RD Account: ಎಸ್ಬಿಐ ಆರ್ಡಿ ಅಥವಾ ಅಂಚೆ ಕಚೇರಿ ಆರ್ಡಿ; ಯಾವುದು ಬೆಸ್ಟ್?
ಆರ್ಡಿ ಖಾತೆಯನ್ನು ಬ್ಯಾಂಕಿನಲ್ಲಿ ಮತ್ತು ಅಂಚೆ ಕಛೇರಿಯಲ್ಲೂ ತೆರೆಯಬಹುದಾಗಿದೆ. ಆರ್ಡಿಯು ಎಸ್ಬಿಐ ಮತ್ತು ಅಂಚೆ ಕಚೇರಿಯಲ್ಲಿ ಹೆಚ್ಚು ಜನಪ್ರಿಯವಾಗಿದೆ. ಈ ಎರಡದಲ್ಲಿ ಯಾವುದು ಬೆಸ್ಟ್ ಎಂಬೂದು ಇಲ್ಲಿದೆ ನೋಡಿ.
ಆರ್ಡಿ ಒಂದು ಜನಪ್ರಿಯ ಉಳಿತಾಯ ಯೋಜನೆಯಾಗಿದ್ದು ಅದು ನಿಯಮಿತ ಕಂತುಗಳ ಹೂಡಿಕೆ ಮೊತ್ತದ ಮೇಲೆ ಸ್ಥಿರ ಬಡ್ಡಿದರವನ್ನು ನೀಡುತ್ತದೆ. ಆರ್ಡಿ ಅವಧಿಯು ಮುಗಿದಾಗ ಗ್ರಾಹಕರು ಮೆಚ್ಯೂರಿಟಿ ಮೊತ್ತವನ್ನು ಪಡೆಯುತ್ತಾರೆ. ಮುಕ್ತಾಯದ ಸಮಯದಲ್ಲಿ ಹೂಡಿಕೆ ಮಾಡಿದ ಮೊತ್ತವನ್ನು ಸಂಚಿತ ಬಡ್ಡಿಯೊಂದಿಗೆ ಬಳಕೆದಾರರಿಗೆ ಹಿಂತಿರುಗಿಸಲಾಗುತ್ತದೆ. ಮಾರುಕಟ್ಟೆಯ ಅಪಾಯಕ್ಕೆ ಗುರಿಯಾಗುವ ಮ್ಯೂಚುವಲ್ ಫಂಡ್ಗಳು ಮತ್ತು ಸ್ಟಾಕ್ಗಳಿಗಿಂತ ಭಿನ್ನವಾಗಿ ಆರ್ಡಿ ಹೂಡಿಕೆಯು ಅಸಲು ಮತ್ತು 5 ಲಕ್ಷದವರೆಗಿನ ಬಡ್ಡಿಯನ್ನು ಡಿಐಸಿಜಿಸಿಯಿಂದ ಸುರಕ್ಷಿತವಾಗಿರುತ್ತದೆ. ಠೇವಣಿಯ ಕನಿಷ್ಠ ಅವಧಿಯು 6 ತಿಂಗಳುಗಳಿಂದ ಪ್ರಾರಂಭವಾಗುತ್ತದೆ ಮತ್ತು 10 ವರ್ಷಗಳವರೆಗೆ ಹೋಗಬಹುದು. RD ಮೇಲಿನ ಬಡ್ಡಿ ದರವು ಒಂದೇ ಆಗಿರುತ್ತದೆ. ಒಮ್ಮೆ ನಿಗದಿ ಮಾಡಿದ ಕಂತು ಮೊತ್ತವನ್ನು ಬದಲಾಯಿಸಲಾಗುವುದಿಲ್ಲ.
RD ಖಾತೆಯನ್ನು ಬ್ಯಾಂಕಿನಲ್ಲಿ ಮತ್ತು ಅಂಚೆ ಕಛೇರಿಯಲ್ಲೂ ತೆರೆಯಬಹುದಾಗಿದೆ. ಆರ್ಡಿಯು ಎಸ್ಬಿಐ ಮತ್ತು ಅಂಚೆ ಕಚೇರಿಯಲ್ಲಿ ಹೆಚ್ಚು ಜನಪ್ರಿಯವಾಗಿದೆ. ಹಾಗಿದ್ದರೆ ಈ ಎರಡದಲ್ಲಿ ಯಾವುದು ಬೆಸ್ಟ್? ಇಲ್ಲಿದೆ ನೋಡಿ.
ಎಸ್ಬಿಐ ಆರ್ಡಿ
ಹೂಡಿಕೆದಾರರು 12 ತಿಂಗಳಿಂದ 120 ತಿಂಗಳವರೆಗಿನ ಅವಧಿಗೆ ಆರ್ಡಿ ಮೂಲಕ ತಿಂಗಳಿಗೆ ಕನಿಷ್ಠ 100 ರೂ. ಹೂಡಿಕೆಯೊಂದಿಗೆ ಪ್ರಾರಂಭಿಸಬಹುದು. ಬ್ಯಾಂಕ್ ಸಾಮಾನ್ಯ ಜನರಿಗೆ ಶೇ.5.45 ರಿಂದ ಶೇ.5.65 ಮತ್ತು ಹಿರಿಯ ನಾಗರಿಕರಿಗೆ ಶೇ.5.95 ರಿಂದ ಶೇ.6.45ರ ವರೆಗೆ ಬಡ್ಡಿದರಗಳನ್ನು ಒದಗಿಸುತ್ತದೆ. ಶೇ.5.60 ದರದಲ್ಲಿ 10,000ರೂ. ಮಾಸಿಕ ಠೇವಣಿಯೊಂದಿಗೆ 5 ವರ್ಷಗಳಲ್ಲಿ 6.93 ಲಕ್ಷ ಸಂಗ್ರಹವಾಗುತ್ತದೆ. ಹೆಚ್ಚುವರಿ ಶೇ.0.50 ಅಥವಾ 50 ಬೇಸಿಸ್ ಪಾಯಿಂಟ್ಗಳೊಂದಿಗೆ ಹಿರಿಯ ನಾಗರಿಕರು ಅದೇ ಖಾತೆ ಮತ್ತು ಮುಕ್ತಾಯದ ಮೇಲೆ 7.02 ಲಕ್ಷ ರೂ. ಪಡೆಯಲಿದ್ದಾರೆ.
ಅಂಚೆ ಕಛೇರಿ ಆರ್ಡಿ
ಪೋಸ್ಟ್ ಆಫೀಸ್ ಆರ್ಡಿ ವಾರ್ಷಿಕವಾಗಿ ಶೇ.5.8 ಬಡ್ಡಿಯನ್ನು ನೀಡುತ್ತವೆ. ಇದು 5 ವರ್ಷಗಳ ಮೆಚುರಿಟಿ ಅವಧಿಯನ್ನು ಹೊಂದಿದೆ. ಪೋಸ್ಟ್ ಆಫೀಸ್ ಆರ್ಡಿ ತೆರೆಯಲು ಕನಿಷ್ಠ ಮಾಸಿಕ ಮೊತ್ತವು 10 ರೂ. ಆಗಿದ್ದು, ಇದನ್ನು 5 ರ ಗುಣಕಗಳಲ್ಲಿ ಹೆಚ್ಚಿಸಬಹುದು. 5 ವರ್ಷಗಳ ಪೋಸ್ಟ್ ಆಫೀಸ್ ಆರ್ಡಿ ಖಾತೆಗೆ ಬಡ್ಡಿ ದರವು ವಾರ್ಷಿಕ ಶೇ.5.8 ಆಗಿದ್ದು, ಇದನ್ನು ತ್ರೈಮಾಸಿಕವಾಗಿ ಸಂಯೋಜಿಸಲಾಗುತ್ತದೆ. ಆರ್ಡಿಯಲ್ಲಿ 5 ವರ್ಷಗಳವರೆಗೆ ಪ್ರತಿ ತಿಂಗಳು 10,000 ರೂ.ಗಳನ್ನು ಠೇವಣಿ ಮಾಡಿದರೆ 6.96 ಲಕ್ಷ ರೂ. ಸಂಗ್ರಹವಾಗಲಿದೆ.
ಮತ್ತಷ್ಟು ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ