Mirae Asset MF

ಭಾರತದಲ್ಲಿ ಇರುವ ಕೆಲ ಪ್ರಮುಖ ಅಸೆಟ್ ಮ್ಯಾನೇಜ್ಮೆಂಟ್ ಸಂಸ್ಥೆಗಳಲ್ಲಿ ಮಿರಾಯ್ ಅಸೆಟ್ ಮ್ಯೂಚುವಲ್ ಫಂಡ್ ಕೂಡ ಒಂದು. ದಕ್ಷಿಣ ಕೊರಿಯಾ ಮೂಲದ ಮಿರಾಯ್ ಅಸೆಟ್ ಕಂಪನಿಯ ಅಂಗಸಂಸ್ಥೆ ಇದು. ಭಾರತದಲ್ಲಿ 2008ರಲ್ಲಿ ಮಿರಾಯ್ ಅಸೆಟ್ ಮ್ಯೂಚುವಲ್ ಫಂಡ್ ಕಾರ್ಯಾರಂಭಿಸಿದೆ. ಎಲ್ಲಾ ವಿಭಾಗಗಳ ಮ್ಯೂಚುವಲ್ ಫಂಡ್, ಇಟಿಎಫ್ ಯೋಜನೆಗಳನ್ನು ನಡೆಸುವ ಈ ಸಂಸ್ಥೆಯು ಹೂಡಿಕೆದಾರರ ವಿಶ್ವಾಸ ಗಳಿಸಲು ಯಶಸ್ವಿಯಾಗಿದೆ. ಈಕ್ವಿಟಿ ಫಂಡ್​ಗಳು, ಮಲ್ಟಿಕ್ಯಾಪ್ ಫಂಡ್, ಫ್ಲೆಕ್ಸಿ ಕ್ಯಾಪ್ ಫಂಡ್, ಬ್ಯಾಲನ್ಸ್ಡ್ ಅಡ್ವಾಂಟೇಜ್ ಫಂಡ್ ಇತ್ಯಾದಿ ವಿಭಾಗಗಳ ಫಂಡ್​ಗಳನ್ನು ಇದು ನಿರ್ವಹಿಸುತ್ತದೆ. ಒಟ್ಟಾರೆ ಒಂದೂವರೆ ಲಕ್ಷ ಕೋಟಿ ರೂಗೂ ಅಧಿಕ ಮೊತ್ತದ ಹೂಡಿಕೆಗಳನ್ನು ಇದು ನಿರ್ವಹಿಸುತ್ತದೆ.