RBI: ಆರ್​ಬಿಐನಿಂದ ಕೇಂದ್ರಕ್ಕೆ 87,416 ಕೋಟಿ ಡಿವಿಡೆಂಡ್; ರಿಸರ್ವ್ ಬ್ಯಾಂಕ್​ಗೆ ಆದಾಯ ಎಲ್ಲಿಂದ? ಇಲ್ಲಿದೆ ಡೀಟೇಲ್ಸ್

ನವದೆಹಲಿ: ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ 2022-23ರ ಹಣಕಾಸು ವರ್ಷದ ಹೆಚ್ಚುವರಿ ಹಣವಾಗಿ ಕೇಂದ್ರ ಸರ್ಕಾರಕ್ಕೆ 87,416 ಕೋಟಿ ರೂ ಹಣ ರವಾನಿಸಲಿದೆ. ಆರ್​ಬಿಐನ ಕೇಂದ್ರೀಯ ನಿರ್ದೇಶಕರ ಮಂಡಳಿ (RBI Central Board of Directors) ಇದಕ್ಕೆ ಅನುಮೋದನೆ ನೀಡಿದೆ. ಈ ಹೆಚ್ಚುವರಿ ಹಣವು ಆರ್​ಬಿಐನ ಲಾಭಾಂಶವಾಗಿದ್ದು ಕೇಂದ್ರ ಸರ್ಕಾರ ನಿರೀಕ್ಷಿಸಿದ್ದಕ್ಕಿಂತ ಬಹಳ ಹೆಚ್ಚಿದೆ. ಇತ್ತೀಚಿನ ಕೆಲ ವರ್ಷಗಳಿಂದ ಆರ್​ಬಿಐನ ಡಿವಿಡೆಂಡ್​ಗಳು ಸರ್ಕಾರಕ್ಕೆ ಒಳ್ಳೆಯ ಅದಾಯ ಮೂಲಗಲಾಗೇ ಪರಿಣಮಿಸಿವೆ.

ಕೇಂದ್ರ ಸರ್ಕಾರ ಕಳೆದ ಬಾರಿಯ ಬಜೆಟ್​ನಲ್ಲಿ ಆರ್​ಬಿಐನಿಂದ 48,000 ಕೋಟಿ ರೂ ಆಸುಪಾಸಿನ ಮೊತ್ತದಷ್ಟು ಲಾಭಾಂಶ ಬರಬಹುದು ಎಂದು ನಿರೀಕ್ಷಿಸಿತ್ತು. ಆದರೆ, ಈ ಎಣಿಕೆಗಿಂತಲೂ ಬಹಳ ಹೆಚ್ಚು, ಅಂದರೆ 87,416 ಕೋಟಿ ರೂ ಮೊತ್ತದಷ್ಟು ಡಿವಿಡೆಂಡ್ ಅನ್ನು ಆರ್​ಬಿಐ ಕೇಂದ್ರಕ್ಕೆ ದಯಪಾಲಿಸುತ್ತಿದೆ. ಈ ವರ್ಷ ನಿರೀಕ್ಷೆಮೀರಿ ಆರ್​ಬಿಐ ಲಾಭ ಗಳಿಸಲು ಸಾಧ್ಯವಾಗಿದ್ದು ವಿದೇಶೀ ಕರೆನ್ಸಿಗಳ ಮಾರಾಟದಿಂದ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: Clean Chit: ಅದಾನಿ ಗ್ರೂಪ್​ಗೆ ಕ್ಲೀನ್ ಚಿಟ್ ಕೊಟ್ಟ ಸುಪ್ರೀಂ ಕೋರ್ಟ್ ಸಮಿತಿ; ಕೃತಕವಾಗಿ ಷೇರು ಬೆಲೆ ಹೆಚ್ಚಿಸಿದ್ದಕ್ಕೆ ಪುರಾವೆ ಇಲ್ಲ ಎಂದ ತಜ್ಞರು

ಹಿಂದಿನ ವರ್ಷಗಳಲ್ಲಿ ಕೇಂದ್ರಕ್ಕೆ ಆರ್​ಬಿಐ ನೀಡಿದ ಡಿವಿಡೆಂಡ್ ಹಣ ಎಷ್ಟು?

• 2022-23: 87,416 ಕೋಟಿ ರೂ (ಈಗ ಘೋಷಣೆ ಆಗಿದ್ದು)
• 2021-22: 30,307 ಕೋಟಿ ರೂ
• 2020-21: 99,122 ಕೋಟಿ ರೂ
• 2019-20: 57,128 ಕೋಟಿ ರೂ
• 2018-19: 1,23,414 ಕೋಟಿ ರೂ
• 2017-18: 50,000 ಕೋಟಿ ರೂ
• 2016-17: 30,569 ಕೋಟಿ ರೂ

ಇದನ್ನೂ ಓದಿ: Shein Comeback: ರಿಲಾಯನ್ಸ್ ಗವಾಕ್ಷಿಲಿ ಶೀನ್; ಬ್ಯಾನ್ ಆಗಿದ್ದ ಚೀನಾದ ಫ್ಯಾಷನ್ ದೈತ್ಯ ಮತ್ತೆ ಅಖಾಡಕ್ಕೆ; ಶೀನ್​ಗೆ ವೇದಿಕೆಯಾಗಲಿದೆ ರಿಲಾಯನ್ಸ್ ರೀಟೇಲ್

ಭಾರತೀಯ ರಿಸರ್ವ್ ಬ್ಯಾಂಕ್​ಗೆ ಎಲ್ಲಿಂದ ಆದಾಯ ಬರುತ್ತದೆ?

• ಕಮರ್ಷಿಯಲ್ ಬ್ಯಾಂಕು, ಹಣಕಾಸು ಸಂಸ್ಥೆಗಳಿಗೆ ಆರ್​ಬಿಐ ರೆಪೋ ದರದಲ್ಲಿ ಸಾಲ ಒದಗಿಸುತ್ತದೆ. ಅದರಿಂದ ಬರುವ ಬಡ್ಡಿ ಒಂದು ಆದಾಯ ಮೂಲ.
• ಫಾರೀನ್ ಕರೆನ್ಸಿ ಅಸೆಟ್ಸ್ ಅಥವಾ ವಿದೇಶೀ ಕರೆನ್ಸಿಗಳಿಂದ ಆರ್​ಬಿಐ ಬಡ್ಡಿ ಗಳಿಸುತ್ತದೆ.
• ಫಾರೀನ್ ಕರೆನ್ಸಿಗಳ ಮಾರಾಟದಿಂದ ಈ ಬಾರಿ 68,000 ಕೋಟಿಗೂ ಹೆಚ್ಚು ಲಾಭ ಮಾಡಿಕೊಂಡಿತು ಆರ್​ಬಿಐ
• ರುಪೀ ಸೆಕ್ಯೂರಿಟೀಸ್​ಗಳ ಮೂಲಕ ಬಡ್ಡಿಯಿಂದ ಆದಾಯ
• ಎಲ್​ಎಎಫ್ ಮತ್ತು ಎಂಎಸ್​ಎಫ್ ಮೂಲಕ ಬಡ್ಡಿ

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ