ಜಿಎಸ್​ಟಿ ಸಂಗ್ರಹದಲ್ಲಿ ಶೇ. 10ರಷ್ಟು ಹೆಚ್ಚಳ; ಸೆಪ್ಟೆಂಬರ್​ನಲ್ಲಿ ಸರ್ಕಾರಕ್ಕೆ ಸಿಕ್ಕ ತೆರಿಗೆ 1,62,712 ಕೋಟಿ ರೂ; ಕರ್ನಾಟಕದ ಪಾಲೆಷ್ಟು?

ನವದೆಹಲಿ, ಅಕ್ಟೋಬರ್ 1: ಸೆಪ್ಟೆಂಬರ್ ತಿಂಗಳ ಜಿಎಸ್​ಟಿ ಸಂಗ್ರಹದ ಮಾಹಿತಿ ಹೊರಬಂದಿದೆ. ಒಟ್ಟು ಜಿಎಸ್​ಟಿ ಸಂಗ್ರಹ (gross GST collection) 1,62,712 ಕೋಟಿ ರೂ ಇರುವುದು ಹಣಕಾಸು ಸಚಿವಾಲಯ ಬಿಡುಗಡೆ ಮಾಡಿದ ದತ್ತಾಂಶದಿಂದ ತಿಳಿದುಬಂದಿದೆ. ಈ ಹಣಕಾಸು ವರ್ಷದಲ್ಲಿ (2023-24ರಲ್ಲಿ), ಏಪ್ರಿಲ್​ನಿಂದ ಈಚೆ ಮಾಸಿಕ ಜಿಎಸ್​ಟಿ ಸಂಗ್ರಹ 1.60 ಲಕ್ಷ ಕೋಟಿ ರೂ ದಾಟಿದ್ದು ಇದು ನಾಲ್ಕನೇ ಬಾರಿ. ಕಳೆದ ಆರು ತಿಂಗಳಲ್ಲಿ ನಾಲ್ಕು ಬಾರಿ ಜಿಎಸ್​ಟಿ ಸಂಗ್ರಹ 1.6 ಲಕ್ಷ ಕೋಟಿ ರೂ ಗಡಿ ಮುಟ್ಟಿದೆ. ಈ ಆರು ತಿಂಗಳಲ್ಲಿ ಒಟ್ಟು ತೆರಿಗೆ ಸಂಗ್ರಹ 9,92,508 ಕೋಟಿ ರೂ ಇದೆ. ಹೆಚ್ಚೂಕಡಿಮೆ 10 ಲಕ್ಷ ಕೋಟಿ ರೂನಷ್ಟು ಜಿಎಸ್​ಟಿ ಸಂಗ್ರಹ ಸರ್ಕಾರಕ್ಕೆ ಸಿಕ್ಕಿದೆ.

ಸೆಪ್ಟೆಂಬರ್ ಜಿಎಸ್​ಟಿ ಸಂಗ್ರಹದ ವಿವರ

• ಒಟ್ಟು ಜಿಎಸ್​ಟಿ ಸಂಗ್ರಹ: 1,62,712 ಕೋಟಿ ರೂ
• ಸಿಜಿಎಸ್​ಟಿ: 29,818 ಕೋಟಿ ರೂ
• ಎಸ್​ಜಿಎಸ್​ಟಿ: 37,657 ಕೋಟಿ ರೂ
• ಐಜಿಎಸ್​ಟಿ: 83,623 ಕೋಟಿ ರೂ
• ಸೆಸ್: 11,613 ಕೋಟಿ ರೂ

ಇದನ್ನೂ ಓದಿ: ಬೆಂಗಳೂರು ಗುಲಾಬಿ ಈರುಳ್ಳಿ ರಫ್ತಿಗೆ ನಿರ್ಬಂಧ ರದ್ದು; ಸೆ. 29ರಿಂದಲೇ ಅನುಮತಿ; ಆದರೆ ಷರತ್ತುಗಳಿವೆ

ಈ ಪೈಕಿ ಐಜಿಎಸ್​ಟಿಯ ಮೊತ್ತದಲ್ಲಿ ಕೇಂದ್ರಕ್ಕೆ 33,736 ಕೋಟಿ ರೂ ಸಿಕ್ಕರೆ, ರಾಜ್ಯ ಸರ್ಕಾರಗಳಿಗೆ 27,578 ಕೋಟಿ ರೂ ಸಿಕ್ಕಿದೆ. ಇದರೊಂದಿಗೆ ಒಟ್ಟಾರೆ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳಿಗೆ ಜಿಎಸ್​ಟಿ ಪಾಲು ಸಿಕ್ಕಿರುವುದು ಹೀಗಿದೆ:

ಕೇಂದ್ರಕ್ಕೆ ಸಿಕ್ಕ ಜಿಎಸ್​ಟಿ ಪಾಲು: 63,555 ಕೋಟಿ ರೂ

ರಾಜ್ಯಗಳಿಗೆ ಸಿಕ್ಕ ಜಿಎಸ್​ಟಿ ಪಾಲು: 65,235 ಕೋಟಿ ರೂ

ರಾಜ್ಯವಾರು ಜಿಎಸ್​ಟಿ ಆದಾಯ ಹೇಗೆ?

ಅತಿ ಹೆಚ್ಚು ಜಿಎಸ್​ಟಿ ಸಂಗ್ರಹ ಕಂಡ ರಾಜ್ಯಗಳಲ್ಲಿ ಈ ಬಾರಿಯೂ ಮಹಾರಾಷ್ಟ್ರ ಮತ್ತು ಕರ್ನಾಟಕ ರಾಜ್ಯಗಳೇ ಮುಂದಿವೆ. ತಮಿಳುನಾಡು, ಗುಜರಾತ್ ರಾಜ್ಯಗಳೂ ಕೂಡ ಸಮೀಪದಲ್ಲಿವೆ. ಅತಿ ಹೆಚ್ಚು ಜಿಎಸ್​ಟಿ ಸಂಗ್ರಹ ಕಂಡ 10 ರಾಜ್ಯಗಳ ಪಟ್ಟಿ:

ಇದನ್ನೂ ಓದಿ: ಸರ್ಕಾರಿ ನೌಕರರಿಗೆ ಈ ಬಾರಿಯ ಡಿಎ ಹೆಚ್ಚಳ ಶೇ. 3 ಅಲ್ಲ, ಇನ್ನೂ ಹೆಚ್ಚು? ಯಾವ ದಿನ ಪ್ರಕಟವಾಗುತ್ತೆ ತುಟ್ಟಿಭತ್ಯೆ ಏರಿಕೆ ನಿರ್ಧಾರ?

1. ಮಹಾರಾಷ್ಟ್ರ: 25,137 ಕೋಟಿ ರೂ
2. ಕರ್ನಾಟಕ: 11,693 ಕೋಟಿ ರೂ
3. ತಮಿಳುನಾಡು: 10,481 ಕೋಟಿ ರೂ
4. ಗುಜರಾತ್: 10,129 ಕೋಟಿ ರೂ
5. ಹರ್ಯಾಣ: 8,009 ಕೋಟಿ ರೂ
6. ಉತ್ತರಪ್ರದೇಶ: 7,844 ಕೋಟಿ ರೂ
7. ತೆಲಂಗಾಣ: 5,226 ಕೋಟಿ ರೂ
8. ಪಶ್ಚಿಮ ಬಂಗಾಳ: 4,940 ಕೋಟಿ ರೂ
9. ದೆಹಲಿ: 4,849 ಕೋಟಿ ರೂ
10. ಒಡಿಶಾ: 4,249 ಕೋಟಿ ರೂ
11. ಆಂಧ್ರಪ್ರದೇಶ: 3,658 ಕೋಟಿ ರೂ

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ