OICL AO Recruitment 2022: ನಕಲಿ ನೇಮಕಾತಿ ಅಧಿಸೂಚನೆ, ಸ್ಪಷ್ಟೀಕರಣ ನೀಡಿದ OICL

ಓರಿಯಂಟಲ್ ಇನ್ಶುರೆನ್ಸ್ ಕಂಪನಿ ಲಿಮಿಟೆಡ್,(OICL)AO ನೇಮಕಾತಿ 2022 ನಕಲಿ ಅಧಿಸೂಚನೆ ವೈರಲ್ ಆಗಿದೆ. ನಕಲಿ ನೋಟೀಸ್ ಕುರಿತು ಉದ್ಯೋಗಾಕಾಂಕ್ಷಿಗಳಿಗೆ OICL ಎಚ್ಚರಿಕೆ ವಹಿಸುವಂತೆ ಸುತ್ತೋಲೆಯನ್ನು ಬಿಡುಗಡೆ ಮಾಡಿದೆ. OICL AO ನೇಮಕಾತಿ 2022 ನಕಲಿ ಅಧಿಸೂಚನೆಯಲ್ಲಿ 300 ಆಡಳಿತ ಅಧಿಕಾರಿಗಳು, AO ಹುದ್ದೆಗಳಿಗೆ ಅರ್ಜಿ ಆಹ್ವಾನ ಎಂದು ಹೇಳಲಾಗಿದೆ. ಈ ಅಧಿಸೂಚನೆಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಮಾಡಲಾಗಿದೆ ಮತ್ತು ವಿವಿಧ ವೆಬ್‌ಸೈಟ್‌ಗಳು ನೇಮಕಾತಿ ನವೀಕರಣವನ್ನು ಸಹ ನೀಡಿವೆ.

ನಕಲಿ ನೇಮಕಾತಿಯನ್ನು ಕಂಡುಹಿಡಿದ ಅಧಿಕಾರಿಗಳು, OICL ಅಧಿಸೂಚನೆಯನ್ನು ಹೊರಡಿಸಿ, 300 ಹುದ್ದೆಗಳ ನೇಮಕಾತಿಗೆ ಸಂಬಂಧಿಸಿದಂತೆ ನಕಲಿ ಅಧಿಸೂಚನೆ ಹೊರಡಿಸಿರುವ ಬಗ್ಗೆ ಅಧಿಕಾರಿಗಳು ಪತ್ತೆ ಹಚ್ಚಿದ್ದಾರೆ. ಈ ನಿಟ್ಟಿನಲ್ಲಿ ಸಂಬಂಧಪಟ್ಟ ಎಲ್ಲರಿಗೂ ತಿಳಿಸಲಾಗಿದೆ. ಓರಿಯಂಟಲ್ ಇನ್ಶುರೆನ್ಸ್ ಕಂಪನಿ ಯಾವುದೇ ಸಾಮಾಜಿಕ ಜಾಲತಾಣ, ಪತ್ರಿಕೆಗಳು ಇತ್ಯಾದಿಗಳಲ್ಲಿ ಅಂತಹ ಯಾವುದೇ ಅಧಿಸೂಚನೆಯನ್ನು ಪ್ರಕಟಿಸಿಲ್ಲ. ಓರಿಯೆಂಟಲ್ ಇನ್ಶೂರೆನ್ಸ್ ಕಂಪನಿ ಲಿಮಿಟೆಡ್ ಹೆಸರಿನಲ್ಲಿ ಪ್ರಕಟವಾಗುತ್ತಿರುವ ಇಂತಹ ನೇಮಕಾತಿ ಜಾಹೀರಾತಿನ ಬಗ್ಗೆ ಗಮನಹರಿಸದಂತೆ ಸಾರ್ವಜನಿಕರಿಗೆ ಈ ನಿಟ್ಟಿನಲ್ಲಿ ಎಚ್ಚರಿಕೆ ನೀಡಲಾಗಿದೆ ಎಂದು OICL ತಿಳಿಸಿದೆ.

ಇದನ್ನು ಓದಿ: 545 PSI Recruitment Scam: ಪಿಎಸ್​ಐ ಹಗರಣದ ಪ್ರಮುಖ ಆರೋಪಿಗೆ ಜಾಮೀನು

ಉದ್ಯೋಗಾಕಾಂಕ್ಷಿಗಳು ಅಧಿಕೃತ ವೆಬ್‌ಸೈಟ್‌ನಲ್ಲಿ ಬಿಡುಗಡೆ ಮಾಡಲಾದ ನೇಮಕಾತಿ ಅಧಿಸೂಚನೆಯನ್ನು ಮಾತ್ರ ಗಮನಿಸುವಂತೆ ಸೂಚಿಸಲಾಗಿದೆ. ಒಂದು ವೇಳೆ, ಯಾವುದೇ ನೇಮಕಾತಿ ಅಧಿಸೂಚನೆಯನ್ನು ಪತ್ರಿಕೆಯಲ್ಲಿ ಬಿಡುಗಡೆ ಮಾಡಿದರೆ, ಅಭ್ಯರ್ಥಿಗಳು ಅದನ್ನು ಅಧಿಕೃತ ವೆಬ್‌ಸೈಟ್‌ನಲ್ಲಿ ಕ್ರಾಸ್-ಚೆಕ್ ಮಾಡಲು ಸೂಚಿಸಲಾಗಿದೆ. ನೇಮಕಾತಿ ನವೀಕರಣವನ್ನು ಖಚಿತಪಡಿಸಲು ಅಭ್ಯರ್ಥಿಗಳು ಆಯಾ ಸಂಸ್ಥೆಯನ್ನು ಇಮೇಲ್ ಅಥವಾ ಸಂಪರ್ಕ ಸಂಖ್ಯೆಯ ಮೂಲಕ ಸಂಪರ್ಕಿಸಬಹುದು. ಹಿಂದಿನ OICL ನೇಮಕಾತಿ ಪ್ರಕ್ರಿಯೆಯ ಪ್ರಕಾರ, ಸಂಸ್ಥೆಯು ತನ್ನ ಆಯ್ಕೆ ಪ್ರಕ್ರಿಯೆಯನ್ನು ಪೋಸ್ಟ್‌ಗಳನ್ನು ಅವಲಂಬಿಸಿ ಮೂರು ಹಂತಗಳಲ್ಲಿ ನಡೆಸುತ್ತದೆ.

ಉದ್ಯೋಗ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ