವು ಪಾವತಿಸಬೇಕಾದ ಬೆಲೆಯಾಗಿದೆ. ಮೊದಲನೆಯದಾಗಿ, ಇದು ಜಾಗತೀಕರಣದ ಮೂಲಕ ಹೆಚ್ಚು ಸಂಪರ್ಕ ಹೊಂದಿದೆ. ಎರಡನೆಯದಾಗಿ, ಹೆಚ್ಚು ಹೆಚ್ಚು ಜನರು ನಗರಗಳಿಗೆ ಹೋಗುತ್ತಿದ್ದು ಅಲ್ಲಿ ಅವರು ಇತರರೊಂದಿಗೆ ನಿಕಟ ಸಂಪರ್ಕಕ್ಕೆ ಬರುತ್ತಾರೆ.

ಇದನ್ನೂ ಓದಿ: Dengue fever: ಡೆಂಗ್ಯೂ ಜ್ವರದಿಂದ ವೇಗವಾಗಿ ಚೇತರಿಸಿಕೊಳ್ಳಲು ಸಹಾಯಕ ಈ ಆಹಾರಗಳು

ಅರಣ್ಯನಾಶ, ಆಧುನಿಕ ಕೃಷಿ ವಿಧಾನಗಳು ಮತ್ತು ಜೌಗು ಪ್ರದೇಶಗಳ ನಾಶದಿಂದಾಗಿ ವೈರಸ್ ಗಳು ಒಂದು ತಳಿಯಿಂದ ಇನ್ನೊಂದು ತಳಿಗೆ ಬದಲಾಗುತ್ತಿರುತ್ತವೆ ಎಂದು ಬಿಂಗ್‌ಹ್ಯಾಮ್ ಹೇಳಿದ್ದಾರೆ. ಡಬ್ಲ್ಯುಎಚ್​​ಒ ಮೊದಲ ಬಾರಿಗೆ ಮೇ ತಿಂಗಳಲ್ಲಿ ತನ್ನ ವೆಬ್‌ಸೈಟ್‌ನಲ್ಲಿ ಡಿಸೀಸ್ ಎಕ್ಸ್ ಬಗ್ಗೆ ಪ್ರಸ್ತಾಪಿಸಿದೆ. ಈ ಪದವು “ಮನುಷ್ಯನ ಕಾಯಿಲೆಗೆ ಕಾರಣವಾಗಲು ಪ್ರಸ್ತುತ ತಿಳಿದಿಲ್ಲದ ರೋಗಕಾರಕದಿಂದ ಗಂಭೀರವಾದ ಅಂತರರಾಷ್ಟ್ರೀಯ ಸಾಂಕ್ರಾಮಿಕ ರೋಗವು ಉಂಟಾಗಬಹುದು ಎಂಬ ಜ್ಞಾನವನ್ನು ಪ್ರತಿನಿಧಿಸುತ್ತದೆ” ಎಂದು ಅದು ಹೇಳಿದೆ.

WHO ಈ ಪದವನ್ನು 2018 ರಲ್ಲಿ ಬಳಸಲು ಪ್ರಾರಂಭಿಸಿತು.ಒಂದು ವರ್ಷದ ನಂತರ, Covid-19 ಪ್ರಪಂಚದಾದ್ಯಂತ ಹರಡಲು ಪ್ರಾರಂಭಿಸಿತು.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ