ಬಿಗ್ ಬಾಸ್​ನಲ್ಲಿ ಸೋತು ಖತ್ರೋನ್ ಕೆ ಖಿಲಾಡಿ ಟ್ರೋಫಿ ಗೆದ್ದ ಅವಿನಾಶ್ ಮಿಶ್ರಾ; ಸಿಕ್ಕ ಹಣ ಎಷ್ಟು?

ರೋಹಿತ್ ಶೆಟ್ಟಿ ನಿರೂಪಣೆಯ ಖತ್ರೋನ್ ಕೆ ಖಿಲಾಡಿ ಸೀಸನ್ 15 ಅತ್ಯಂತ ಯಶಸ್ವಿಯಾಗಿ ಮುಕ್ತಾಯಗೊಂಡಿದೆ. ಈ ಬಾರಿಯ ಕಠಿಣ ಸಾಹಸಮಯ ಆಟದಲ್ಲಿ ಕಿರುತೆರೆ ನಟ ಅವಿನಾಶ್ ಮಿಶ್ರಾ ವಿಜೇತರಾಗಿ ಹೊರಹೊಮ್ಮಿದ್ದಾರೆ. ತಮ್ಮ ಅದ್ಭುತ ಸಾಹಸಗಳ ಮೂಲಕ ಅವರು ಟ್ರೋಫಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ. ವೀಕ್ಷಕರ ಮನ ಗೆದ್ದ ಅವರಿಗೆ ಈಗ ಅಭಿನಂದನೆಗಳ ಮಹಾಪೂರವೇ ಹರಿದುಬರುತ್ತಿದೆ.

ಫೈನಲ್ ಹಂತದಲ್ಲಿ ಅವಿನಾಶ್ ಮಿಶ್ರಾ ಅವರು ರಿತ್ವಿಕ್ ಧಂಜಾನಿ ಮತ್ತು ಓರಿಯವರನ್ನು ಸೋಲಿಸಿದರು. ವಿಜೇತರಾದ ಅವರಿಗೆ 20 ಲಕ್ಷ ರೂಪಾಯಿ ನಗದು ಬಹುಮಾನ ಸಿಕ್ಕಿದೆ. ಇದರ ಜೊತೆಗೆ ಯುರೋಪ್ ಪ್ರವಾಸಕ್ಕೆ ಸ್ಪಾನ್ಸರ್ ಮತ್ತು ಹೊಸ ಕಾರು ಲಭಿಸಿದೆ. ರನ್ನರ್ ಅಪ್‌ಗಳಿಗೂ ಬೈಕ್ ಬಹುಮಾನವಾಗಿ ದೊರೆತಿದೆ.

ಗೆಲುವಿನ ನಂತರ ಮಾತನಾಡಿದ ಅವಿನಾಶ್ ತಮ್ಮ ಸಂತಸ ಹಂಚಿಕೊಂಡಿದ್ದಾರೆ. ‘ಈ ಶೋ ನನಗೆ ನನ್ನನ್ನೇ ಸಾಬೀತುಪಡಿಸಲು ದೊಡ್ಡ ವೇದಿಕೆಯಾಯಿತು. ಕೇವಲ ಶಾರೀರಿಕ ಬಲವಲ್ಲದೆ ಮಾನಸಿಕ ಧೈರ್ಯ ಇಲ್ಲಿ ಮುಖ್ಯವಾಗಿತ್ತು. ನನ್ನ ಮೇಲಿದ್ದ ಭಯವನ್ನು ಗೆದ್ದು ನಾನು ಈ ಮಟ್ಟಕ್ಕೆ ಬಂದಿದ್ದೇನೆ’ ಎಂದು ಅವರು ಹೇಳಿದರು.

FINALLY 😭❤️
After all the hard work, determination and the way he has dominated every task right from Day 1 #AvinashMishra is the WINNER of Khatron Ke Khiladi 🏆🔥

From his BB18 days to this moment, what a journey it has been. He kept pushing, kept fighting & never stopped proving what he was capable of.

SO HAPPY for you Brother, You deserved this moment, this love, this appreciation – ALL OF IT ❤

@Avinash_galaxy #KKK15

— Ꭱ𝗼вᎥח ♕ (@Its_Bishnoi07) October 4, 2026

ಅವಿನಾಶ್ ಶೋನಲ್ಲಿ ಆರಂಭದಿಂದಲೂ ಅತ್ಯುತ್ತಮ ಪ್ರದರ್ಶನ ನೀಡುತ್ತಾ ಬಂದಿದ್ದರು. ಅವರು ಯಾವುದೇ ಟಾಸ್ಕ್ ಅನ್ನು ಅರ್ಧಕ್ಕೆ ಕೈಬಿಡಲಿಲ್ಲ. ‘ಸ್ವಿಫ್ಟ್ ಇಮ್ಯುನಿಟಿ ಜಾಕೆಟ್’ ಪಡೆದು ತಮ್ಮ ಶಕ್ತಿಯನ್ನು ಸಾಬೀತುಪಡಿಸಿದ್ದರು. ಕರಣ್ ವಾಹಿ ಹಾಗೂ ಫರ್ಹಾನಾ ಅವರಿಂದ ಅವರಿಗೆ ಪ್ರಬಲ ಸ್ಪರ್ಧೆ ಎದುರಾಗಿತ್ತು.

ಇದನ್ನೂ ಓದಿ: ಗಗನ್-ಸೌಂದರ್ಯಾ ಮಧ್ಯೆ ಲವ್ ಟ್ರ್ಯಾಕ್? ಫುಲ್ ಟೆನ್ಶ್​​ಗೆ ಒಳಗಾದ ಶೆಟ್ಟಿ ಡಾನ್

ಕಿರುತೆರೆಯಲ್ಲಿ ಒಂದು ದಶಕದಿಂದ ಸಕ್ರಿಯರಾಗಿರುವ ಅವಿನಾಶ್ ಈ ಹಿಂದೆ ಡಿಜೆ ಆಗಿದ್ದರು. ‘ಸೇಠ್‌ಜಿ’ ಹಾಗೂ ‘ಇಷ್ಕ್‌ಬಾಜ್’ ಧಾರಾವಾಹಿಗಳ ಮೂಲಕ ಅವರು ಹೆಸರು ಮಾಡಿದ್ದರು. ನಂತರ ‘ಬಿಗ್ ಬಾಸ್ 18’ ರಿಯಾಲಿಟಿ ಶೋನಲ್ಲೂ ಭಾಗವಹಿಸಿ ನಾಲ್ಕನೇ ಸ್ಥಾನ ಪಡೆದಿದ್ದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.