Mercedes Benz: ಮರ್ಸಿಡಿಸ್ ಬೆಂಝ್ ಹೊಸ ಇಕ್ಯೂಬಿ, ಇಕ್ಯೂಎ ಫೇಸ್ ಲಿಫ್ಟ್ ಅನಾವರಣ
ಐಷಾರಾಮಿ ಕಾರು ಉತ್ಪಾದನಾ ಕಂಪನಿ ಮರ್ಸಿಡಿಸ್ ಬೆಂಝ್ ತನ್ನ ಹೊಸ ಇಕ್ಯೂಬಿ, ಇಕ್ಯೂಇ ಎಲೆಕ್ಟ್ರಿಕ್ ಎಸ್ ಯುವಿ ಆವೃತ್ತಿಗಳನ್ನು ಅನಾವರಣಗೊಳಿಸಿದೆ.
ಐಷಾರಾಮಿ ಎಲೆಕ್ಟ್ರಿಕ್ ಕಾರುಗಳ(Electric Cars) ಉತ್ಪಾದನೆಯಲ್ಲಿ ಹೊಸ ಸಂಚಲನ ಮೂಡಿಸಿರುವ ಮರ್ಸಿಡಿಸ್ ಬೆಂಝ್(Mercedes Benz) ಕಂಪನಿಯು ತನ್ನ ನವೀಕೃತ ಇಕ್ಯೂಬಿ(EQB), ಇಕ್ಯೂಎ(EQA) ಎಲೆಕ್ಟ್ರಿಕ್ ಎಸ್ ಯುವಿ ಮಾದರಿಗಳನ್ನು ಅನಾವರಣಗೊಳಿಸಿದ್ದು, ಹೊಸ ಇವಿ ಕಾರುಗಳು ಹೆಚ್ಚಿನ ಮಟ್ಟದ ಬ್ಯಾಟರಿ ಪ್ಯಾಕ್ ಜೊತೆ ಸುಧಾರಿತ ತಂತ್ರಜ್ಞಾನ ಪ್ರೇರಿತ ತಾಂತ್ರಿಕ ಸೌಲಭ್ಯಗಳನ್ನು ಪಡೆದುಕೊಂಡಿವೆ.
ಹೊಸ ಇಕ್ಯೂಬಿ, ಇಕ್ಯೂಎ ಎಲೆಕ್ಟ್ರಿಕ್ ಎಸ್ ಯುವಿ ಆವೃತ್ತಿಗಳೊಂದಿಗೆ ಮರ್ಸಿಡಿಸ್ ಬೆಂಝ್ ಕಂಪನಿಯು ಭಾರೀ ಬದಲಾವಣೆ ಪರಿಚಯಿಸಿದ್ದು, ವಿನ್ಯಾಸದಲ್ಲೂ ಗುರುತರ ಬದಲಾವಣೆಗಳನ್ನು ಪಡೆದುಕೊಂಡಿವೆ. ಹೊಸ ಇವಿ ಕಾರುಗಳಿಗಾಗಿ ಮರ್ಸಿಡಿಸ್ ಕಂಪನಿಯು ಬ್ಲ್ಯಾಕ್ ಫ್ರಂಟ್ ಗ್ರಿಲ್, ಮರುವಿನ್ಯಾಸಗೊಳಿಸಲಾದ ಸಿಗ್ನಿಚರ್ ಸ್ಟಾರ್ ಪ್ಯಾಟರ್ನ್, ಮರುವಿನ್ಯಾಸಗೊಳಿಸಲಾದ ಫ್ರಂಟ್ ಲೈಟ್ ಬಾರ್ ಮತ್ತು ಎಲ್ಇಡಿ ಡೇಟೈಮ್ ರನ್ನಿಂಗ್ ಲೈಟ್ಸ್ ಸೌಲಭ್ಯಗಳನ್ನು ನೀಡಲಾಗಿದೆ.
ಇದನ್ನೂ ಓದಿ: ಗ್ರ್ಯಾಂಡ್ಮಾಸ್ಟರ್ ಪ್ರಗ್ನಾನಂದ ಪೋಷಕರಿಗೆ ಸ್ಪೆಷಲ್ ಗಿಫ್ಟ್ ಕೊಟ್ಟ ಉದ್ಯಮಿ ಆನಂದ್ ಮಹೀಂದ್ರಾ
ಜೊತೆಗೆ ಹೊಸ ಎಲೆಕ್ಟ್ರಿಕ್ ಎಸ್ ಯುವಿ ಕಾರುಗಳಲ್ಲಿ ಎಸ್ ಕ್ಲಾಸ್ ಮಾದರಿಯಲ್ಲಿರುವಂತೆ ಆಕರ್ಷಕ ಸ್ಟಾರ್ ಆಕಾರದ ಡ್ಯಾಶ್ ಬೋರ್ಡ್, ಡೋರ್ ಟ್ರಿಮ್ ಪೀಸ್, ಬ್ಲ್ಯಾಕ್ ಲಿಟ್, ಟಚ್ ಕಾಪ್ಟಿವ್ ತ್ರಿ ಸ್ಪೋಕ್ ಸ್ಪೀರಿಂಗ್ ವ್ಹೀಲ್ ನೊಂದಿಗೆ ವುಡ್ ಟ್ರಿಮ್ ನೀಡಲಾಗಿದೆ. ಹಾಗೆಯೇ ಇಕ್ಯೂಬಿ ಕಾರು ಮಾದರಿಗಾಗಿ ಹೊಸ ತಲೆಮಾರಿನ ಎಂಬಿಯುಎಕ್ಸ್ ಇಂಟರ್ ಫೇಸ್ ಜೊಡಿಸಲಾಗಿದ್ದು, 10.25 ಇಂಚಿನ ಟಚ್ ಸ್ಕ್ರೀನ್ ಇನ್ಪೋಟೈನ್ ಮೆಂಟ್ ಸೌಲಭ್ಯ ನೀಡಲಾಗಿದೆ.
ವೆರಿಯೆಂಟ್ ಗಳು ಮತ್ತು ಬ್ಯಾಟರಿ ಆಯ್ಕೆ
ಹೊಸ ಇಕ್ಯೂಬಿ ಎಸ್ ಯುವಿಯಲ್ಲಿ ಮರ್ಸಿಡಿಸ್ ಬೆಂಝ್ ಕಂಪನಿ 250 ಪ್ಲಸ್, 300 4 ಮ್ಯಾಟಿಕ್ ಮತ್ತು 350 4 ಮ್ಯಾಟಿಕ್ ಎನ್ನುವ ಮೂರು ವೆರಿಯೆಂಟ್ ಗಳಿದ್ದು, ಇದರಲ್ಲಿ ಆರಂಭಿಕ ಮಾದರಿ 190 ಹಾರ್ಸ್ ಪವರ್, 380 ಎನ್ಎಂ ಟಾರ್ಕ್ ಉತ್ಪಾದಿಸದರೆ, ಮಧ್ಯಮ ಕ್ರಮಾಂಕದ ಮಾದರಿ 228 ಹಾರ್ಸ್ ಪವರ್, 390 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಇದರಲ್ಲಿ ಟಾಪ್ ಎಂಡ್ ಮಾದರಿಯು 292 ಹಾರ್ಸ್ ಪವರ್, 520 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.
ಇದನ್ನೂ ಓದಿ: ಭರ್ಜರಿ ಮೈಲೇಜ್ ನೀಡುವ ಟೊಯೊಟಾ ರೂಮಿಯಾನ್ ಬಿಡುಗಡೆ
ಇದರೊಂದಿಗೆ ಹೊಸ ಎಸ್ ಯುವಿಯ ಆರಂಭಿಕ ಮಾದರಿಯಲ್ಲಿ 70.5kWh ಮತ್ತು ಹೈ ಎಂಡ್ ಮಾದರಿಗಳಲ್ಲಿ 66.4kWh ಬ್ಯಾಟರಿ ಪ್ಯಾಕ್ ಜೋಡಿಸಲಾಗಿದ್ದು, ಇದು ಪ್ರತಿ ಚಾರ್ಜ್ ಗೆ 448 ಕಿ.ಮೀ ನಿಂದ 536 ಕಿ.ಮೀ ಮೈಲೇಜ್ ನೀಡಲಿವೆ. ಹಾಗೆಯೇ ಇಕ್ಯೂಎ ಆವೃತ್ತಿಯಲ್ಲಿ 66.5kWh ಮತ್ತು 70.5kWh ಬ್ಯಾಟರಿ ಪ್ಯಾಕ್ ಆಯ್ಕೆ ನೀಡಲಾಗಿದ್ದು, ಇದು ಬ್ಯಾಟರಿ ಪ್ಯಾಕ್ ಗೆ ಅನುಗುಣವಾಗಿ ಪ್ರತಿ ಚಾರ್ಜ್ ಗೆ 411 ಕಿ.ಮೀ ನಿಂದ 560 ಕಿ.ಮೀ ಮೈಲೇಜ್ ನೀಡುತ್ತಿದೆ.
ಭಾರತದಲ್ಲಿ ಸದ್ಯ ಇಕ್ಯೂಬಿ ಎಸ್ ಯುವಿ ಮಾರಾಟ ಮಾಡುತ್ತಿರುವ ಮರ್ಸಿಡಿಸ್ ಬೆಂಝ್ ಕಂಪನಿ ಶೀಘ್ರದಲ್ಲಿ ಇಕ್ಯೂಎ ಎಸ್ ಯುವಿ ಯನ್ನು ಸಹ ಬಿಡುಗಡೆ ಮಾಡಬಹುದಾಗಿದ್ದು, ಇಕ್ಯೂಬಿ ಮಾದರಿಯು ಪ್ರಸ್ತುತ ಆವೃತ್ತಿಗಿಂತಲೂ ರೂ. 5 ಲಕ್ಷದಷ್ಟು ದುಬಾರಿಯಾಗುವ ಸಾಧ್ಯತೆಗಳಿವೆ.