ಪಾರ್ಲೆ ಜಿ ಬದಲಾಯಿತು ಬುನ್ಶಾ ಜಿ… ಹೊಸ ಲುಕ್..! ಸೋಷಿಯಲ್ ಮೀಡಿಯಾದಲ್ಲಿ ಹೀಗೊಂದು ಒಎಂಜಿ
Parle-G New Look: ಪಾರ್ಲೆ ಜಿ ಹೆಸರು ಮತ್ತು ಅದರಲ್ಲಿರುವ ಹುಡುಗಿಯ ಫೋಟೋ ಬದಲಾಯಿಸಿ, ಬುನ್ಶಾ ಜಿ ಎಂದಿರುವ ಪ್ಯಾಕೆಟ್ನ ಪೋಸ್ಟ್ ವೈರಲ್ ಆಗಿದೆ. ಝೆರ್ವಾನ್ ಎನ್ ಬುನ್ಶಾ ಎಂಬ ಕಾಮಿಡಿಯನ್ ಮತ್ತು ಸೋಷಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ ಅವರ ಇತ್ತೀಚಿನ ಒಂದು ವೈರಲ್ ಪೋಸ್ಟ್ ಸೃಷ್ಟಿಸಿದ ಪರಿಣಾಮ ಇದು. ಪಾರ್ಲೆ ಜಿ ಮಾಲೀಕರು ಸಿಕ್ಕರೆ ಅವರನ್ನು ಏನಂದು ಕರೆಯುತ್ತೀರಿ? ಪಾರ್ಲೆ ಸರ್ ಎಂತಲೋ, ಮಿಸ್ಟರ್ ಪಾರ್ಲೆ ಅಂತಲೋ ಅಥವಾ ಪಾರ್ಲೆ ಜಿ ಅಂತಲೋ? ಎಂದು ಪೋಸ್ಟ್ನಲ್ಲಿ ಕೇಳಲಾಗಿತ್ತು.
ವಿಶ್ವದ ನಂಬರ್ ಒನ್ ಬಿಸ್ಕತ್ ಬ್ರ್ಯಾಂಡ್ ಪಾರ್ಲೆ ಜಿ ಹಾಗೂ ಅದರ ಪ್ಯಾಕೆಟ್ ಮೇಲಿರುವ ಬಾಲಕಿ ಯಾರು ತಾನೆ ಮರೆಯಲು ಸಾಧ್ಯ. ಆದರೆ, ಮೊನ್ನೆ ಮೊನ್ನೆ ಪಾರ್ಲೆ ಜಿ ತನ್ನ ಸೋಷಿಯಲ್ ಮೀಡಿಯಾ ಪೋಸ್ಟ್ವೊಂದರಲ್ಲಿ ಬಿಸ್ಕತ್ ಪ್ಯಾಕೆಟ್ನಲ್ಲಿ ಪಾರ್ಲೆ ಜಿ ಹೆಸರು ಮತ್ತು ಹುಡುಗಿಯ ಫೋಟೋ ಬದಲಿಸಿ ಅಚ್ಚರಿ ಮೂಡಿಸಿತ್ತು. ಕಾಮಿಡಿಯನ್ ಝೆರ್ವಾನ್ ಎನ್ ಬುನ್ಶಾ (Zervaan N Bunshah) ಅವರ ಹೆಸರಿರುವ ಬಿಸ್ಕತ್ ಪ್ಯಾಕೆಟ್ನ ಫೋಟೋವನ್ನು ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿತು. ಪಾರ್ಲೆ ಬುನ್ಶಾ ಜಿ (Bunshah- G) ಬಿಸ್ಕತ್ ಪ್ಯಾಕೆಟ್ನ ಫೋಟೋ ಅದಾಗಿತ್ತು.
ಈ ಪೋಸ್ಟ್ ಸಾಕಷ್ಟು ಮೀಮ್ಸ್ಗೆ ಕಾರಣವಾಗಿದೆ. ಆದರೆ, ಇದರ ಹಿಂದೆ ಇನ್ನೊಂದು ಇನ್ಸ್ಟಾಗ್ರಾಂ ವೈರಲ್ ಪೋಸ್ಟ್ ಇದೆ. ಅದು ಸೋಷಿಯಲ್ ಮೀಡಿಯಾ ಇನ್ಫ್ಲುಯನ್ಸ್ ಆಗಿರುವ ಝೆರ್ವಾನ್ ಎನ್ ಬುನ್ಶಾ ಅವರ ಒಂದು ಪೋಸ್ಟ್. ಹಾಸ್ಯ ಚಟಾಕಿ ಮತ್ತು ವಿಡಿಯೋಗಳಿಗೆ ಹೆಸರುವಾಸಿಯಾಗಿರುವ ಬುನ್ಶಾ ನಾಲ್ಕು ದಿನಗಳ ಹಿಂದೆ ಇನ್ಸ್ಟಾಗ್ರಾಮ್ನಲ್ಲಿ ಒಂದು ಕಾಮಿಡಿ ಪೋಸ್ಟ್ ಹಾಕಿದ್ದರು. ಅನಿಲ್ ಕಪೂರ್ ಅವರ ‘ಏ ಜಿ, ಓ ಜೀ..’ ಅನ್ನೂ ಹಾಡಿನ ಹಿನ್ನೆಲೆಯ ಸಂಗೀತದಲ್ಲಿ ಬುನ್ಶಾ ಅವರ ವಿಡಿಯೋ ಅದು. ಅದರಲ್ಲಿ ಬುನ್ಶಾ ಅವರ ಹಾವಭಾವವೆಲ್ಲವೂ ಬಹಳ ಸೂಕ್ಷ್ಮ ಕಣ್ಚಲನೆಯಲ್ಲೇ. ಆದರೆ, ವಿಡಿಯೋದಲ್ಲಿ ಹಾಕಲಾಗಿದ್ದ ಟೆಕ್ಸ್ಟ್ ಹೀಗಿತ್ತು… ‘ನೀವು ಪಾರ್ಲೆ ಮಾಲೀಕರನ್ನು ಭೇಟಿ ಮಾಡಿದಾಗ ಏನಂತ ಕರೆಯುತ್ತೀರಿ? ಪಾರ್ಲೆ ಸರ್ ಎಂತಲೋ, ಮಿಸ್ಟರ್ ಪಾರ್ಲೆ ಅಂತಲೋ ಅಥವಾ ಪಾರ್ಲೆ ಜಿ ಅಂತಲೋ?’ ಎಂದಿತ್ತು.
ಇದು ಸಾಕಷ್ಟು ನೆಟ್ಟಿಗರ ಗಮನ ಸೆಳೆದಿತ್ತು. ಸ್ವತಃ ಪಾರ್ಲೆ ಜಿ ಸಂಸ್ಥೆ ಕೂಡ ಈ ಪೋಸ್ಟ್ಗೆ ಉತ್ತರಿಸಿ, ತಮ್ಮನ್ನು ಒಜಿ ಎಂದು ಕರೆಯಬಹುದು ಎಂದಿತ್ತು. ಒಜಿ ಎಂದರೆ ಒರಿಜಿನೇಟರ್. ಆದರೆ, ಮೂಲ ತಯಾರಕರು.
ಅಷ್ಟಕ್ಕೆ ಸುಮ್ಮನಾಗದ ಪಾರ್ಲೆ, ನಿನ್ನೆ (ಡಿ. 28) ಬುನ್ಶಾ ಜಿ ಎಂದು ಬರೆದಿರುವ ಬಿಸ್ಕತ್ ಪ್ಯಾಕೆಟ್ ಅನ್ನು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿತು. ‘ಪಾರ್ಲೆ ಜಿ ಮಾಲೀಕರನ್ನು ಏನೆಂದು ಕರೆಯಬೇಕೆಂದು ಯೋಚಿಸುತ್ತಿರುವಾಗ, ಒಂದು ಕಪ್ ಚಾಯ್ ಜೊತೆ ಆನಂದಿಸುವ ನೆಚ್ಚಿನ ಬಿಸ್ಕತ್ ಎಂದು ನೀವು ಕರೆಯಬಹುದು,’ ಎಂದು ಡಿಸ್ಕ್ರಿಪ್ಷನ್ನಲ್ಲಿ ಬರೆದಿದೆ.
ಇದನ್ನೂ ಓದಿ: ವಾಹನದ ಹಿಂದೆ ಅಂಟಿಕೊಂಡಿದ್ದ ಧೂಳಿನಲ್ಲಿ ಮೂಡಿದ ಅದ್ಭುತ ಚಿತ್ರಕಲೆ! ಕಲಾವಿದನ ಕೈ ಚಳಕಕ್ಕೆ ತಲೆ ಬಾಗಲೇಬೇಕು
ಈ ಪೋಸ್ಟ್ ಕೂಡ ವೈರಲ್ ಆಗಿದ್ದು ಬುನ್ಶಾ ಕೂಡ ಪ್ರತಿಕ್ರಿಯಿಸಿದ್ದಾರೆ. ಚಿಕ್ಕಂದಿನಲ್ಲಿ ಪಾರ್ಲೆಜಿ ಫೇವರಿಟ್ ಬಿಸ್ಕತ್ ಆಗಿದ್ದನ್ನು ನೆನಪಿಸಿಕೊಂಡಿದ್ದಾರೆ. ಒಬ್ಬ ವ್ಯಕ್ತಿಯಂತೂ ಈ ಪೋಸ್ಟ್ಗೆ ಒಎಂಜಿ (ಓಹ್ ಮೈ ಗಾಡ್) ಎಂದು ಉದ್ಗರಿಸಿ ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 12:03 pm, Fri, 29 December 23