ಉಸಿರುಗಟ್ಟಿಸಿ ಜಾರ್ಜ್ ಹತ್ಯೆ: ಮಿನ್ನಿಪೊಲೀಸ್​ನಲ್ಲಿ ಭುಗಿಲೆದ್ದ ಪ್ರತೀಕಾರ, ಹಿಂಸಾಚಾರ 

ಮಿನ್ನಿಪೊಲೀಸ್: ಜಾರ್ಜ್ ಪ್ಲೋಯ್ಡಾ ಹತ್ಯೆಯ ಬಳಿಕ ಅಮೆರಿಕದ ಮಿನ್ನಿಪೊಲೀಸ್ ನಗರದಲ್ಲಿ ಭಾರಿ ಹಿಂಸಾಚಾರ ನಡೆದಿದೆ. ‌ಭಾರಿ ಪ್ರತಿಭಟನೆ, ಹಿಂಸೆ, ದಾಂದಲೆ, ಲೂಟಿ, ಸಾರ್ವಜನಿಕ ಆಸ್ತಿಗೆ ಬೆಂಕಿ ಹಚ್ಚಲಾಗುತ್ತಿದೆ‌.

 ಜಾರ್ಜ್ ಪ್ಲೋಯ್ಡಾ ಎನ್ನುವ ಕಪ್ಪು ವರ್ಣದ ವ್ಯಕ್ತಿಯನ್ನು ಪೊಲೀಸರು ನಡು ರಸ್ತೆಯಲ್ಲಿ ಹತ್ಯೆ ಮಾಡಿದ್ರು. ಜಾರ್ಜ್ ಪ್ಲೋಯ್ಡಾ ಕುತ್ತಿಗೆ ಮೇಲೆ ಒಂಭತ್ತು ನಿಮಿಷಗಳ ಕಾಲ ಕಾಲಿಟ್ಟು ಉಸಿರು ಕಟ್ಟಿಸಿ ಸಾಯಿಸಿದ್ರು. ಹತ್ಯೆ ಮಾಡಿರುವ ವಿಡಿಯೋ ವೈರಲ್ ಆಗಿದೆ‌. ಹೀಗಾಗಿ ರೊಚ್ಚಿಗೆದ್ದ ಅಮೆರಿಕಾದ ಕಪ್ಪು ವರ್ಣದವರು ಪ್ರತಿಭಟನೆ ನಡೆಸಿದ್ದಾರೆ.

ಆಮೆರಿಕಾದಲ್ಲಿ ಬಿಳಿ ವರ್ಣದ ವ್ಯಕ್ತಿಗಳನ್ನು ಪೊಲೀಸರು ಗೌರವದಿಂದ ನಡೆಸಿಕೊಳ್ಳುತ್ತಾರೆ. ಆದರೆ ಕಪ್ಪು ವರ್ಣದವರನ್ನು ಸಾಯಿಸುತ್ತಾರೆ ಎಂದು ಆಕ್ರೋಶ‌ ಹೊರಹಾಕಿದ್ದಾರೆ. ಜಾರ್ಜ್ ಪ್ಲೋಯ್ಡಾ ಹತ್ಯೆ ಬಳಿಕ ಮಿನ್ನಿಪೊಲೀಸ್ ನಗರದಲ್ಲಿ ಹಿಂಸಾಚಾರ ಭುಗಿಲೆದ್ದಿದೆ. ಹೌಸಿಂಗ್ ಕಾಂಪ್ಲೆಕ್ಸ್​ಗೂ ಬೆಂಕಿ ಹಚ್ಚಿದ್ದಾರೆ. ಸೂಪರ್ ಮಾರ್ಕೆಟ್​ಗಳನ್ನು ಲೂಟಿ ಮಾಡಿದ್ದಾರೆ.