ಚೀನಾದ ಮಕ್ಕಳಲ್ಲಿ ಉಸಿರಾಟ ಕಾಯಿಲೆ ಉಲ್ಬಣ; ಆತಂಕ ಸೃಷ್ಟಿಸಿದ ಕೋವಿಡ್​​ನಂತಿರುವ ವೈರಸ್

ದೆಹಲಿ ಡಿಸೆಂಬರ್ 04: ಉತ್ತರ ಚೀನಾದಲ್ಲಿ (China) ಮಕ್ಕಳಲ್ಲಿ ಉಸಿರಾಟದ ಕಾಯಿಲೆ (respiratory illness) ಉಲ್ಬಣವಾಗಿದ್ದು ಇದು ಯುಕೆ ಸೇರಿದಂತೆ ಇತರ ದೇಶಗಳಿಗೂ ಹರಡಬಹುದು ಎಂದು ಆರೋಗ್ಯ ತಜ್ಞರು ಆತಂಕ ವ್ಯಕ್ತಪಡಿಸಿದ್ದಾರೆ. ಏಷ್ಯಾದ ದೇಶದಲ್ಲಿ ಆತಂಕಕ್ಕೆ ಕಾರಣವಾಗಿದ್ದ ಹೊಸ ವೈರಸ್ ಅಲ್ಲ ಆದರೆ ಚಳಿಗಾಲದಲ್ಲಿ ಉಸಿರಾಟದ ಕಾಯಿಲೆಗಳ ಸಂಯೋಜನೆ ಎಂದು  ವಿಶ್ವ ಆರೋಗ್ಯ ಸಂಸ್ಥೆ (WHO) ಹೇಳಿದ್ದು, ಈ ರೋಗದ ಡೇಟಾವನ್ನು ಹಂಚಿಕೊಳ್ಳಲು ಚೀನಾವನ್ನು ಒತ್ತಾಯಿಸಿತು. ಈಗ “ವಾಕಿಂಗ್ ನ್ಯುಮೋನಿಯಾ” (walking pneumonia) ಎಂದು ಕರೆಯಲ್ಪಡುವ ಈ ವೈರಸ್ ಚೀನಾದ ಕೆಲವು ಭಾಗಗಳನ್ನು ವ್ಯಾಪಿಸಿದ್ದು white lung pneumonia ಪ್ರಕರಣದ ನಂತರ ಆರೋಗ್ಯ ವ್ಯವಸ್ಥೆಗೆ ಇದು ಸವಾಲಾಗಿ ನಿಂತಿದೆ. ಈ ವಾರ, ಆರೋಗ್ಯ ತಜ್ಞರು ಅನಾರೋಗ್ಯವು ಯುರೋಪಿನಲ್ಲೂ ಹರಡಬಹುದೆಂಬ ಭಯವನ್ನು ವ್ಯಕ್ತಪಡಿಸಿದ್ದಾರೆ, ಆದರೆ ಆ ಸೋಂಕು “ಕೋವಿಡ್ ತರಹದ” ಸನ್ನಿವೇಶಕ್ಕೆ ಕಾರಣವಾಗಬಹುದು ಎಂದು ಅವರು ಹೇಳಿದ್ದಾರೆ.

ಸೋಂಕು ಆರಂಭವಾಗಿದ್ದು ಹೇಗೆ?

ಅಕ್ಟೋಬರ್ ಮಧ್ಯದಿಂದ ಉತ್ತರ ಚೀನಾದಲ್ಲಿ ಮಕ್ಕಳಲ್ಲಿ ಉಸಿರಾಟದ ಕಾಯಿಲೆಯ ಹೆಚ್ಚಳವನ್ನು ತೋರಿಸುತ್ತಿರುವ ಚೀನಾದ ಕಣ್ಗಾವಲು ವ್ಯವಸ್ಥೆಗಳಿಂದ WHO ಡೇಟಾವನ್ನು ಮೇಲ್ವಿಚಾರಣೆ ಮಾಡುತ್ತಿದೆ. ನವೆಂಬರ್ 13 ರಂದು, ಚೀನಾದ ರಾಷ್ಟ್ರೀಯ ಆರೋಗ್ಯ ಆಯೋಗವು ಮುಖ್ಯವಾಗಿ ಮಕ್ಕಳಲ್ಲಿ ಉಸಿರಾಟದ ಕಾಯಿಲೆಗಳ ಹೆಚ್ಚಳದ ಬಗ್ಗೆ ವರದಿ ಮಾಡಿದೆ. ಕೋವಿಡ್ -19 ನಿರ್ಬಂಧಗಳನ್ನು ತೆಗೆದುಹಾಕುವುದು, ಶೀತ ಋತುವಿನ ಆಗಮನ ಮತ್ತು ಇನ್ಫ್ಲುಯೆನ್ಸ, ಮೈಕೋಪ್ಲಾಸ್ಮಾ ನ್ಯುಮೋನಿಯಾ, ರೆಸ್ಪಿರೇಟರಿ ಸಿನ್ಸಿಟಿಯಲ್ ವೈರಸ್ (RSV) ಮತ್ತು ಅತಿ ತೀವ್ರವಾದ ಉಸಿರಾಟದ ಸಿಂಡ್ರೋಮ್ ಕೊರೊನಾವೈರಸ್ 2 (SARS-CoV-2) ನಂತಹ ರೋಗಕಾರಕಗಳು ಇದಕ್ಕೆ ಕಾರಣ ಎಂದು ದೇಶದ ಅಧಿಕಾರಿಗಳು ಹೇಳಿದ್ದಾರೆ.

ನವೆಂಬರ್ 22 ರಂದು ವಿಶ್ವ ಆರೋಗ್ಯ ಸಂಸ್ಥೆ ಬೀಜಿಂಗ್, ಲಿಯಾನಿಂಗ್ ಮತ್ತು ಚೀನಾದ ಇತರ ಸ್ಥಳಗಳಲ್ಲಿನ ಮಕ್ಕಳ ಆಸ್ಪತ್ರೆಗಳಲ್ಲಿ ರೋಗನಿರ್ಣಯ ಮಾಡದ ನ್ಯುಮೋನಿಯಾದ ಸಮೂಹಗಳನ್ನು ಗುರುತಿಸಿದೆ. ಇದು ಚೀನೀ ಅಧಿಕಾರಿಗಳಿಂದ ಹೆಚ್ಚಿನ ಮಾಹಿತಿ ಕೇಳಿದ್ದು ಮರುದಿನ ಚೀನೀ ಸೆಂಟರ್ ಫಾರ್ ಡಿಸೀಸ್ ಕಂಟ್ರೋಲ್ ಅಂಡ್ ಪ್ರಿವೆನ್ಶನ್ ಮತ್ತು ಬೀಜಿಂಗ್ ಚಿಲ್ಡ್ರನ್ಸ್ ಹಾಸ್ಪಿಟಲ್‌ನಲ್ಲಿ ಆರೋಗ್ಯ ಅಧಿಕಾರಿಗಳೊಂದಿಗೆ ಟೆಲಿಕಾನ್ಫರೆನ್ಸ್ ನಡೆಸಿತು. ಅವರು ಯಾವುದೇ ಹೊಸ ವೈರಸ್ ಅನ್ನು ಗುರುತಿಸಿಲ್ಲ ಎಂದು ಅಧಿಕಾರಿಗಳು ಒತ್ತಾಯಿಸಿದರು, ರೋಗಿಗಳ ಹೊರೆ ಆಸ್ಪತ್ರೆಯ ಸಾಮರ್ಥ್ಯಕ್ಕಿಂತ ಹೆಚ್ಚಿಲ್ಲ ಎಂದು ಹೇಳಿದರು.

ಇಲ್ಲಿಯವರೆಗೆ ಏನಾಗಿದೆ?

WHO ಪ್ರಕಾರ ಉತ್ತರ ಚೀನಾವು ಅಕ್ಟೋಬರ್ ಮಧ್ಯದಿಂದ “ಇನ್ಫ್ಲುಯೆನ್ಸ ತರಹದ ಕಾಯಿಲೆಗಳ” ಹೆಚ್ಚಳವನ್ನು ವರದಿ ಮಾಡಿದೆ. ನವೆಂಬರ್ 21 ರಂದು, ಸಾರ್ವಜನಿಕ ರೋಗ ಕಣ್ಗಾವಲು ವ್ಯವಸ್ಥೆ ProMED, ” undiagnosed pneumonia” ವರದಿಗಳ ಬಗ್ಗೆ ಅಧಿಸೂಚನೆಯನ್ನು ಹೊರಡಿಸಿತು. ಆರೋಗ್ಯ ತಜ್ಞರು ನಡೆಸುತ್ತಿರುವ ProMED, ಈ ಹಿಂದೆ 2019 ರಲ್ಲಿ ಕೋವಿಡ್ -19 ಗೆ ಕಾರಣವಾಗುವ ವೈರಸ್‌ನ ಬಗ್ಗೆ ಎಚ್ಚರಿಕೆ ನೀಡಿತ್ತು.

“ಚೀನಾದಲ್ಲಿ ನ್ಯುಮೋನಿಯಾದಿಂದಾಗಿ ಬೀಜಿಂಗ್, ಲಿಯಾನಿಂಗ್ ಮತ್ತು ಇತರ ಸ್ಥಳಗಳಲ್ಲಿನ ಮಕ್ಕಳ ಆಸ್ಪತ್ರೆಗಳು ಅನಾರೋಗ್ಯದ ಮಕ್ಕಳಿಂದ ತುಂಬಿದ್ದು, ಶಾಲೆಗಳು ಮತ್ತು ತರಗತಿಗಳನ್ನು ರದ್ದು ಮಾಡಲಾಗಿತ್ತು ಎಂದು ಎಫ್‌ಟಿವಿ ನ್ಯೂಸ್‌ನ ವರದಿಯನ್ನು ಉಲ್ಲೇಖಿಸಿ ಪ್ರೊಮೆಡ್ ಹೇಳಿದೆ. ಈ ಸೋಂಕು ಯಾವಾಗ ಪ್ರಾರಂಭವಾಯಿತು ಎಂಬುದು ಸ್ಪಷ್ಟವಾಗಿಲ್ಲ, ಏಕೆಂದರೆ ಅನೇಕ ಮಕ್ಕಳಿಗೆ ಒಟ್ಟೊಟ್ಟಿಗೆ ಕಾಯಿಲೆ ಆಗುವುದು ಸಾಧಾರಣ ಸಂಗತಿ ಅಲ್ಲ. ಈ ವರದಿಯು ಬೀಜಿಂಗ್ ಮತ್ತು ಲಿಯಾನಿಂಗ್ ಸುಮಾರು 800 ಕಿಮೀ ಅಂತರದಲ್ಲಿ ಇರುವುದರಿಂದ ಚೀನಾದ ಹಲವಾರು ಪ್ರದೇಶಗಳಲ್ಲಿ ರೋಗನಿರ್ಣಯ ಮಾಡದ ಉಸಿರಾಟದ ಕಾಯಿಲೆಯ ವ್ಯಾಪಕ ಏರಿಕೆಯನ್ನು ಸೂಚಿಸುತ್ತದೆ.

ರೋಗಲಕ್ಷಣಗಳು ಯಾವುವು?

ಚೀನಾದ ಆರೋಗ್ಯ ಅಧಿಕಾರಿಗಳ ಪ್ರಕಾರ ಸೋಂಕು ಮೈಕೋಪ್ಲಾಸ್ಮಾ ನ್ಯುಮೋನಿಯಾಕ್ಕೆ ಸಂಬಂಧಿಸಿರಬಹುದು, ಇದನ್ನು “ವಾಕಿಂಗ್ ನ್ಯುಮೋನಿಯಾ” ಎಂದೂ ಕರೆಯುತ್ತಾರೆ. ಇದು ಸಾಮಾನ್ಯ ಬ್ಯಾಕ್ಟೀರಿಯಾದ ಸೋಂಕು ಆಗಿದ್ದು ಸಾಮಾನ್ಯವಾಗಿ ಮೇ ತಿಂಗಳಿನಿಂದ ಮಕ್ಕಳ ಮೇಲೆ ಪರಿಣಾಮ ಬೀರುತ್ತದೆ.

ವಾಕಿಂಗ್ ನ್ಯುಮೋನಿಯಾದ ಲಕ್ಷಣಗಳು ಎಂದರೆ ಗಂಟಲು ನೋವು, ಆಯಾಸ ಮತ್ತು ದೀರ್ಘಕಾಲದ ಕೆಮ್ಮು ವಾರಗಳು ಅಥವಾ ತಿಂಗಳುಗಳವರೆಗೆ ಇರುತ್ತದೆ. ತೀವ್ರತರವಾದ ಪ್ರಕರಣಗಳಲ್ಲಿ, ಇದು ಅಂತಿಮವಾಗಿ ನ್ಯುಮೋನಿಯಾ ಆಗಿ ಬದಲಾಗಬಹುದು.

ರೋಗ ಸಾಂಕ್ರಾಮಿಕವೇ?

ಮೆಲ್ಬೋರ್ನ್ ವಿಶ್ವವಿದ್ಯಾನಿಲಯದ ಮೆಲ್ಬೋರ್ನ್ ಸ್ಕೂಲ್ ಆಫ್ ಹೆಲ್ತ್ ಸೈನ್ಸಸ್‌ನ ಮುಖ್ಯಸ್ಥ ಬ್ರೂಸ್ ಥಾಂಪ್ಸನ್ ರಾಯಿಟರ್ಸ್‌ಗೆ ನೀಡಿದ ಪ್ರಾಥಮಿಕ ಮಾಹಿತಿ ಪ್ರಕಾರ ಇದು ಸಾಮಾನ್ಯ ಸೋಂಕು. ಈ ಹಂತದಲ್ಲಿ, ಇದು ಕೋವಿಡ್‌ನ ಹೊಸ ರೂಪಾಂತರವಾಗಿರಬಹುದು ಎಂದು ಸೂಚಿಸಲು ಏನೂ ಪುರಾವೆ ಇಲ್ಲ,. ಗಮನಿಸಬೇಕಾದ ಒಂದು ವಿಷಯವೆಂದರೆ ಕಣ್ಗಾವಲು ಪ್ರಕ್ರಿಯೆಗಳು ಕಾರ್ಯನಿರ್ವಹಿಸುತ್ತಿವೆ ಎಂದು ನಮಗೆ ಭರವಸೆ ನೀಡಬಹುದು, ಇದು ತುಂಬಾ ಒಳ್ಳೆಯದು ಎಂದು ಹೇಳಿದ್ದಾರೆಯ  ಚೀನಾದಲ್ಲಿ ಜನರು ಲಸಿಕೆ ಹಾಕಿಸಿಕೊಳ್ಳಿ, ಅನಾರೋಗ್ಯದಿಂದ ಬಳಲುತ್ತಿದ್ದರೆ ಪ್ರತ್ಯೇಕಿಸಿ, ಅಗತ್ಯವಿದ್ದರೆ ಮಾಸ್ಕ್ ಧರಿಸಿ ಮತ್ತು ಅಗತ್ಯವಿದ್ದಲ್ಲಿ ವೈದ್ಯಕೀಯ ಆರೈಕೆಯನ್ನು ಪಡೆಯಲು WHO ಸೂಚಿಸಿದೆ.

“WHO ಈ ಹೆಚ್ಚುವರಿ ಮಾಹಿತಿಯನ್ನು ಹುಡುಕುತ್ತಿರುವಾಗ, ಚೀನಾದಲ್ಲಿನ ಜನರು ಉಸಿರಾಟದ ಕಾಯಿಲೆಯ ಅಪಾಯವನ್ನು ಕಡಿಮೆ ಮಾಡಲು ಕ್ರಮಗಳನ್ನು ಅನುಸರಿಸಲು ನಾವು ಶಿಫಾರಸು ಮಾಡುತ್ತೇವೆ” ಎಂದು ಸಂಸ್ಥೆ ಹೇಳಿದೆ.

ಜಾಗರೂಕರಾಗಿವೆ ಈ ದೇಶಗಳು

ಚೀನಾದ ನಿರಂತರ ಭರವಸೆಗಳ ಹೊರತಾಗಿಯೂ, ಭಾರತ, ತೈವಾನ್, ಥೈಲ್ಯಾಂಡ್ ಮತ್ತು ನೇಪಾಳ ಸೇರಿದಂತೆ ಏಷ್ಯಾದ ದೇಶಗಳು ಜನರಲ್ಲಿ ಉಸಿರಾಟ ಸಂಬಂಧಿ ಕಾಯಿಲೆಗಳ ಸಂಭವನೀಯ ಏರಿಕೆಗೆ ತಯಾರಿಯಲ್ಲಿ ಜಾಗರೂಕವಾಗಿವೆ ಅಥವಾ ಕಣ್ಗಾವಲು ಹೆಚ್ಚಿಸುತ್ತಿವೆ.

ಮಾರ್ಕೊ ರೂಬಿಯೊ ನೇತೃತ್ವದ ಐದು ಯುಎಸ್ ರಿಪಬ್ಲಿಕನ್ ಸೆನೆಟರ್‌ಗಳು ಚೀನಾದೊಂದಿಗೆ ಪ್ರಯಾಣವನ್ನು ನಿಷೇಧಿಸುವಂತೆ ಬೈಡನ್ ಆಡಳಿತವನ್ನು ಕೇಳಿದ್ದಾರೆ. “ಈ ಹೊಸ ಅನಾರೋಗ್ಯದಿಂದ ಉಂಟಾಗುವ ಅಪಾಯಗಳ ಬಗ್ಗೆ ನಮಗೆ ಹೆಚ್ಚು ತಿಳಿಯುವವರೆಗೆ ನಾವು ಯುನೈಟೆಡ್ ಸ್ಟೇಟ್ಸ್ ಮತ್ತು (ಚೀನಾ) ನಡುವಿನ ಪ್ರಯಾಣವನ್ನು ತಕ್ಷಣವೇ ನಿರ್ಬಂಧಿಸಬೇಕು” ಎಂದು ಸೆನೆಟ್ ಗುಪ್ತಚರ ಸಮಿತಿಯ ಉನ್ನತ ರಿಪಬ್ಲಿಕನ್  ರೂಬಿಯೊ ಸಹಿ ಮಾಡಿದ ಪತ್ರದಲ್ಲಿ ತಿಳಿಸಲಾಗಿದೆ.

ಇದನ್ನೂ ಓದಿ:ನ್ಯುಮೋನಿಯಾ; ಕೋವಿಡ್​ಗೆ ಅನುಸರಿಸಿದ್ದ ಪ್ರೈಮರಿ ಅಲರ್ಟ್ ಪಾಲಿಸಲು ಆರೋಗ್ಯ ಇಲಾಖೆ ಸೂಚನೆ 

ಚೀನಾದಲ್ಲಿ ಉಸಿರಾಟದ ಕಾಯಿಲೆಗಳ ಹೆಚ್ಚಳವನ್ನು ಯುಎಸ್ ಸೂಕ್ಷ್ಮವಾಗಿ ಗಮನಿಸುತ್ತಿದೆ ಎಂದು ಬೈಡನ್  ಆಡಳಿತದ ಅಧಿಕಾರಿಯೊಬ್ಬರು ಹೇಳಿದ್ದಾರೆ.  ಆದರೆ “ನಾವು ಈ ಋತುವಿನಲ್ಲಿ ಏರಿಕೆ ನೋಡುತ್ತಿದ್ದೇವೆ. ಅಸಹಜವಾಗಿ ಏನೂ ಕಾಣಿಸುತ್ತಿಲ್ಲ. ಈ ಸಮಯದಲ್ಲಿ, ಯುಎಸ್ ತುರ್ತು ವಿಭಾಗಗಳಲ್ಲಿ ಆರೈಕೆಯನ್ನು ಬಯಸುವ ಜನರ ನಡುವೆ ಮತ್ತು ಚೀನಾದಲ್ಲಿ ಉಸಿರಾಟದ ಕಾಯಿಲೆಯ ಸೋಂಕು ನಡುವೆ ಯಾವುದೇ ಸಂಬಂಧವಿದೆ ಎಂಬುದಕ್ಕೆ ಯಾವುದೇ ಸಾಕ್ಷ್ಯವಿಲ್ಲ ಎಂದು ಅಧಿಕಾರಿ ಹೇಳಿದ್ದಾರೆ. ಯುಎಸ್ ಆರೋಗ್ಯ ಅಧಿಕಾರಿಗಳು ಒಹಾಯೊ ಕೌಂಟಿಯಲ್ಲಿ ಮಕ್ಕಳ ಮೇಲೆ ಪರಿಣಾಮ ಬೀರುವ ನ್ಯುಮೋನಿಯಾ  ಸೋಂಕನ್ನು  ಸೂಕ್ಷ್ಮವಾಗಿ ಗಮನಿಸುತ್ತಿದ್ದಾರೆ.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ