ಪ್ರತಿಷ್ಠಿತ ಜ್ಯುಬಿಲಿ ಹಿಲ್ಸ್​ನಲ್ಲಿ ಮಾಳವಿಕಾ ಎಂಬ ಮಾಯಾಂಗನೆ ಅರೆಸ್ಟ್, ಯಾಕೆ ಗೊತ್ತಾ?

ಹೈದರಾಬಾದ್: ಪ್ರತಿಷ್ಠಿತ ಜ್ಯುಬಿಲಿ ಹಿಲ್ಸ್ ಪ್ರದೇಶದಲ್ಲಿ ಅನಿವಾಸಿ ಭಾರತೀಯರೊಬ್ಬರನ್ನು (NRI) ವಂಚಿಸಿದ್ದ ಆರೋಪದ ಮೇಲೆ ಮಾಳವಿಕಾ ಎಂಬ ಮಹಿಳೆಯನ್ನು ಬಂಧಿಸಲಾಗಿದೆ. ಮಾಯಾಂಗನೆ ಮಾಳವಿಕಾ ಇದೇ ರೀತಿ ಅನೇಕರಿಗೆ ವಂಚಿಸಿದ್ದ ಮಹಿಳೆ.

ಅಮೇರಿಕಾ ವಾಸಿ ಸಾಫ್ಟ್​ವೇರ್ ಇಂಜಿನಿಯರ್ ವರುಣ ಎಂಬಾತನಿಗೆ ಸಹ ಮಾಳವಿಕಾ ಮೋಸ ಮಾಡಿದ್ದಳು ಎನ್ನಲಾಗಿದೆ. ಮಾಳವಿಕಾ, ತಾನು ಡಾಕ್ಟರ್ ಎಂದು ಪರಿಚಯಿಸಿಕೊಂಡು ವರುಣ ಅನ್ನೋ NRI ಬಳಿ 65 ಲಕ್ಷ ರೂಪಾಯಿ ಲಪಟಾಯಿಸಿದ್ದಳು.

ಈ ಹಿಂದೆ ಸಹ ಮೂರು ಬಾರಿ ಅರೆಸ್ಟ್ ಆಗಿದ್ದಳೆನ್ನಲಾದ ಮಾಳವಿಕಾ, ಮ್ಯಾಟ್ರಿಮನಿ ಸೈಟ್ ಗಳಲ್ಲಿ ಸುಂದರ ಯುವತಿಯರ ಫೋಟೋ ಹಾಕಿ ಯುವಕರನ್ನು ಆಕರ್ಷಿಸುತ್ತಿದ್ದಳು. ಮಾಳವಿಕಾ ತನ್ನ ಪತಿ, ಅತ್ತೆ, ಮಾವನೊಂದಿಗೆ ಸೇರಿ ಮೋಸಗಳನ್ನು ಮಾಡುತ್ತಿದ್ದಳು ಎಂದು ತಿಳಿದುಬಂದಿದೆ.