ಷೇರು ಮಾರುಕಟ್ಟೆಯ ಟ್ರೇಡಿಂಗ್ ಸಮಯದಲ್ಲಿ ಸಣ್ಣ ಪುಟ್ಟ ಬದಲಾವಣೆ; ಇಲ್ಲಿದೆ ಹೊಸ ವೇಳಾಪಟ್ಟಿ

ನವದೆಹಲಿ, ಆಗಸ್ಟ್ 1: ಷೇರು ಮಾರುಕಟ್ಟೆ ನಿಯಂತ್ರಣ ಸಂಸ್ಥೆ SEBI ಮತ್ತು NSE ಆಗಸ್ಟ್ 3, ಸೋಮವಾರದಿಂದ ಫ್ಯೂಚರ್ಸ್ ಮತ್ತು ಆಪ್ಷನ್ಸ್ (F&O) ವಿಭಾಗದ ಷೇರುಗಳಿಗೆ ಹೊಸ ವಹಿವಾಟು ಸಮಯ ಹಾಗೂ ಕ್ಲೋಸಿಂಗ್ ಆಕ್ಷನ್ ಸೆಷನ್ (CAS) ಸಿಸ್ಟಂ ಅನ್ನು ಜಾರಿಗೆ ತರುತ್ತಿವೆ. ಈ ಹೊಸ ನಿಯಮದ ಪ್ರಕಾರ, ಮಾರುಕಟ್ಟೆಗೆ (Stock Market) ಒಂದೇ ಮುಕ್ತಾಯ ಸಮಯ ಇರುವುದಿಲ್ಲ. ರೆಗ್ಯುಲರ್ ಟ್ರೇಡಿಂಗ್ ಸಮಯದಲ್ಲಿ ಬದಲಾವಣೆ ಇಲ್ಲ. ಡಿರೈವೇಟಿವ್ಸ್, ಫ್ಯೂಚರ್ಸ್, ಆಪ್ಷನ್ಸ್ ಟ್ರೇಡಿಂಗ್ ಮತ್ತಿತರ ವಿವಿಧ ವಿಭಾಗಗಳಿಗೆ ಬೇರೆ ಬೇರೆ ಸಮಯ ನಿಗದಿಯಾಗಿದೆ:

ಷೇರುಮಾರುಕಟ್ಟೆಯ ಹೊಸ ಟ್ರೇಡಿಂಗ್ ಸಮಯ (ಆಗಸ್ಟ್ 3 ರಿಂದ)

• F&O ಹೊರತಾದ ಸಾಮಾನ್ಯ ಷೇರುಗಳು (Non-F&O): ಎಂದಿನಂತೆ ಮಧ್ಯಾಹ್ನ 3:30 ರವರೆಗೆ ಟ್ರೇಡಿಂಗ್
• F&O ಷೇರುಗಳು (ಕ್ಯಾಶ್ ಮಾರ್ಕೆಟ್): ಸತತ ಟ್ರೇಡಿಂಗ್ 3:15 ಕ್ಕೆ ಅಂತ್ಯ
• CAS (ಆಕ್ಷನ್) ಸೆಷನ್: 3:15 ರಿಂದ 3:35 ರವರೆಗೆ
• F&O (ಡೆರಿವೇಟಿವ್ಸ್) ಟ್ರೇಡಿಂಗ್: ಮಧ್ಯಾಹ್ನ 3:40 ರವರೆಗೆ (10 ನಿಮಿಷ ಹೆಚ್ಚಳ)
• ಪೋಸ್ಟ್-ಕ್ಲೋಸ್ ಸೆಷನ್: ಸಂಜೆ 3:50 ರಿಂದ 4:00 ರವರೆಗೆ
• ಡೆರಿವೇಟಿವ್ಸ್ ಟ್ರೇಡಿಂಗ್: ಸಂಜೆ 3:40ರವರೆಗೆ (ಹೆಚ್ಚುವರಿ 10 ನಿಮಿಷ)

ಷೇರು ಮತ್ತು ಇಂಡೆಕ್ಸ್ F&O ವಹಿವಾಟಿನ ಸಮಯವನ್ನು ಮಧ್ಯಾಹ್ನ 3:30 ರ ಬದಲಿಗೆ 3:40 ರವರೆಗೆ ವಿಸ್ತರಿಸಲಾಗಿದೆ. ಕ್ಯಾಶ್ ಮಾರ್ಕೆಟ್‌ನ ಆಕ್ಷನ್ ಸೆಷನ್ (Auction Session) ಮುಗಿದ ನಂತರ ಟ್ರೇಡರ್‌ಗಳಿಗೆ ತಮ್ಮ ಕ್ರಮಾಂಕಗಳನ್ನು ಸರಿದೂಗಿಸಲು ಈ ಹೆಚ್ಚುವರಿ 10 ನಿಮಿಷ ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ಭಾರತದ ಕೈಗಾರಿಕಾ ಉತ್ಪಾದನೆಗೆ ಭರ್ಜರಿ ಬೂಸ್ಟ್: ಜೂನ್‌ನಲ್ಲಿ ಶೇ 7.3ಕ್ಕೆ ಏರಿಕೆ

ಮೇಲಿನ ಪಟ್ಟಿಯಲ್ಲಿ ಕಾಣುವ ಪೋಸ್ಟ್ ಕ್ಲೋಸ್ ಸೆಷನ್ ಎಂದರೆ, ರೆಗ್ಯುಲರ್ ಟ್ರೇಡಿಂಗ್ ಸಮಯ ಮುಗಿದ ನಂತರದ ಅವಧಿ. ಸಂಜೆ 3:50ರಿಂದ 4ರವರೆಗೆ 10 ನಿಮಿಷ ಇರುತ್ತದೆ. ಮಾರುಕಟ್ಟೆ ಕೊನೆಯಲ್ಲಿ ಬಂದ ಬೆಲೆಗೆ ಎಲ್ಲಾ ಬಯ್ ಮತ್ತು ಸೆಲ್ ಆರ್ಡರ್​ಗಳನ್ನು ಈ ಅವಧಿಯಲ್ಲಿ ಎಕ್ಸಿಕ್ಯೂಟ್ ಮಾಡಲಾಗುತ್ತದೆ. ಹೀಗಾಗಿ, ಷೇರು ಬೆಲೆಯಲ್ಲಿ ಯಾವುದೇ ವ್ಯತ್ಯಯ ಆಗುವುದಿಲ್ಲ.

ಕ್ಲೋಸಿಂಗ್ ಆಕ್ಷನ್ ಸೆಷನ್ (CAS) ಹೇಗೆ ಕೆಲಸ ಮಾಡುತ್ತದೆ?

F&O ಷೇರುಗಳಲ್ಲಿ ಸತತ ಟ್ರೇಡಿಂಗ್ ಮಧ್ಯಾಹ್ನ 3:15 ಕ್ಕೆ ಮುಗಿದ ನಂತರ ಹರಾಜು ಪ್ರಕ್ರಿಯೆ ಪ್ರಾರಂಭವಾಗುತ್ತದೆ:

• 3:15 – 3:20 PM: CAS ಗೆ ಬದಲಾವಣೆ ಮತ್ತು ಉಲ್ಲೇಖಿತ ಬೆಲೆ (Reference price) ಲೆಕ್ಕಾಚಾರ.
• 3:20 – 3:25 PM: ಮಾರ್ಕೆಟ್ ಮತ್ತು ಲಿಮಿಟ್ ಆರ್ಡರ್‌ಗಳನ್ನು ಸಲ್ಲಿಸಬಹುದು.
• 3:25 – 3:30 PM: ಕೇವಲ ಲಿಮಿಟ್ ಆರ್ಡರ್‌ಗಳಿಗೆ ಮಾತ್ರ ಅವಕಾಶ. (ಆರ್ಡರ್ ಬದಲಾವಣೆ ಅಥವಾ ರದ್ದುಗೊಳಿಸಲು ಅವಕಾಶವಿರುವುದಿಲ್ಲ).
• 3:30 – 3:35 PM: ಕೊನೆಯ ಬೆಲೆ ನಿಗದಿ (Closing price discovery) ಮತ್ತು ಆರ್ಡರ್ ಮ್ಯಾಚಿಂಗ್.

ಕ್ಲೋಸಿಂಗ್ ಪ್ರೈಸ್ ಲೆಕ್ಕಾಚಾರದಲ್ಲಿ ಬದಲಾವಣೆ

• ಹಳೆಯ ಪದ್ಧತಿ: ಕೊನೆಯ 30 ನಿಮಿಷಗಳ ವಾಲ್ಯೂಮ್ ವೈಟೆಡ್ ಆವರೇಜ್ ಪ್ರೈಸ್ (VWAP- Volume Weighted Average Price) ಆಧಾರದ ಮೇಲೆ ಮುಕ್ತಾಯದ ಬೆಲೆ ನಿಗದಿಯಾಗುತ್ತಿತ್ತು.
• ಹೊಸ ಪದ್ಧತಿ: CAS ಮೂಲಕ ಎಲ್ಲಾ ಖರೀದಿ ಮತ್ತು ಮಾರಾಟದ ಆರ್ಡರ್‌ಗಳನ್ನು ಒಂದೇ ಹರಾಜು ಪ್ರಕ್ರಿಯೆಯಲ್ಲಿ (Equilibrium Price) ಮ್ಯಾಚ್ ಮಾಡಿ ಕೊನೆಯ ಬೆಲೆಯನ್ನು ನಿಗದಿಪಡಿಸಲಾಗುತ್ತದೆ.
• VWAP ಸಮಯ: F&O ವಹಿವಾಟಿನ VWAP ಲೆಕ್ಕಾಚಾರದ ಸಮಯವನ್ನು ಮಧ್ಯಾಹ್ನ 3:10 ರಿಂದ 3:40 ಕ್ಕೆ ಬದಲಾಯಿಸಲಾಗಿದೆ.

ಇದನ್ನೂ ಓದಿ: LPG Cylinder price: ಕಮರ್ಷಿಯಲ್ ಎಲ್​ಪಿಜಿ ಸಿಲಿಂಡರ್ ದರ ₹200ಕ್ಕೂ ಹೆಚ್ಚು ಇಳಿಕೆ

ಹೂಡಿಕೆದಾರರು ಮತ್ತು ಟ್ರೇಡರ್‌ಗಳ ಮೇಲಾಗುವ ಪರಿಣಾಮ

• ದೀರ್ಘಾವಧಿ ಹೂಡಿಕೆದಾರರು: ಸಾಮಾನ್ಯ ಹೂಡಿಕೆದಾರರ ದೈನಂದಿನ ವಹಿವಾಟಿನ ಮೇಲೆ ಹೆಚ್ಚಿನ ಪರಿಣಾಮವಿರುವುದಿಲ್ಲ.
• F&O ಟ್ರೇಡರ್‌ಗಳು: ಇಂಟ್ರಾಡೇ ಕ್ರಮಾಂಕಗಳನ್ನು ಕ್ಲೋಸ್ ಮಾಡಲು, ಹೆಡ್ಜಿಂಗ್ (Hedge) ಮಾಡಲು ಹಾಗೂ ಎಕ್ಸ್‌ಪೈರಿ ದಿನದ ಏರಿಳಿತಗಳನ್ನು ನಿರ್ವಹಿಸಲು ಹೆಚ್ಚುವರಿ ಸಮಯ ಸಿಗಲಿದೆ.
• ದೊಡ್ಡ ಹೂಡಿಕೆಗಳು (Passive Funds): ಮಾರ್ಕೆಟ್ ಮುಕ್ತಾಯದ ಸಮಯದಲ್ಲಿ ದೊಡ್ಡ ಪ್ರಮಾಣದ ವಹಿವಾಟುಗಳಿಂದ ಷೇರು ಬೆಲೆಯಲ್ಲಿ ತೀವ್ರ ವ್ಯತ್ಯಾಸ ಉಂಟಾಗುವುದನ್ನು ತಪ್ಪಿಸಲು ಹಾಗೂ ಮಾರುಕಟ್ಟೆ ದುರ್ಬಳಕೆಯನ್ನು ತಡೆಯಲು ಇದು ನೆರವಾಗಲಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ