ಅಮೆರಿಕ ವಾಯುದಾಳಿಗೆ ತತ್ತರಿಸಿದ ಇರಾಕ್​

ಉತ್ತರ ಬಾಗ್ದಾದ್‌ನಲ್ಲಿ ಇರಾಕ್‌ನ ಸೇನಾ ಪಡೆಯನ್ನು ಗುರಿಯಾಗಿಸಿಕೊಂಡು ಅಮೆರಿಕ ವಾಯುದಾಳಿ ನಡೆಸಿದ್ದು, 6 ಜನ ಮೃತಪಟ್ಟಿದ್ದಾರೆ. ನಿನ್ನೆಯೂ ಇರಾಕ್​ನ ಬಾಗ್ದಾದ್ ಏರ್​ಪೋರ್ಟ್ ಬಳಿ ಅಮೆರಿಕ ವಾಯುದಾಳಿ ನಡೆಸಿತ್ತು. ದಾಳಿಯಲ್ಲಿ ಇರಾನ್​ನ ಕುದ್ಸ್ ಪಡೆ ಮುಖ್ಯಸ್ಥ ಜ.ಖಾಸಿಮ್ ಸುಲೈಮಾನಿ ಸೇರಿ 8 ಜನ ಮೃತಪಟ್ಟಿದ್ರು.

ಅಮೆರಿಕ ವಿರುದ್ಧ ದಾಳಿಗೆ ಇರಾನ್ ಸಿದ್ಧತೆ:
ಅಮೆರಿಕ ಪಡೆಗಳು ಇರಾನ್ ಕುದ್ಸ್ ಫೋರ್ಸ್​ನ ಮುಖ್ಯಸ್ಥ ಖಾಸಿಮ್‌ ಸುಲೇಮನ್​ನನ್ನು ಹತ್ಯೆಗೈದಿರುವ ಬೆನ್ನಲ್ಲೇ, ಯುದ್ಧದ ವಾತಾವರಣ ನಿರ್ಮಾಣವಾಗಿದೆ. ಇದರಿಂದ ಎಚ್ಚೆತ್ತಿರುವ ಅಮೆರಿಕ ಹೆಚ್ಚಿನ ಪಡೆಗಳನ್ನು ಗಲ್ಫ್​ನಲ್ಲಿರುವ ತನ್ನ ಮಿತ್ರ ರಾಷ್ಟ್ರಗಳಿಗೆ ರವಾನಿಸಿದೆ. ಅಲ್ಲದೆ ತಕ್ಷಣ ಇರಾನ್ ತೊರೆಯುವಂತೆ ತನ್ನ ಪ್ರಜೆಗಳಿಗೆ ತಾಕೀತು ಮಾಡಿದೆ.

ವಿದೇಶಿ ವಿನಿಯಮ ಸಂಗ್ರಹದಲ್ಲಿ ದಾಖಲೆ:
ದೇಶದ ವಿದೇಶಿ ವಿನಿಮಯ ಸಂಗ್ರಹದಲ್ಲಿ ಗಣನೀಯ ಏರಿಕೆಯಾಗಿದೆ.ಡಿಸೆಂಬರ್‌ 27ಕ್ಕೆ ಕೊನೆಗೊಂಡಂತೆ 17,640 ಕೋಟಿ ರೂಪಾಯಿಯಷ್ಟು ವಿದೇಶಿ ವಿನಿಮಯ ಹೆಚ್ಚಾಗಿದ್ದು, ಒಟ್ಟು 32 ಲಕ್ಷ ಕೋಟಿ ವಿದೇಶಿ ವಿನಿಮಯ ಸಂಗ್ರಹ ಆಗಿದೆ. ಈ ಕುರಿತು ಆರ್​ಬಿಐ ವರದಿಯೊಂದನ್ನ ಬಿಡುಗಡೆ ಮಾಡಿದೆ.

48 ಕೋಟಿ ಪ್ರಾಣಿಗಳು ಬಲಿ?
ಆಸ್ಟ್ರೇಲಿಯಾದಲ್ಲಿ ಸೆಪ್ಟೆಂಬರ್​ನಿಂದ ಕಾಡ್ಗಿಚ್ಚು ನಿರಂತರವಾಗಿದೆ. ಈ ಕಾಡ್ಗಿಚ್ಚಿನಲ್ಲಿ ಸುಮಾರು 48 ಕೋಟಿ ಪ್ರಾಣಿಗಳು ಮೃತಪಟ್ಟಿವೆ ಅಂತಾ ಸಿಡ್ನಿ ವಿವಿ ನಡೆಸಿದ ಅಧ್ಯಯನದಲ್ಲಿ ತಿಳಿದು ಬಂದಿದೆ. ಅಲ್ದೆ, ಈ ಸಂಖ್ಯೆ ಇನ್ನೂ ಹೆಚ್ಚಳವಾಗಬಹುದು ಅಂತಲೂ ಅಧ್ಯಯನ ತಿಳಿಸಿದೆ.