ಪಾಕ್ ಪ್ರಧಾನಿಗೆ ಯಾರೂ ಬೇಡ್ವಂತೆ, ಟ್ವಿಟರ್ನಲ್ಲಿ ಎಲ್ಲರನ್ನೂ ಅನ್ಫಾಲೋ ಮಾಡಿದ್ರು ಇಮ್ರಾನ್ ಖಾನ್
2010ರಲ್ಲಿ ಟ್ವಿಟರ್ ಖಾತೆ ಆರಂಭಿಸಿದ್ದ ಇಮ್ರಾನ್ ಖಾನ್, ಕಳೆದ ಸೋಮವಾರ ಎಲ್ಲರನ್ನೂ ಅನ್ಫಾಲೋ ಮಾಡಿರುವುದು ಬೆಳಕಿಗೆ ಬಂದಿದೆ. ಈ ಬಗ್ಗೆ ಹಲವು ಊಹಾಪೋಹಗಳು ಟ್ವಿಟರ್ನಲ್ಲಿ ಹರಿದಾಡಿದ್ದು ಇಮ್ರಾನ್ ಖಾನ್ ಸುದ್ದಿಯಲ್ಲಿದ್ದಾರೆ.
ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ತಮ್ಮ ಟ್ವಿಟರ್ ಖಾತೆಯಿಂದ ಎಲ್ಲರನ್ನೂ ಅನ್ಫಾಲೋ ಮಾಡಿದ್ದಾರೆ. ಇದಕ್ಕೆ ಕಾರಣಗಳನ್ನು ಹುಡುಕಿರುವ ಟ್ವಿಟರ್ ಬಂಧುಗಳು ವಿಚಿತ್ರ ವಿಶೇಷ ಊಹೆಗಳನ್ನು ಹರಿಬಿಟ್ಟು ತಮಾಷೆ ಮಾಡಿಕೊಂಡಿದ್ದಾರೆ.
ಪಾಕ್ ಮಾಜಿ ಪ್ರಧಾನಿ ನವಾಜ್ ಷರೀಫ್ರ ಟ್ವಿಟರ್ ಖಾತೆ ನೋಡಿ ಇಮ್ರಾನ್ ಖಾನ್ಗೆ ಕೀಳರಿಮೆ ಉಂಟಾಗಿದೆ ಎಂದು ಕೆಲವರು ಹೇಳಿದ್ದರೆ, ಮತ್ತೆ ಕೆಲವರು ಇಮ್ರಾನ್ ಖಾನ್ ತಮ್ಮ ಮೊದಲ ಪತ್ನಿಯನ್ನೂ ಅನ್ಫಾಲೊ ಮಾಡಿರುವುದನ್ನು ಟ್ರಾಲ್ ಮಾಡಿದ್ದಾರೆ.
ಇಮ್ರಾನ್ ಖಾನ್ ಟ್ವಿಟರ್ ಖಾತೆ
ನವಾಜ್ ಷರೀಫ್ ಟ್ವಿಟರ್ ಖಾತೆ ನೋಡಿ ಖಿನ್ನರಾದ್ರಾ ಇಮ್ರಾನ್ ಖಾನ್?
ಪಾಕಿಸ್ತಾನದ ಮಾಜಿ ಪ್ರಧಾನಿ ನವಾಜ್ ಷರೀಫ್ ಟ್ವಿಟರ್ನಲ್ಲಿ ಯಾರನ್ನೂ ಫಾಲೋ ಮಾಡುತ್ತಿಲ್ಲ. ಅದನ್ನು ನೋಡಿದ ಇಮ್ರಾನ್ ಖಾನ್ ನಾನೂ ಹಾಗೇ ಮಾಡಬೇಕು ಎಂದು ಕೊರಗಿ, ಖಿನ್ನರಾಗಿದ್ದಾರಂತೆ. ಕೀಳರಿಮೆ ಪಟ್ಟು ನಂತರ ತಾವು ಹಿಂಬಾಲಿಸುವ ಎಲ್ಲರನ್ನೂ ಅನ್ಫಾಲೋ ಮಾಡಿದ್ದಾರಂತೆ.
ಹಾಗಂತ ಈ ನೀವು ವಿವರಣೆಯನ್ನು ಗಂಭೀರವಾಗಿ ಪರಿಗಣಿಸಬೇಕಿಲ್ಲ. ಇದು ಟ್ವೀಟಿಗರ ಟ್ರಾಲ್ ಕಿತಾಪತಿ ಅಷ್ಟೆ.
ನವಾಜ್ ಶರೀಫ್ ಟ್ವಿಟರ್ ಖಾತೆ
ವಿಚ್ಛೇದಿತ ಮೊದಲ ಪತ್ನಿಯನ್ನೂ ಅನ್ಫಾಲೊ ಮಾಡಿದ್ರು ಖಾನ್
ಇಮ್ರಾನ್ ಖಾನ್, ತಮ್ಮ ಮೊದಲ ಪತ್ನಿ ಜೆಮಿಮಾ ಗೋಲ್ಡ್ಸ್ಮಿತ್ರನ್ನು ವಿಚ್ಛೇದನದ ಬಳಿಕವೂ ಫಾಲೋ ಮಾಡುತ್ತಿದ್ದರು. ಈಗ ಎಲ್ಲರನ್ನೂ ಅನ್ಫಾಲೋ ಮಾಡಿರುವ ಪಾಕ್ ಪ್ರಧಾನಿ ತಮ್ಮ ಮೊದಲ ಪತ್ನಿಯನ್ನೂ ಟ್ವಿಟರ್ನಲ್ಲಿ ಉಳಿಸಿಕೊಂಡಿಲ್ಲ. ಈ ಬಗ್ಗೆ ಟ್ವೀಟಿಗರು ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ.
ಎಲ್ಲರನ್ನೂ ಅನ್ಫಾಲೋ ಮಾಡಿದ್ದು ಓಕೆ ಬಟ್ ಜೆಮಿಮಾರಿಗೂ ಹಾಗೆ ಮಾಡಿದ್ದು ಯಾಕೆ? ಎಂದು ಪ್ರಶ್ನಿಸಿದ ಟ್ವಿಟ್ ಪಟುಗಳು ಟ್ರಾಲ್ ಸುರಿಮಳೆ ಸುರಿಸಿದ್ದಾರೆ.
ಇಮ್ರಾನ್ ಖಾನ್ ಟ್ವಿಟರ್ ಖಾತೆ ಇತಿಹಾಸ
2010ರಲ್ಲಿ ಟ್ವಿಟರ್ ಖಾತೆ ಆರಂಭಿಸಿದ್ದ ಇಮ್ರಾನ್ ಖಾನ್, ಕಳೆದ ಸೋಮವಾರ ಎಲ್ಲರನ್ನೂ ಅನ್ಫಾಲೋ ಮಾಡಿರುವುದು ಬೆಳಕಿಗೆ ಬಂದಿದೆ. ಈ ಬಗ್ಗೆ ಹಲವು ಊಹಾಪೋಹಗಳು ಟ್ವಿಟರ್ನಲ್ಲಿ ಹರಿದಾಡಿದ್ದು ಇಮ್ರಾನ್ ಖಾನ್ ಸುದ್ದಿಯಲ್ಲಿದ್ದಾರೆ.
ಪ್ರಧಾನಿ ಇಮ್ರಾನ್ ಖಾನ್ ಡ್ರಗ್ಸ್ ತಗೋತಿದ್ದರು: ಪಾಕ್ ಮಾಜಿ ವೇಗಿ ಸರ್ಫ್ರಾಜ್ ನವಾಜ್
Published On - 6:40 pm, Tue, 8 December 20