FD Interest: ಸೂರ್ಯೋದಯ ಸ್ಮಾಲ್ ಫೈನಾನ್ಸ್ ಬ್ಯಾಂಕ್​ನಿಂದ ಮೂರು ವರ್ಷದ ಅವಧಿಯ ಎಫ್​ಡಿಗೆ ಶೇ 7ರ ಬಡ್ಡಿ

ಈಕ್ವಿಟಿ ಮಾರುಕಟ್ಟೆಗಳು ಹೆಚ್ಚಿನ ಏರಿಳಿತದಿಂದ ಕೂಡಿರುವುದರಿಂದ ಯೋಗ್ಯವಾದ ರಿಟರ್ನ್ಸ್ ಗಳಿಸಲು ಸುರಕ್ಷಿತ ಹೂಡಿಕೆ ಆಯ್ಕೆಗಳು ಭಾರತೀಯ ಹೂಡಿಕೆದಾರರ ಪ್ರಮುಖ ಆದ್ಯತೆ ಆಗಿದೆ. ಅಂತಹ ಹೂಡಿಕೆದಾರರ ಅಗತ್ಯಗಳನ್ನು ಪೂರೈಸಲು, ಹಲವಾರು ಬ್ಯಾಂಕ್​ಗಳು ನಿಶ್ಚಿತ ಠೇವಣಿಗಳ  (Fixed Deposits) ಆಫರ್​ಗಳನ್ನು ನೀಡುತ್ತವೆ. ಠೇವಣಿಗಳ ಮೇಲೆ ಉದಾರವಾದ ಲಾಭವನ್ನು ನೀಡುತ್ತವೆ. ಎಫ್‌ಡಿ ಹೂಡಿಕೆದಾರರಿಗೆ ಉತ್ತೇಜನ ನೀಡುವಂತೆ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಸೇರಿದಂತೆ ಕೆಲವು ಬ್ಯಾಂಕ್‌ಗಳು ಬಡ್ಡಿ ದರಗಳನ್ನು ಹೆಚ್ಚಿಸಿವೆ. ಎಫ್​ಡಿ ಬಡ್ಡಿದರಗಳನ್ನು ಹೆಚ್ಚಿಸಿದ ಮತ್ತೊಂದು ಬ್ಯಾಂಕ್ ಅಂದರೆ, ಅದು ಸೂರ್ಯೋದಯ ಸ್ಮಾಲ್ ಫೈನಾನ್ಸ್ ಬ್ಯಾಂಕ್. ಈಗ ಬ್ಯಾಂಕ್ ಮಾರ್ಚ್ 10, 2022ರಿಂದ ಜಾರಿಗೆ ಬರುವಂತೆ 3 ವರ್ಷಗಳ ಅವಧಿಗೆ ಠೇವಣಿಗಳ ಮೇಲೆ ಎಫ್​ಡಿ ಖಾತೆಗೆ ಶೇ 7ರ ರಿಟರ್ನ್ ನೀಡುತ್ತಿದೆ.

ಅಲ್ಲದೆ, ಹಿರಿಯ ನಾಗರಿಕರು ಸೂರ್ಯೋದಯ ಸ್ಮಾಲ್ ಫೈನಾನ್ಸ್ ಬ್ಯಾಂಕ್‌ನಲ್ಲಿ ತಮ್ಮ ನಿಶ್ಚಿತ ಠೇವಣಿಗಳ ಮೇಲೆ ಹೆಚ್ಚುವರಿ ಶೇ 0.50ರಷ್ಟು ಲಾಭವನ್ನು ಪಡೆಯುತ್ತಾರೆ. ಆದ್ದರಿಂದ ಹಿರಿಯ ನಾಗರಿಕ ಎಫ್​ಡಿ ಖಾತೆದಾರರು 3 ವರ್ಷಗಳ ಅವಧಿಗೆ ಖಾತೆಯಲ್ಲಿ ಶೇ 7.5 ರಿಟರ್ನ್ಸ್ ಪಡೆಯುತ್ತಾರೆ.

ಸೂರ್ಯೋದಯ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ (SSFB) ಹೊಸ ಎಫ್​ಡಿ ಬಡ್ಡಿ ದರಗಳು
7ರಿಂದ 14 ದಿನಗಳ ಠೇವಣಿ – ಶೇ 3.25

15 ರಿಂದ 45 ದಿನಗಳ ಠೇವಣಿ- ಶೇ 3.25

46 ದಿನಗಳಿಂದ 90 ದಿನಗಳ ಠೇವಣಿ – ಶೇ 4.25

91 ದಿನಗಳಿಂದ 6 ತಿಂಗಳ ಠೇವಣಿ – ಶೇ 4.75

6 ತಿಂಗಳಿಂದ 9 ತಿಂಗಳ ಮೇಲಿನ ಠೇವಣಿ – ಶೇ 5.25

9 ತಿಂಗಳ ಮೇಲಿನಿಂದ 1 ವರ್ಷಕ್ಕಿಂತ ಕಡಿಮೆ ಅವಧಿ- ಶೇ 5.75

1 ವರ್ಷದಿಂದ 1 ವರ್ಷ 6 ತಿಂಗಳ ಠೇವಣಿ – ಶೇ 6.50

1 ವರ್ಷ 6 ತಿಂಗಳಿಂದ 2 ವರ್ಷಗಳ ಮೇಲಿನ ಠೇವಣಿ – ಶೇ 6.50

2 ವರ್ಷದಿಂದ 3 ವರ್ಷಕ್ಕಿಂತ ಕಡಿಮೆ ಅವಧಿ – ಶೇ 6.25

3 ವರ್ಷಗಳ ಅವಧಿ – ಶೇ 7.0

ಸ್ಟೇಟ್​ ಬ್ಯಾಂಕ್ ಆಫ್ ಇಂಡಿಯಾ ಎಫ್​ಡಿ ಬಡ್ಡಿ ದರ
ಸಾರ್ವಜನಿಕ ಸ್ವಾಮ್ಯದ ಎಸ್‌ಬಿಐ ಇತ್ತೀಚೆಗೆ ತನ್ನ ಎಫ್‌ಡಿ ಬಡ್ಡಿ ದರಗಳನ್ನು ರೂ 2 ಕೋಟಿಗಿಂತ ಹೆಚ್ಚಿನ ಠೇವಣಿಗಳ ಮೇಲೆ 20ರಿಂದ 40 ಬೇಸಿಸ್ ಪಾಯಿಂಟ್‌ಗಳಷ್ಟು ಹೆಚ್ಚಿಸಿದೆ. ಇತ್ತೀಚಿನ ದರಗಳು ಮಾರ್ಚ್ 10, 2022ರಿಂದ ಜಾರಿಗೆ ಬಂದಿವೆ.

ಇದನ್ನೂ ಓದಿ: ಆರ್​ಬಿಐ ವಿತ್ತೀಯ ನೀತಿ ಪ್ರಕಟ; ನಿಮ್ಮ ಹೋಂ ಲೋನ್, ಕಾರ್ ಲೋನ್, ಬ್ಯಾಂಕ್ ಎಫ್​ಡಿಗಳ ಇಎಂಐ ಮೇಲಾಗುವ ಪರಿಣಾಮಗಳೇನು?