Year Eneder 2024: ಬರಾಕ್ ಒಬಾಮಾ ಫೇವರಿಟ್ ಸಿನಿಮಾಗಳಲ್ಲಿ ಭಾರತದ ಈ ಚಿತ್ರಕ್ಕೆ ಮೊದಲ ಸ್ಥಾನ
2024ರಲ್ಲಿ ಬಿಡುಗಡೆಯಾದ ಅನೇಕ ಸೂಪರ್ ಹಿಟ್ ಚಿತ್ರಗಳು ಬಿಡುಗಡೆ ಆಗಿವೆ. ಮಾಜಿ ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮಾ ಅವರು ಈಗ ಭಾರತದ ಚಿತ್ರ ಒಂದನ್ನು ರೆಕಮಂಡ್ ಮಾಡಿದ್ದಾರೆ. ಅವರು ರೆಕಮಂಡ್ ಮಾಡಿರುವ ಈ ಚಿತ್ರ ಮಲಯಾಳಂ, ಹಿಂದಿ ಮತ್ತು ಮರಾಠಿ ಭಾಷೆಯಲ್ಲಿ ಇದೆ.
2024 ಕೊನೆ ಆಗುತ್ತಾ ಬಂದಿದೆ. ಈ ವರ್ಷ ಭಾರತದಲ್ಲಿ ಹಲವು ಸೂಪರ್ ಹಿಟ್ ಚಿತ್ರಗಳು ರಿಲೀಸ್ ಆಗಿವೆ. ಕೆಲವು ಸಿನಿಮಾಗಳು ಬಾಕ್ಸ್ ಆಫೀಸ್ನಲ್ಲಿ ಅಬ್ಬರಿಸುವ ಮೂಲಕ ಜನರಿಗೆ ಆ ಬಗ್ಗೆ ತಿಳಿಯುವಂತೆ ಆಗಿದೆ. ಆದರೆ, ಇನ್ನೂ ಕೆಲವು ಸಿನಿಮಾಗಳು ವಿಮರ್ಶಕರಿಂದ ಮೆಚ್ಚುಗೆ ಪಡೆದರೂ ಜನರಿಗೆ ತಲುಪಿರುವುದಿಲ್ಲ. ಈ ಕೆಲಸವನ್ನು ಅನೇಕರು ಮಾಡುತ್ತಿದ್ದಾರೆ. ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ಕೂಡ ‘2024ರಲ್ಲಿ ನೋಡಲೇಬೇಕಾದ’ ಸಿನಿಮಾಗಳ ಲಿಸ್ಟ್ ನೀಡಿದ್ದಾರೆ. ಈ ಪೈಕಿ ಭಾರತದ ಸಿನಿಮಾಗೆ ಮೊದಲ ಸ್ಥಾನ ಇದೆ.
ಬರಾಕ್ ಒಬಾಮಾ ಅವರು ಅಮೆರಿಕದ ಮಾಜಿ ಅಧ್ಯಕ್ಷ. ಅವರಿಗೆ ಸಿನಿಮಾಗಳ ಬಗ್ಗೆ ಆಸಕ್ತಿ ಇದೆ. ಈಗ ಅವರು ಹಲವು ದೇಶಗಳ ಸಿನಿಮಾಗಳನ್ನು ನೋಡಿ, ಆ ಪೈಕಿ ಕೆಲವು ಉತ್ತಮ ಚಿತ್ರಗಳನ್ನು ಪಿಕ್ ಮಾಡಿದ್ದಾರೆ. ಈ ಬಗ್ಗೆ ಟ್ವೀಟ್ ಮಾಡಿದ್ದಾರೆ. ‘ಈ ವರ್ಷ ನೋಡಬಹುದಾದ ಕೆಲವು ಚಲನಚಿತ್ರಗಳನ್ನು ನಾನು ಶಿಫಾರಸ್ಸು ಮಾಡುತ್ತಿದ್ದೇನೆ’ ಎಂದು ಒಬಾಮಾ ಬರೆದುಕೊಂಡಿದ್ದಾರೆ. ಈ ಪೈಕಿ ‘ಆಲ್ ವಿ ಇಮ್ಯಾಜಿನ್ ಆ್ಯಸ್ ಲೈಟ್’ ಚಿತ್ರ ಮೊದಲ ಸ್ಥಾನದಲ್ಲಿ ಇದೆ.
Here are a few movies I’d recommend checking out this year. pic.twitter.com/UtdKmsNUE8
— Barack Obama (@BarackObama) December 20, 2024
ಪಾಯಲ್ ಕಪಾಡಿಯಾ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರ ಮಲಯಾಳಂ, ಹಿಂದಿ ಹಾಗೂ ಮರಾಠಿ ಭಾಷೆಯನ್ನು ಒಳಗೊಂಡಿದೆ ಅನ್ನೋದು ವಿಶೇಷ. ಈ ಸಿನಿಮಾ ಈ ವರ್ಷ ನಡೆದ 77ನೇ ಸಾಲಿನ ಕಾನ್ಸ್ ಸಿನಿಮೋತ್ಸವದಲ್ಲಿ ಸ್ಪರ್ಧಿಸಿತ್ತು ಅನ್ನೋದು ವಿಶೇಷ. 1994ರ ಬಳಿಕ ಭಾರತದ ಚಿತ್ರ ಒಂದು ಕಾನ್ಸ್ ಸಿನಿಮೋತ್ಸವದ ಮುಖ್ಯ ಸ್ಪರ್ಧೆಯಲ್ಲಿ ಇದ್ದಿದ್ದು ಇದೇ ಮೊದಲು.
ಇದನ್ನೂ ಓದಿ: ದರ್ಶನ್ ಫ್ಯಾನ್ಸ್ಗೆ ಡಬಲ್ ಸಿಹಿ ಸುದ್ದಿ; ‘ಡೆವಿಲ್’ ಶೂಟ್ಗೆ ದಿನಾಂಕ ಫಿಕ್ಸ್?
ಮಲಯಾಳಂ ನಟಿ ಕನಿ ಕುಸ್ರುತಿ, ದಿವ್ಯ ಪ್ರಭ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದ ಟ್ರೇಲರ್ ಯೂಟ್ಯೂಬ್ನಲ್ಲಿ ವೀಕ್ಷಣೆಗೆ ಲಭ್ಯವಿದೆ. ಈ ಚಿತ್ರವನ್ನು ಬರಾಕ್ ಒಬಾಮಾ ಅವರೇ ನೋಡುವಂತೆ ರೆಕಮಂಡ್ ಮಾಡಿರುವುದು ಸಾಕಷ್ಟು ಕುತೂಹಲ ಮೂಡಿಸಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.