Auto Tips: ಕಾರನ್ನು ಸ್ಟಾರ್ಟ್ ಮಾಡಿದ ತಕ್ಷಣ ಆಕ್ಸಿಲರೇಟರ್ ಒತ್ತಬಾರದು, ಯಾಕೆ?

Car Driving Tips: ಕಾರಿನಲ್ಲಿ ನಾವು ವೇಗವನ್ನು ನಿಯಂತ್ರಿಸಲು ಆಕ್ಸಿಲರೇಟರ್ ಬಳಸುತ್ತೇವೆ. ನಾವು ಅದನ್ನು ಸರಿಯಾಗಿ ಬಳಸಿದರೆ ಕಾರಿನ ಕಾರ್ಯಕ್ಷಮತೆ ಉತ್ತಮವಾಗಿರುತ್ತದೆ. ಆದರೆ ಇದರಲ್ಲಿ ಸ್ವಲ್ಪ ತಪ್ಪಾದರೂ ಮೈಲೇಜ್ ಮೇಲೆ ದೊಡ್ಡ ಪರಿಣಾಮ ಬೀರುತ್ತದೆ. ಅನೇಕರು ಕಾರನ್ನು ಸ್ಟಾರ್ಟ್ ಮಾಡಿದ ತಕ್ಷಣ ಆಕ್ಸಿಲರೇಟರ್ ಒತ್ತುತ್ತಾರೆ. ಇದು ಕೆಟ್ಟ ಅಭ್ಯಾಸವಾಗಿದ್ದು, ಕಾರಿನ ಮೈಲೇಜ್ ಅನ್ನು ಗಣನೀಯವಾಗಿ ಕಡಿಮೆ ಮಾಡುತ್ತದೆ. ಎಂದುಕೂಡ ಕಾರನ್ನು ಸ್ಟಾರ್ಟ್ ಮಾಡಿದ ತಕ್ಷಣ ಆಕ್ಸಿಲರೇಟರ್ ಒತ್ತಬಾರದು.

ನೀವು ಕಾರನ್ನು ಸ್ಟಾರ್ಟ್ ಮಾಡಿದಾಗ ಎಂಜಿನ್ ತಂಪಾಗಿರುತ್ತದೆ. ಕೋಲ್ಡ್ ಇಂಜಿನ್​ನಲ್ಲಿ ವೇಗವಾಗಿ ಓಡಿಸುವುದರಿಂದ ಇದು ಇಂಜಿನ್ ಮೇಲೆ ಪೆಟ್ಟುಬೀಳುತ್ತದೆ ಮತ್ತು ಮೈಲೇಜ್ ಅನ್ನು ಕಡಿಮೆ ಮಾಡಬಹುದು. ಇದಲ್ಲದೆ, ನೀವು ಕಾರನ್ನು ಸ್ಟಾರ್ಟ್ ಮಾಡಿದಾಗ, ಎಂಜಿನ್‌ಗೆ ಕಡಿಮೆ ತೈಲ ಹರಿವು ಇರುತ್ತದೆ. ಆಕ್ಸಿಲರೇಟರ್ ಅತಿ ವೇಗವಾಗಿ ಒತ್ತುವುದರಿಂದ ಎಂಜಿನ್ ಭಾಗಗಳಿಗೆ ಹಾನಿಯಾಗಬಹುದು.

ಕಾರನ್ನು ಸ್ಟಾರ್ಟ್ ಮಾಡುವಾಗ ಈ ವಿಷಯಗಳನ್ನು ನೆನಪಿನಲ್ಲಿಡಿ:

ಕಾರನ್ನು ಸ್ಟಾರ್ಟ್ ಮಾಡಿದ ನಂತರ, ಕೆಲವು ನಿಮಿಷಗಳ ಕಾಲ ಎಂಜಿನ್ ಅನ್ನು ಕಡಿಮೆ ವೇಗದಲ್ಲಿ ಚಲಾಯಿಸಲು ಬಿಡಿ, ಒಮ್ಮೆಲೇ ಆಕ್ಸಿಲರೇಟರ್ ಕೊಟ್ಟು ಓಡಿಸಬೇಡಿ. ಇದು ಎಂಜಿನ್ ಅನ್ನು ಬಿಸಿ ಮಾಡುತ್ತದೆ ಮತ್ತು ತೈಲ ಹರಿವು ಸಹ ಸಾಮಾನ್ಯವಾಗುತ್ತದೆ. ಎಂಜಿನ್ ಬೆಚ್ಚಗಾಗುವಾಗ, ವೇಗವರ್ಧಕವನ್ನು ನಿಧಾನವಾಗಿ ಒತ್ತಿರಿ. ಹಾಗೆಯೆ ಕಾರನ್ನು ಗೇರ್‌ನಲ್ಲಿ ಸ್ಟಾರ್ಟ್ ಮಾಡಬಾರದು. ನ್ಯೂಟ್ರೊಲ್​ನಲ್ಲಿ ಇರಿಸಿ ಮತ್ತು ನಂತರ ಗೇರ್ ಹಾಕಿರಿ.

ಮೈಲೇಜ್ ಹೆಚ್ಚಿಸಲು ಈ ವಿಷಯಗಳನ್ನು ನೆನಪಿನಲ್ಲಿಡಿ:

ಟೈರ್ ಒತ್ತಡ

ಟೈರ್‌ಗಳಲ್ಲಿ ಗಾಳಿಯ ಒತ್ತಡ ಸರಿಯಾಗಿಲ್ಲದಿದ್ದರೆ, ಆಗ ವಾಹನವನ್ನು ಓಡಿಸಲು ಹೆಚ್ಚಿನ ಶಕ್ತಿಯನ್ನು ತೆಗೆದುಕೊಳ್ಳುತ್ತದೆ. ಇದು ಇಂಧನ ಬಳಕೆಯನ್ನು ಹೆಚ್ಚಿಸುತ್ತದೆ. ಸರಿಯಾದ ಟೈರ್ ಒತ್ತಡವನ್ನು ನಿರ್ವಹಿಸುವುದರಿಂದ ಮೈಲೇಜ್ ಅನ್ನು ಸುಧಾರಿಸಬಹುದು. ಹಾಗೆಯೆ ಎಂಜಿನ್ ಆಯಿಲ್ ಬದಲಾಯಿಸುವುದು, ಏರ್ ಫಿಲ್ಟರ್ ಮತ್ತು ಸ್ಪಾರ್ಕ್ ಪ್ಲಗ್ ಅನ್ನು ಕಾಲಕಾಲಕ್ಕೆ ಪರಿಶೀಲಿಸುವುದು ಮುಖ್ಯ. ಇದರಿಂದ ಎಂಜಿನ್ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಮೈಲೇಜ್ ಕೂಡ ಕೊಡುತ್ತದೆ.

ಅಧಿಕ ತೂಕ:

ವಾಹನಕ್ಕೆ ಹೆಚ್ಚಿನ ತೂಕವನ್ನು ಸೇರಿಸುವುದರಿಂದ ಎಂಜಿನ್ ಮೇಲೆ ಒತ್ತಡ ಹೆಚ್ಚಾಗುತ್ತದೆ. ಇದು ಇಂಧನ ಬಳಕೆಯನ್ನು ಹೆಚ್ಚಿಸುತ್ತದೆ. ನಿಮ್ಮ ಕಾರಿನಿಂದ ಅನಗತ್ಯ ವಸ್ತುಗಳನ್ನು ತೆಗೆದುಹಾಕುವ ಮೂಲಕ ತೂಕವನ್ನು ಕಡಿಮೆ ಮಾಡಿ. ಅನೇಕ ಜನರು ಪ್ರಯಾಣಿಸುವಾಗ ಹೆಚ್ಚುವರಿ ಲಗೇಜ್ ತೆಗೆದುಕೊಂಡು ಹೋಗುತ್ತಾರೆ, ಇದು ವಾಹನದ ಮೈಲೇಜ್ ಮೇಲೆ ಪರಿಣಾಮ ಬೀರುತ್ತದೆ.

ಇದನ್ನೂ ಓದಿ: ನೀವು ಸೆಕೆಂಡ್ ಹ್ಯಾಂಡ್ ಎಲೆಕ್ಟ್ರಿಕ್ ಕಾರು ಖರೀದಿಸಲು ಹೊರಟಿದ್ದರೆ ಈ ಪ್ರಮುಖ ವಿಷಯ ನೆನಪಿನಲ್ಲಿಡಿ

ಕೆಟ್ಟ ಚಾಲನಾ ಅಭ್ಯಾಸಗಳು

ಆಗಾಗ್ಗೆ ಬ್ರೇಕಿಂಗ್, ವೇಗದ ಚಾಲನೆ ಮತ್ತು ಹಠಾತ್ ಆಗಿ ಬ್ರೇಕ್ ಹಾಕುವುದು ಇಂಧನ ಬಳಕೆಯನ್ನು ಹೆಚ್ಚಿಸುತ್ತದೆ. ನಯವಾದ ಮತ್ತು ಸ್ಥಿರವಾದ ಚಾಲನೆಯಿಂದ ಮೈಲೇಜ್ ಅನ್ನು ಸುಧಾರಿಸಬಹುದು. ಇದಕ್ಕಾಗಿ ನೀವು ಕಾರಿನ ಎಸಿಯನ್ನು ಸ್ವಿಚ್ ಆಫ್ ಮಾಡುವ ಅಗತ್ಯವಿಲ್ಲ. ಸರಿಯಾದ ಗೇರ್‌ನಲ್ಲಿ ಕಾರನ್ನು ಓಡಿಸಿ. ಅಲ್ಲದೆ, ಸ್ಥಿರ ವೇಗದಲ್ಲಿ ಚಾಲನೆ ಮಾಡಿ. ನೀವು ಹೆದ್ದಾರಿಯಲ್ಲಿದ್ದರೆ ಟಾಪ್ ಗೇರ್‌ನಲ್ಲಿ ಗಂಟೆಗೆ 70-80 ಕಿಲೋಮೀಟರ್ ವೇಗದಲ್ಲಿ ಚಾಲನೆ ಮಾಡಿ. ಇಲ್ಲಿ ನೀವು ಉತ್ತಮ ಮೈಲೇಜ್ ಪಡೆಯುತ್ತೀರಿ.

ಆಟೋಮೊಬೈಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ