ಸೋಲಾರ್ ಶಕ್ತಿ: ಐತಿಹಾಸಿಕ ಸೆಂಚುರಿ ಭಾರಿಸಿದ ಭಾರತ; 100 ಗಿ.ವ್ಯಾ. ಸೋಲಾರ್ ಪಿವಿ ಮಾಡ್ಯೂಲ್ ತಯಾರಿಕಾ ಸಾಮರ್ಥ್ಯ

ನವದೆಹಲಿ, ಆಗಸ್ಟ್ 17: ಭಾರತದ ಸೋಲಾರ್ ಪಿವಿ ಮಾಡ್ಯೂಲ್ ತಯಾರಿಕಾ ಸಾಮರ್ಥ್ಯವು (Solar PV Module Manufacturing capacity) 100 ಗಿಗಾ ವ್ಯಾಟ್ ಮೈಲಿಗಲ್ಲು ಮುಟ್ಟಿದೆ. ಇದು ಎಎಲ್​ಎಂಎಂ ಅಥವಾ ಅನುಮೋದಿತ ಮಾಡಲ್ ಮತ್ತು ತಯಾರಕರ ಪಟ್ಟಿಯಲ್ಲಿ (ALMM- Approved List of Module Manufacturers) ನೊಂದಾಯಿತವಾಗಿರುವ ಮಾಡ್ಯೂಲ್​ಗಳಾಗಿವೆ. ಭಾರತದ ನವೀಕರಣ ಇಂಧನ ಪ್ರಯತ್ನದಲ್ಲಿ ಇದೊಂದು ಐತಿಹಾಸಿಕ ಮೈಲಿಗಲ್ಲು ಎನಿಸಿದೆ.

ಹತ್ತು ವರ್ಷದ ಹಿಂದೆ ಭಾರತದಲ್ಲಿ 2.3 ಗಿಗಾ ವ್ಯಾಟ್ ವಿದ್ಯುತ್ ತಯಾರಿಕಾ ಸಾಮರ್ಥ್ಯದ ಸೋಲಾರ್ ಪಿವಿ ಮಾಡ್ಯೂಲ್​ಗಳಿದ್ದುವು. ಈಗ ಅದು 100 ಗಿ.ವ್ಯಾ.ಗೆ ಏರಿರುವುದು ಗಮನಾರ್ಹ. ಕೇಂದ್ರ ನವೀಕರಣ ಇಂಧನ ಸಚಿವ ಪ್ರಹ್ಲಾದ್ ಜೋಷಿ, ಇದೊಂದು ಐತಿಹಾಸಿಕ ಸಾಧನೆ ಎಂದು ಬಣ್ಣಿಸಿದ್ದಾರೆ. ಕೇಂದ್ರ ಸರ್ಕಾರ ಉನ್ನತ ಕ್ಷಮತೆಯ ಸೋಲಾರ್ ಮಾಡ್ಯೂಲ್​ಗಳಿಗೆ ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಪಿಎಲ್​ಐ ಸ್ಕೀಮ್​ನಿಂದ ಈ ಕಾರ್ಯ ಸಾಧ್ಯವಾಗಿದೆ ಎಂದಿದ್ದಾರೆ.

ಇದನ್ನೂ ಓದಿ: ಡಿಜಿಟಲ್ ಕ್ಷೇತ್ರದಲ್ಲಿ ಭಾರತ ಎಷ್ಟು ಬೆಳವಣಿಗೆ ಸಾಧಿಸಿದೆ? ಇಲ್ಲಿದೆ ಕೆಲ ಹೈಲೈಟ್ಸ್

ಕಳೆದ ಹತ್ತು ವರ್ಷದಲ್ಲಿ ಸೋಲಾರ್ ಪಿವಿ ಮಾಡ್ಯೂಲ್​ಗಳ ಸಾಮರ್ಥ್ಯ 40 ಪಟ್ಟು ಹೆಚ್ಚಾಗಿದೆ. ಮುಂದಿನ ಐದು ವರ್ಷದಲ್ಲಿ ಈಗಿರುವುದಕ್ಕಿಂತ ಕೆಲವು ಪಟ್ಟು ಹೆಚ್ಚಿಸುವ ಗುರಿ ಇದೆ. 2030ರೊಳಗೆ ಪಳೆಯುಳಿಕೆಯಲ್ಲದ ಇಂಧನ ತಯಾರಿಕಾ ಸಾಮರ್ಥ್ಯವನ್ನು 500 ಗಿಗಾ ವ್ಯಾಟ್​ಗೆ ಹೆಚ್ಚಿಸುವುದು ಸರ್ಕಾರದ ಗುರಿ. ಈ ನಿಟ್ಟಿನಲ್ಲಿ ಸೌರಶಕ್ತಿ ಪ್ರಧಾನ ಪಾತ್ರ ವಹಿಸುತ್ತಿದೆ.

ಸರ್ಕಾರ ಅನುಮೋದಿತ ಮಾಡ್ಯೂಲ್ ತಯಾರಕ ಪಟ್ಟಿ ಸ್ಥಾಪಿಸಲು 2019ರ ಜನವರಿ 2ರಂದು ನಿರ್ದೇಶಿಸಿತ್ತು. 2021ರ ಮಾರ್ಚ್ 10ರಂದು ಮೊದಲ ಎಎಲ್​ಎಂಎಂ ಪಟ್ಟಿ ಮಾಡಲಾಯಿತು. ಆಗ ಸ್ಥಾಪಿತ ಪಿವಿ ಮಾಡ್ಯೂಲ್​ಗಳ ಸಾಮರ್ಥ್ಯ 8.2 ಗಿಗಾ ವ್ಯಾಟ್ ಇತ್ತು. ನಾಲ್ಕು ವರ್ಷದ ಬಳಿಕ ಅದು 100 ಗಿಗಾ ವ್ಯಾಟ್​ಗೆ ಏರಿದೆ.

ಇದನ್ನೂ ಓದಿ: ಕೇವಲ 45 ಪೈಸೆಗೆ 10 ಲಕ್ಷ ರೂ ಇನ್ಷೂರೆನ್ಸ್; ಇದು ರೈಲು ಪ್ರಯಾಣಿಕರಿಗೆ ಸಿಗೋ ಅವಕಾಶ

ಇನ್ನು ಮಾಡ್ಯೂಲ್ ತಯಾರಕರ ಸಂಖ್ಯೆ 2021ರಲ್ಲಿ 21 ಇದ್ದದ್ದು ಈಗ 100ಕ್ಕೆ ಏರಿದೆ. ಈ ನೂರು ತಯಾರಕರು 123 ಮ್ಯಾನುಫ್ಯಾಕ್ಚರಿಂಗ್ ಘಕಟಗಳನ್ನು ಆಪರೇಟ್ ಮಾಡುತ್ತಿದ್ದಾರೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ