Thematic ETF ಎಂದರೇನು? ಈ ಹೂಡಿಕೆ ಯಾರಿಗೆ ಹೇಳಿ ಮಾಡಿಸಿದ್ದು? ಇಲ್ಲಿದೆ ಮಾಹಿತಿ

ಥೀಮ್ಯಾಟಿಕ್ ಇಟಿಎಫ್​ಗಳ ಬಗ್ಗೆ ನೀವು ಕೇಳಿರಬಹುದು. ಇತ್ತೀಚೆಗೆ ಹೆಚ್ಚೆಚ್ಚು ಜನಪ್ರಿಯತೆ ಪಡೆಯುತ್ತಿರುವ ಹೂಡಿಕೆ ಆಯ್ಕೆಗಳಲ್ಲಿ ಇದೂ ಒಂದು. ನಿರ್ದಿಷ್ಟ ತತ್ವ, ಉದ್ಯಮ ಅಥವಾ ಟ್ರೆಂಡ್​ನಲ್ಲಿ ಹೂಡಿಕೆ ಮಾಡುವ ಇಟಿಎಫ್​ಗಳನ್ನು ಥೀಮ್ಯಾಟಿಕ್ ಇಟಿಎಫ್ ಎನ್ನುತ್ತಾರೆ. ಇಂಥ ಇಟಿಎಫ್​ಗಳು ಹೆಚ್ಚು ನಿರ್ದಿಷ್ಟವಾಗಿರುತ್ತವೆ.

ಥಿಮ್ಯಾಟಿಕ್ ಇಟಿಎಫ್​ಗಳು ನಿಫ್ಟಿ50ಯಂತಹ ವಿಸ್ತೃತ ಮಾರುಕಟ್ಟೆ ಸೂಚ್ಯಂಕಗಳಲ್ಲಿ ಹೂಡಿಕೆ ಮಾಡುವ ಬದಲು ನಿರ್ದಿಷ್ಟ ಥೀಮ್ ಅನ್ನು ಆಯ್ದುಕೊಳ್ಳುತ್ತವೆ. ಥೀಮ್ಯಾಟಿಕ್ ಫಂಡ್​ಗಳು ನಿಮ್ಮ ಹಣವನ್ನು ಎಲ್ಲಿ ಹೂಡಿಕೆ ಮಾಡುತ್ತವೆ? ಇಂಥ ಇಟಿಎಫ್​ಗಳಲ್ಲಿ ಹೂಡಿಕೆ ಮಾಡುವಾಗ ಯಾವ ಅಂಶಗಳನ್ನು ಗಮನದಲ್ಲಿರಿಸಿಕೊಳ್ಳಬೇಕು? ಈ ಎಲ್ಲಾ ಮಾಹಿತಿಯನ್ನು ನೀವು ಕೆಳಗೆ ನೋಡಬಹುದು.

ಆಗಲೇ ತಿಳಿಸಿದಂತೆ ಥೀಮ್ಯಾಟಿಕ್ ಇಟಿಎಫ್​ಗಳು ಬ್ರಾಡ್ ಮಾರ್ಕೆಟ್ ಇಂಡೆಕ್ಸ್ ಬದಲು ನಿರ್ದಿಷ್ಟ ಥೀಮ್​ನಲ್ಲಿ ಹೂಡಿಕೆ ಮಾಡುತ್ತವೆ. ಥೀಮ್ ಎನ್ನುವುದಕ್ಕೆ ನಿದರ್ಶನ ನೀಡುವುದಾದರೆ, ಮ್ಯಾನುಫ್ಯಾಕ್ಚರಿಂಗ್, ಫೈನಾನ್ಷಿಯಲ್ ಸರ್ವಿಸಸ್, ಪರಿಸರ, ಎಲೆಕ್ಟ್ರಿಕ್ ವಾಹನ, ನವೀಕರಣ ಇಂಧನ ಇತ್ಯಾದಿಯನ್ನು ಹೆಸರಿಸಬಹುದು.

ಇದನ್ನೂ ಓದಿ: ಹೂಡಿಕೆಯಲ್ಲಿ ಲಿಕ್ವಿಡಿಟಿ ಅಂಶ ಎಷ್ಟು ಮುಖ್ಯ? ಉತ್ತಮ ಲಿಕ್ವಿಡಿಟಿ ಇರುವ ಇಟಿಎಫ್​ನ ಪ್ರಯೋಜನಗಳಿವು…

ಥೀಮ್ಯಾಟಿಕ್ ಇಟಿಎಫ್​ಗಳು ದೀರ್ಘಾವಧಿಯಲ್ಲಿ ತಮ್ಮ ಬೆಂಚ್​ಮಾರ್ಕ್​ಗೆ ಸಮೀಪದಷ್ಟು ರಿಟರ್ನ್ ತರಲು ಯತ್ನಿಸುತ್ತವೆ. ಆದರೆ, ಇಂಥ ಇಟಿಎಫ್​ಗಳಲ್ಲಿ ರಿಸ್ಕ್ ಅಂಶ ಇಲ್ಲದೇ ಇಲ್ಲ. ವಿಸ್ತೃತ ಮಾರುಕಟ್ಟೆಗಿಂತ ನಿರ್ದಿಷ್ಟ ಥೀಮ್​ನ ಇಟಿಎಫ್ ಹೆಚ್ಚು ಸಂಚಲನಶೀಲವಾಗಿರಬಹುದು. ಅಂದರೆ ಹೆಚ್ಚು ಅಲುಗಾಟ ಆಗಬಹುದು. ಹೀಗಾಗಿ, ಥೀಮ್ಯಾಟಿಕ್ ಇಟಿಎಫ್​ನಲ್ಲಿ ಹೂಡಿಕೆ ಮಾಡುವ ಮುನ್ನ ಅದರ ಸಂಭಾವ್ಯ ಅಪಾಯಗಳ ಬಗ್ಗೆ ಮೊದಲೇ ತಿಳಿದಿರುವುದು ಉತ್ತಮ.

(ಗಮನಿಸಿ: ಈ ಲೇಖನದಲ್ಲಿ ಷೇರು ವಹಿವಾಟಿನ ಬಗ್ಗೆ ಮಾಹಿತಿ ನೀಡಲಾಗಿದೆಯೇ ಹೊರತು, ನಿರ್ದಿಷ್ಟ ಹೂಡಿಕೆಗೆ ಯಾವ ಶಿಫಾರಸುಗಳನ್ನು ಮಾಡಲಾಗಿಲ್ಲ.)

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ