Car Mileage Tips: ಈ ಟಿಪ್ಸ್ ಫಾಲೋ ಮಾಡಿದ್ರೆ ನಿಮ್ಮ ಕಾರ್ ಬೈಕ್​ನಂತೆ ಮೈಲೇಜ್ ಕೊಡುತ್ತೆ!

ಪೆಟ್ರೋಲ್ ಮತ್ತು ಡೀಸೆಲ್ ವಾಹನಗಳು ಹಲವು ಕಾರಣಗಳಿಂದ ಕಡಿಮೆ ಮೈಲೇಜ್ ಕೊಡುತ್ತವೆ. ನೀವು ಮಾಡುವ ಕೆಲವು ಸಣ್ಣ ತಪ್ಪುಗಳೇ ಇದಕ್ಕೆ ಕಾರಣ. ನೀವು ಅವುಗಳನ್ನು ಸರಿಪಡಿಸಿದರೆ ನಿಮ್ಮ ಕಾರು ಉತ್ತಮ ಮೈಲೇಜ್ ನೀಡಬಹುದು. ಕಾರಿನ ಎಸಿ ಸ್ವಿಚ್ ಆಫ್ ಮಾಡುವುದು ಅಥವಾ ಕಿಟಕಿ ಮುಚ್ಚಿ ಚಾಲನೆ ಮಾಡುವ ಬಗ್ಗೆ ಎಲ್ಲರಿಗೂ ತಿಳಿದಿದೆ. ಅದು ಬಿಟ್ಟು ಮೂಲೇಜ್ ಹೆಚ್ಚಿಸಲು ಬೇರೆ ಏನು ಮಾಡಬೇಕು? ಎಂಬ ಕುರಿತು ನಾವಿಲ್ಲಿ ಮಾಹಿತಿ ನೀಡುತ್ತೇವೆ.

ಟೈರ್ ಒತ್ತಡ

ಟೈರ್‌ಗಳಲ್ಲಿ ಗಾಳಿಯ ಒತ್ತಡ ಸರಿಯಾಗಿಲ್ಲದಿದ್ದರೆ, ಆಗ ವಾಹನವನ್ನು ಓಡಿಸಲು ಹೆಚ್ಚಿನ ಶಕ್ತಿಯನ್ನು ತೆಗೆದುಕೊಳ್ಳುತ್ತದೆ. ಇದು ಇಂಧನ ಬಳಕೆಯನ್ನು ಹೆಚ್ಚಿಸುತ್ತದೆ. ಸರಿಯಾದ ಟೈರ್ ಒತ್ತಡವನ್ನು ನಿರ್ವಹಿಸುವುದರಿಂದ ಮೈಲೇಜ್ ಅನ್ನು ಸುಧಾರಿಸಬಹುದು.

ಎಂಜಿನ್ ನಿರ್ವಹಣೆ

ಎಂಜಿನ್ ಅನ್ನು ನಿಯಮಿತವಾಗಿ ನಿರ್ವಹಿಸದಿರುವುದು ಅದರ ದಕ್ಷತೆಯನ್ನು ಕಡಿಮೆ ಮಾಡುತ್ತದೆ. ಆಯಿಲ್ ಬದಲಾಯಿಸುವುದು, ಏರ್ ಫಿಲ್ಟರ್ ಮತ್ತು ಸ್ಪಾರ್ಕ್ ಪ್ಲಗ್ ಅನ್ನು ಕಾಲಕಾಲಕ್ಕೆ ಪರಿಶೀಲಿಸುವುದು ಮುಖ್ಯ. ಇದರಿಂದ ಎಂಜಿನ್ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಮೈಲೇಜ್ ಕೂಡ ಕೊಡುತ್ತದೆ.

ಅಧಿಕ ತೂಕ

ವಾಹನಕ್ಕೆ ಹೆಚ್ಚಿನ ತೂಕವನ್ನು ಸೇರಿಸುವುದರಿಂದ ಎಂಜಿನ್ ಮೇಲೆ ಒತ್ತಡ ಹೆಚ್ಚಾಗುತ್ತದೆ. ಇದು ಇಂಧನ ಬಳಕೆಯನ್ನು ಹೆಚ್ಚಿಸುತ್ತದೆ. ನಿಮ್ಮ ಕಾರಿನಿಂದ ಅನಗತ್ಯ ವಸ್ತುಗಳನ್ನು ತೆಗೆದುಹಾಕುವ ಮೂಲಕ ತೂಕವನ್ನು ಕಡಿಮೆ ಮಾಡಿ. ಅನೇಕ ಜನರು ಪ್ರಯಾಣಿಸುವಾಗ ಹೆಚ್ಚುವರಿ ಲಗೇಜ್ ತೆಗೆದುಕೊಂಡು ಹೋಗುತ್ತಾರೆ, ಇದು ವಾಹನದ ಮೈಲೇಜ್ ಮೇಲೆ ಪರಿಣಾಮ ಬೀರುತ್ತದೆ.

ಕೆಟ್ಟ ಚಾಲನಾ ಅಭ್ಯಾಸಗಳು

ಆಗಾಗ್ಗೆ ಬ್ರೇಕಿಂಗ್, ವೇಗದ ಚಾಲನೆ ಮತ್ತು ಹಠಾತ್ ಆಗಿ ಬ್ರೇಕ್ ಹಾಕುವುದು ಇಂಧನ ಬಳಕೆಯನ್ನು ಹೆಚ್ಚಿಸುತ್ತದೆ. ನಯವಾದ ಮತ್ತು ಸ್ಥಿರವಾದ ಚಾಲನೆಯಿಂದ ಮೈಲೇಜ್ ಅನ್ನು ಸುಧಾರಿಸಬಹುದು. ಇದಕ್ಕಾಗಿ ನೀವು ಕಾರಿನ ಎಸಿಯನ್ನು ಸ್ವಿಚ್ ಆಫ್ ಮಾಡುವ ಅಗತ್ಯವಿಲ್ಲ.

ಇದನ್ನೂ ಓದಿ: ಹೊಸ ಕಾರು ಖರೀದಿಸುವಾಗ ಯಾವ ವೆರಿಯೆಂಟ್ ಗಳು ಖರೀದಿಗೆ ಬೆಸ್ಟ್?

ಗೇರ್ ಮತ್ತು ವೇಗ

ಸರಿಯಾದ ಗೇರ್‌ನಲ್ಲಿ ಕಾರನ್ನು ಓಡಿಸಿ. ಅಲ್ಲದೆ, ಸ್ಥಿರ ವೇಗದಲ್ಲಿ ಚಾಲನೆ ಮಾಡಿ. ನೀವು ಹೆದ್ದಾರಿಯಲ್ಲಿದ್ದರೆ ಟಾಪ್ ಗೇರ್‌ನಲ್ಲಿ ಗಂಟೆಗೆ 70-80 ಕಿಲೋಮೀಟರ್ ವೇಗದಲ್ಲಿ ಚಾಲನೆ ಮಾಡಿ. ಇಲ್ಲಿ ನೀವು ಉತ್ತಮ ಮೈಲೇಜ್ ಪಡೆಯುತ್ತೀರಿ.

ಎಸಿಯ ಅತಿಯಾದ ಬಳಕೆ

ಹವಾನಿಯಂತ್ರಣದ ಅತಿಯಾದ ಬಳಕೆಯು ಇಂಜಿನ್ ಮೇಲೆ ಒತ್ತಡವನ್ನು ಉಂಟುಮಾಡುತ್ತದೆ. ಇದು ಮೈಲೇಜ್ ಅನ್ನು ಕಡಿಮೆ ಮಾಡುತ್ತದೆ. ಅಗತ್ಯಕ್ಕೆ ತಕ್ಕಂತೆ ಎಸಿ ಬಳಸಿ. ಈ ವಿಷಯಗಳನ್ನು ಗಮನದಲ್ಲಿಟ್ಟುಕೊಂಡು, ನಿಮ್ಮ ವಾಹನದ ಮೈಲೇಜ್ ಅನ್ನು ಹೆಚ್ಚಿಸಬಹುದು ಮತ್ತು ಇಂಧನ ಬಳಕೆಯನ್ನು ಕಡಿಮೆ ಮಾಡಬಹುದು.