Hyundai Exter: ಟಾಟಾ ಪಂಚ್‌ಗೆ ನಡುಕ ಹುಟ್ಟಿಸಿದ ಈ ಹೊಸ ಮಿನಿ ಎಸ್ಯುವಿ
ಬಿಡುಗಡೆಯಾದ ಕೇವಲ 21 ತಿಂಗಳೊಳಗೆ ಹ್ಯುಂಡೈ ಎಕ್ಸ್‌ಟರ್ 1.5 ಲಕ್ಷ ಮಾರಾಟವಾಗಿ ದಾಖಲೆಯನ್ನು ಸೃಷ್ಟಿಸಲಾಗಿದೆ. ಈ ಕಾರನ್ನು ಭಾರತೀಯ ಮಾರುಕಟ್ಟೆಯಲ್ಲಿ 10 ಜುಲೈ 2023 ರಂದು ಬಿಡುಗಡೆ ಮಾಡಲಾಯಿತು. ಏಪ್ರಿಲ್ 30, 2025 ರ ಹೊತ್ತಿಗೆ, ಒಟ್ಟು 1,54,127 ಯುನಿಟ್‌ಗಳು ಮಾರಾಟವಾಗಿವೆ.
ಬೆಂಗಳೂರು (ಮೇ. 17): ಈಗ ಭಾರತದಲ್ಲಿ SUV ಗಳಿಗೆ ಹೆಚ್ಚಿನ ಬೇಡಿಕೆ ಇದೆ. ಅದಕ್ಕಾಗಿಯೇ ಇಂದು ಮಾರುಕಟ್ಟೆಯಲ್ಲಿ ಮೈಕ್ರೋದಿಂದ ಕಾಂಪ್ಯಾಕ್ಟ್, ದೊಡ್ಡ ಮತ್ತು ಪೂರ್ಣ ಗಾತ್ರದವರೆಗೆ ಎಲ್ಲಾ ರೀತಿಯ SUV ಗಳು (SUV) ಲಭ್ಯವಿದೆ. ಸಣ್ಣ SUV ವಿಭಾಗದಲ್ಲಿ ಟಾಟಾ ಪಂಚ್ ಪ್ರಾಬಲ್ಯ ಹೊಂದಿದೆ, ಆದರೆ ಹುಂಡೈ ಎಕ್ಸ್‌ಟರ್ ಇದಕ್ಕೆ ಕಠಿಣ ಸವಾಲನ್ನು ನೀಡುತ್ತದೆ. ಈಗ ಈ ಕಾರು ಮಾರಾಟದ ವಿಷಯದಲ್ಲಿ ಅದ್ಭುತ ದಾಖಲೆಯನ್ನು ಕೂಡ ಮಾಡಿದೆ. ಹುಂಡೈ ಎಕ್ಸ್‌ಟರ್ ನ ಇತ್ತೀಚಿನ ಮಾರಾಟದ ಮಾಹಿತಿಯ ಪ್ರಕಾರ, ಏಪ್ರಿಲ್ 2025 ರವರೆಗೆ, ಕಂಪನಿಯು ಅದರ 1.5 ಲಕ್ಷ ಯುನಿಟ್‌ಗಳನ್ನು ಮಾರಾಟ ಮಾಡಿದೆ. ಇದು ದೇಶೀಯ ಮಾರುಕಟ್ಟೆಯಲ್ಲಿ ಬಹಳ ವೇಗವಾಗಿ ಮಾರಾಟವಾಗುತ್ತಿರುವ ಕಾರಾಗಿದೆ.
2 ವರ್ಷಗಳಿಗಿಂತ ಕಡಿಮೆ ಅವಧಿಯಲ್ಲಿ ದಾಖಲೆ
ಬಿಡುಗಡೆಯಾದ ಕೇವಲ 21 ತಿಂಗಳೊಳಗೆ ಹ್ಯುಂಡೈ ಎಕ್ಸ್‌ಟರ್ 1.5 ಲಕ್ಷ ಮಾರಾಟವಾಗಿ ದಾಖಲೆಯನ್ನು ಸೃಷ್ಟಿಸಲಾಗಿದೆ. ಈ ಕಾರನ್ನು ಭಾರತೀಯ ಮಾರುಕಟ್ಟೆಯಲ್ಲಿ 10 ಜುಲೈ 2023 ರಂದು ಬಿಡುಗಡೆ ಮಾಡಲಾಯಿತು. ಏಪ್ರಿಲ್ 30, 2025 ರ ಹೊತ್ತಿಗೆ, ಒಟ್ಟು 1,54,127 ಯುನಿಟ್‌ಗಳು ಮಾರಾಟವಾಗಿವೆ.
ಹುಂಡೈ ಎಕ್ಸ್‌ಟರ್ ಕೇವಲ 13 ತಿಂಗಳಲ್ಲಿ ಅಂದರೆ ಆಗಸ್ಟ್ 2024 ರಲ್ಲಿ ಒಂದು ಲಕ್ಷ ಯೂನಿಟ್‌ಗಳನ್ನು ಮಾರಾಟ ಮಾಡಿದ ದಾಖಲೆಯನ್ನು ಸಾಧಿಸಿತ್ತು. ಬಿಡುಗಡೆಯಾದ ಕೇವಲ 8 ತಿಂಗಳ ನಂತರ ಅದರ 50,000 ಯೂನಿಟ್‌ಗಳು ಮಾರಾಟವಾದವು. ದೇಶದ ಸಣ್ಣ SUV ಮಾರುಕಟ್ಟೆಯಲ್ಲಿ ಸದ್ಯ ದೊಡ್ಡ ಪೈಪೋಟಿ ನಡೆಯುತ್ತಿದೆ. ಟಾಟಾ ಪಂಚ್ ಮತ್ತು ಹುಂಡೈ ಎಕ್ಸ್‌ಟರ್ ನೇರ ಪ್ರತಿಸ್ಪರ್ಧಿಗಳು. ಕಿಯಾ ಸೋನೆಟ್, ಹುಂಡೈ ವೆನ್ಯೂ ಮತ್ತು ಮಹೀಂದ್ರಾ XUV300 ಕೂಡ ಇದೇ ಸಾಲಿನಲ್ಲಿದೆ.
Auto Tips: ಕಾರಿನಲ್ಲಿ ಆಂಟೆನಾ ಏಕೆ ಇರುತ್ತದೆ, ಅದರ ಕೆಲಸವೇನು ಗೊತ್ತೇ?: ಇಲ್ಲಿದೆ ಸಂಪೂರ್ಣ ಮಾಹಿತಿ
ಹುಂಡೈ ಎಕ್ಸ್‌ಟರ್ ನ ವೈಶಿಷ್ಟ್ಯಗಳು
ಹುಂಡೈ ಎಕ್ಸ್‌ಟರ್ ಮಾರಾಟದ ದೃಷ್ಟಿಯಿಂದ ಮಾತ್ರವಲ್ಲದೆ ವೈಶಿಷ್ಟ್ಯಗಳ ದೃಷ್ಟಿಯಿಂದಲೂ ಉತ್ತಮ ಕಾರು. ಈ ಕಾರಿನಲ್ಲಿ ನೀವು H-ಆಕಾರದ ಹೆಡ್‌ಲ್ಯಾಂಪ್ ಅನ್ನು ಪಡೆಯುತ್ತೀರಿ. ಇದಲ್ಲದೆ, ಈ ಕಾರಿನಲ್ಲಿ 8 ಇಂಚಿನ ಟಚ್ ಸ್ಕ್ರೀನ್ ಮತ್ತು 60 ಕ್ಕೂ ಹೆಚ್ಚು ಸಂಪರ್ಕಿತ ವೈಶಿಷ್ಟ್ಯಗಳು ಲಭ್ಯವಿದೆ. ಈ ಕಾರು 5 ಟ್ರಿಮ್‌ಗಳಲ್ಲಿ ಬರುತ್ತದೆ ಮತ್ತು ಪ್ರಮಾಣಿತವಾಗಿ 6 ಏರ್‌ಬ್ಯಾಗ್‌ಗಳನ್ನು ಹೊಂದಿದೆ.
ಎಕ್ಸೆಟರ್ 1.2 ಲೀಟರ್ ಎಂಜಿನ್‌ನೊಂದಿಗೆ ಬರುತ್ತದೆ. ಇದು 82 HP ಪವರ್ ಉತ್ಪಾದಿಸುತ್ತದೆ. ಇದರ ಆರಂಭಿಕ ಬೆಲೆ 6 ಲಕ್ಷ ರೂ. ಎಕ್ಸ್ಟೆರ್ ಸಿಎನ್‌ಜಿ ಮತ್ತು ಪಂಚ್ ಸಿಎನ್‌ಜಿ 1.2-ಲೀಟರ್ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತಿದ್ದು, ಎಕ್ಸ್‌ಟರ್ ಸಿಎನ್‌ಜಿ 4-ಸಿಲಿಂಡರ್ ಆಗಿದ್ದು, ಪಂಚ್ ಸಿಎನ್‌ಜಿ 3-ಸಿಲಿಂಡರ್ ಆಗಿದೆ. ಎಕ್ಸ್‌ಟರ್ ಸಿಎನ್‌ಜಿ ಎಂಜಿನ್ 68 ಬಿಎಚ್‌ಪಿ ಪವರ್ ಮತ್ತು 95.2 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ. ಮತ್ತೊಂದೆಡೆ, ಪಂಚ್ ಸಿಎನ್‌ಜಿ ಎಂಜಿನ್ 72.4 ಬಿಎಚ್‌ಪಿ ಮತ್ತು 103 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ. ಎರಡೂ 5-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್ ಪಡೆಯುತ್ತವೆ. ಪಂಚ್ ಸಿಎನ್‌ಜಿ ಪ್ರತಿ ಕೆಜಿಗೆ 26.99 ಕಿ.ಮೀ ಮೈಲೇಜ್ ನೀಡಿದರೆ, ಹ್ಯುಂಡೈ ಎಕ್ಸ್‌ಟರ್ ಸಿಎನ್‌ಜಿ ಪ್ರತಿ ಕೆಜಿಗೆ 27.1 ಕಿ.ಮೀ ಮೈಲೇಜ್ ನೀಡುತ್ತದೆ.
ಅಟೋಮೊಬೈಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ