Brigadier in Indian Army: ಭಾರತೀಯ ಸೇನೆಯಲ್ಲಿ ಬ್ರಿಗೇಡಿಯರ್ ಆಗುವುದು ಹೇಗೆ? ಸಂಪೂರ್ಣ ಪ್ರಕ್ರಿಯೆಯನ್ನು ತಿಳಿಯಿರಿ

ಅನೇಕರಿಗೆ ಬಾಲ್ಯದಿಂದಲೇ ದೇಶ ಸೇವೆ ಮಾಡುವ ಕನಸಿರುತ್ತದೆ. ಭಾರತೀಯ ಸೇನೆಗೆ ಸೇರುವುದು ಮತ್ತು ರಾಷ್ಟ್ರವನ್ನು ರಕ್ಷಿಸುವುದು ಹೆಮ್ಮೆಯ ವಿಷಯ ಮಾತ್ರವಲ್ಲ, ಅದು ಜೀವಮಾನದ ಗೌರವವೂ ಆಗಿದೆ. ಸೇನೆಯ ಶ್ರೇಯಾಂಕ ವ್ಯವಸ್ಥೆಯಲ್ಲಿ ಬಹಳ ಮುಖ್ಯವಾದ ಮತ್ತು ಪ್ರತಿಷ್ಠಿತ ಹುದ್ದೆ ಇದೆ, ಅದುವೇ ಬ್ರಿಗೇಡಿಯರ್. ಈ ಲೇಖನದಲ್ಲಿ ಭಾರತೀಯ ಸೇನೆಯಲ್ಲಿ ಬ್ರಿಗೇಡಿಯರ್ ಆಗುವುದು ಹೇಗೆ ಮತ್ತು ಅವರಿಗೆ ಸಿಗುವ ಸಂಬಳ ಎಷ್ಟು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ಬ್ರಿಗೇಡಿಯರ್ ಎಂದರೇನು?

ಬ್ರಿಗೇಡಿಯರ್ ಭಾರತೀಯ ಸೇನೆಯಲ್ಲಿ ಒಂದು ಉತ್ತಮ ಹುದ್ದೆಯಾಗಿದ್ದು, ಇವರು ಕರ್ನಲ್‌ಗಿಂತ ಮೇಲೆ ಮತ್ತು ಮೇಜರ್ ಜನರಲ್‌ಗಿಂತ ಕೆಳಗಿನ ಸ್ಥಾನದಲ್ಲಿರುತ್ತಾರೆ. ಈ ಹುದ್ದೆಯು ಬಹಳ ಜವಾಬ್ದಾರಿಯುತವಾಗಿದೆ, ಬ್ರಿಗೇಡಿಯರ್ ಬ್ರಿಗೇಡ್​​ನ (ಸಾಮಾನ್ಯವಾಗಿ 3000 ರಿಂದ 5000 ಸೈನಿಕರನ್ನು ಒಳಗೊಂಡಿರುವ ಒಂದು ಘಟಕ) ಮುಖ್ಯಸ್ಥರಾಗಿರುತ್ತಾರೆ . ಈ ಶ್ರೇಣಿಯು ಗೆಜೆಟೆಡ್ ಅಧಿಕಾರಿಗಳ ವರ್ಗದ ಅಡಿಯಲ್ಲಿ ಬರುತ್ತದೆ.

ಬ್ರಿಗೇಡಿಯರ್ ಆಗುವುದು ಹೇಗೆ?

• ಬ್ರಿಗೇಡಿಯರ್ ಆಗಲು, ಮೊದಲು ನೀವು ಭಾರತೀಯ ಸೇನೆಯಲ್ಲಿ ಅಧಿಕಾರಿಯಾಗಿ ಸೇರಬೇಕು.
• ರಾಷ್ಟ್ರೀಯ ರಕ್ಷಣಾ ಅಕಾಡೆಮಿ (NDA) – 12 ನೇ ತರಗತಿಯ ನಂತರ ಇದು ಅತ್ಯಂತ ಜನಪ್ರಿಯ ಆಯ್ಕೆಯಾಗಿದೆ. ಇಲ್ಲಿಂದ ಉತ್ತೀರ್ಣರಾದ ನಂತರ, ಕೆಡೆಟ್ ತರಬೇತಿಯ ನಂತರ ಲೆಫ್ಟಿನೆಂಟ್ ಹುದ್ದೆಯನ್ನು ಪಡೆಯುತ್ತಾರೆ.
• ಕಂಬೈನ್ಡ್ ಡಿಫೆನ್ಸ್ ಸರ್ವೀಸಸ್ ಎಕ್ಸಾಮಿನೇಷನ್ (CDS) – ಪದವಿ ಪಡೆದ ನಂತರ, CDS ಮೂಲಕ ಇಂಡಿಯನ್ ಮಿಲಿಟರಿ ಅಕಾಡೆಮಿ (IMA), ಆಫೀಸರ್ಸ್ ಟ್ರೈನಿಂಗ್ ಅಕಾಡೆಮಿ (OTA) ನಂತಹ ಸಂಸ್ಥೆಗಳಿಗೆ ಹೋಗಿ ಅಧಿಕಾರಿ ತರಬೇತಿಯನ್ನು ತೆಗೆದುಕೊಳ್ಳಬಹುದು.
• ತಾಂತ್ರಿಕ ಪ್ರವೇಶ ಯೋಜನೆ (TES)/ಎಂಜಿನಿಯರಿಂಗ್ ಕೋರ್ಸ್‌ಗಳು – ತಾಂತ್ರಿಕ ಪದವೀಧರರು ಸೈನ್ಯದಲ್ಲಿ ಅಧಿಕಾರಿಗಳಾಗಲು ಅವಕಾಶವನ್ನು ಹೊಂದಿರುತ್ತಾರೆ. ಅವರು ಲೆಫ್ಟಿನೆಂಟ್ ಆದ ನಂತರ, ಅಧಿಕಾರಿಯ ಬಡ್ತಿಯು ಮಂಡಳಿಯು ನಿರ್ಧರಿಸಿದ ಅನುಭವ, ಸೇವಾ ದಾಖಲೆ ಮತ್ತು ಅರ್ಹತೆಗಳನ್ನು ಆಧರಿಸಿರುತ್ತದೆ.\

ಇದನ್ನೂ ಓದಿ: ಏರ್ ಟ್ರಾಫಿಕ್ ಕಂಟ್ರೋಲರ್ ಕೆಲಸ ಪಡೆಯುವುದು ಹೇಗೆ? ಅರ್ಹತೆ ಮತ್ತು ಸಂಬಳದ ಮಾಹಿತಿ ಇಲ್ಲಿದೆ

ವಿವಿಧ ಹಂತಗಳು:

• ಲೆಫ್ಟಿನೆಂಟ್
• ಕ್ಯಾಪ್ಟನ್ (2 ವರ್ಷಗಳ ನಂತರ)
• ಮೇಜರ್ (6 ವರ್ಷಗಳ ನಂತರ)
• ಲೆಫ್ಟಿನೆಂಟ್ ಕರ್ನಲ್ (13 ವರ್ಷಗಳ ನಂತರ)
• ಕರ್ನಲ್ (15-17 ವರ್ಷಗಳ ನಂತರ, ಆಯ್ಕೆ ಆಧಾರಿತ)
• ಬ್ರಿಗೇಡಿಯರ್ (20-22 ವರ್ಷಗಳ ಸೇವೆಯ ನಂತರ, ಬಹಳ ಸೀಮಿತ ಮತ್ತು ಆಯ್ಕೆ ಆಧಾರಿತ)

ಬ್ರಿಗೇಡಿಯರ್ ಎಷ್ಟು ಸಂಬಳ ಪಡೆಯುತ್ತಾರೆ?

• ಮೂಲ ವೇತನ: ತಿಂಗಳಿಗೆ ರೂ 1,39,600 – ರೂ 2,17,600
• ಇತರ ಭತ್ಯೆಗಳು: ಎಚ್‌ಆರ್‌ಎ, ಡಿಎ, ಕಿಟ್ ಭತ್ಯೆ, ಮಿಲಿಟರಿ ಸೇವಾ ವೇತನ, ಭತ್ಯೆ, ಪ್ರಯಾಣ ಭತ್ಯೆ ಇತ್ಯಾದಿ.