ತಾಂಡವ್ಗೆ ಚಪ್ಪಾಳೆ ನೀಡಿ ಮೂರು ಕಾರಣ ಕೊಟ್ಟ ಕಿಚ್ಚ ಸುದೀಪ್
ತಾಂಡವ್ ಕ್ಷಮತೆ ಇರುವ ಸ್ಪರ್ಧಿ ಆದರೆ ತಮ್ಮ ತಾಳ್ಮೆ, ಪರರಿಗಾಗಿ ಮರುಗುವ ವ್ಯಕ್ತಿತ್ವದಿಂದ ಆಟದಲ್ಲಿ ನಿರೀಕ್ಷಿತ ಮಟ್ಟದಲ್ಲಿ ಗುರುತಿಸಿಕೊಳ್ಳಲು ಆಗಿರಲಿಲ್ಲ. ಆದರೆ ಈ ವಾರ ನಡೆದ ಟಾಸ್ಕ್ನಲ್ಲಿ ಅವರಿಗೆ ಕ್ರಿಯೇಟಿವ್ ಆಗಿ ಯೋಚಿಸುವ, ಯೋಜನೆ ಹಾಕುವ, ನಾಯಕನಂತೆ ಎಲ್ಲರನ್ನು ಜೊತೆಗೆ ಕೊಂಡೊಯ್ಯುವ ಅವಕಾಶ ಸಿಕ್ಕಿತ್ತು. ಎಲ್ಲದಕ್ಕಿಂತಲೂ ಹೆಚ್ಚಾಗಿ ತಮ್ಮನ್ನು ತಾವು ಪ್ರೂವ್ ಮಾಡಿಕೊಳ್ಳುವ ಅವಕಾಶ ಸಿಕ್ಕಿತ್ತು. ಅದನ್ನು ಅವರು ಬಳಸಿಕೊಂಡಿದ್ದಾರೆ. ಅದಕ್ಕೆ ತಕ್ಕ ಬಹುಮಾನವೂ ಅವರಿಗೆ ದೊರಕಿದೆ.
Updated on:Oct 24, 2026 | 11:16 PM
ತಾಂಡವ್ ರಾಮ್, ಬಿಗ್ಬಾಸ್ ಮನೆಯಲ್ಲಿ ಹಲವರಿಂದ ನಿರ್ಲಕ್ಷ್ಯಕ್ಕೆ ಒಳಗಾಗಿರುವ ಸ್ಪರ್ಧಿ. ಒಂದು ಬಾರಿ ಹೊರಗೆ ಹೋಗಿ ಒಳಗೆ ಸಹ ಬಂದಿದ್ದಾರೆ. ತಾಂಡವ್ ಕ್ಷಮತೆ ಇರುವ ಸ್ಪರ್ಧಿ ಆದರೆ ತಮ್ಮ ತಾಳ್ಮೆ, ಪರರಿಗಾಗಿ ಮರುಗುವ ವ್ಯಕ್ತಿತ್ವದಿಂದ ಆಟದಲ್ಲಿ ನಿರೀಕ್ಷಿತ ಮಟ್ಟದಲ್ಲಿ ಗುರುತಿಸಿಕೊಳ್ಳಲು ಆಗಿರಲಿಲ್ಲ. ಆದರೆ ಈ ವಾರ ನಡೆದ ಟಾಸ್ಕ್ನಲ್ಲಿ ಅವರಿಗೆ ಕ್ರಿಯೇಟಿವ್ ಆಗಿ ಯೋಚಿಸುವ, ಯೋಜನೆ ಹಾಕುವ, ನಾಯಕನಂತೆ ಎಲ್ಲರನ್ನು ಜೊತೆಗೆ ಕೊಂಡೊಯ್ಯುವ ಅವಕಾಶ ಸಿಕ್ಕಿತ್ತು. ಎಲ್ಲದಕ್ಕಿಂತಲೂ ಹೆಚ್ಚಾಗಿ ತಮ್ಮನ್ನು ತಾವು ಪ್ರೂವ್ ಮಾಡಿಕೊಳ್ಳುವ ಅವಕಾಶ ಸಿಕ್ಕಿತ್ತು. ಅದನ್ನು ಅವರು ಬಳಸಿಕೊಂಡಿದ್ದಾರೆ. ಅದಕ್ಕೆ ತಕ್ಕ ಬಹುಮಾನವೂ ಅವರಿಗೆ ದೊರಕಿದೆ.
ತಾಂಡವ್ ಅವರು ಈ ವಾರ ಲೂಟಿಕೋರರ ಗುಂಪಿನ ನಾಯಕ ಆಗಿದ್ದರು. ಅದ್ಭುತವಾಗಿ ಎಲ್ಲವನ್ನೂ ಯೋಜನೆ ಮಾಡಿ ಟಾಸ್ಕ್ನಲ್ಲಿ ಗೆದ್ದರು. ಸುದೀಪ್ ಅವರು ವಿಡಿಯೋ ಹಾಕಿ ತೋರಿಸುವವರೆಗೆ ಎಷ್ಟೋ ಕಾವಲುಗಾರರಿಗೆ ತಾಂಡವ್ ಮಾಸ್ಟರ್ ಪ್ಲ್ಯಾನ್ ಅರ್ಥವೇ ಆಗಿರಲಿಲ್ಲ. ತಾಂಡವ್ ಆಡಿರುವ ರೀತಿಯನ್ನು ವಾರಾಂತ್ಯದಲ್ಲಿ ನೋಡಿ ಎಲ್ಲರೂ ಅವಾಕ್ಕಾದರು. ತಾಂಡವ್ ಅನ್ನು ‘ಸೋಮಾರಿ, ದಡ್ಡ ಕ್ಯಾಪ್ಟನ್‘ ಎಂದೆಲ್ಲ ಟೀಕೆ ಮಾಡಿದ್ದ ಗಾನವಿ ಸಹ ‘ಹೀರೋ’ ಎಂದು ಕರೆದಿದ್ದು ವಿಶೇಷ.
ಎಲ್ಲದಕ್ಕಿಂತಲೂ ವಿಶೇಷವಾಗಿದ್ದು ಸುದೀಪ್ ಅವರು ತಾಂಡವ್ ಬಗ್ಗೆ ಹೇಳಿದ ಮಾತುಗಳು. ತಾಂಡವ್ಗೆ ನಿರೀಕ್ಷೆಯಂತೆ ಕಿಚ್ಚನ ಚಪ್ಪಾಳೆ ನೀಡಿದ ಸುದೀಪ್, ಮೂರು ಅಂಶಗಳನ್ನು ಪರಿಗಣಿಸಿ ತಮಗೆ ಚಪ್ಪಾಳೆ ಕೊಡುತ್ತಿರುವುದಾಗಿ ಹೇಳಿದರು. ಮೊದಲ ಕಾರಣವಾಗಿ ‘ನೀವು ಬಹಳ ಒಳ್ಳೆಯ ಗೆಳೆಯ, ನಿಮ್ಮ ಗೆಳೆಯರ ಪರವಾಗಿ ಏನೇ ಆದರೂ ನೀವು ನಿಂತುಕೊಳ್ಳುತ್ತೀರಿ. ಎಂಥಹಾ ಸಂದರ್ಭದಲ್ಲಿಯೂ ಸಹ ನೀವು ನಿಮ್ಮ ಗೆಳೆಯನನ್ನು ಬಿಟ್ಟುಕೊಟ್ಟಿಲ್ಲ. ಎದುರಿನಿಂದ ಅದೇ ಗೆಳೆತನ ಬರದೇ ಇದ್ದಾಗಲೂ ನೀವು ತಲೆ ಕೆಡಿಸಿಕೊಳ್ಳಲಿಲ್ಲ. ಅಲ್ಲಿ ನೀವು ದೊಡ್ಡವರಾಗಿ ಕಂಡಿರಿ, ನೀವು ಮನುಷ್ಯತ್ವ ಇರುವ ವ್ಯಕ್ತಿ’ ಎಂದರು ಕಿಚ್ಚ.
ಇದನ್ನೂ ಓದಿ:ಬಿಗ್ಬಾಸ್ ಮನೆಯಲ್ಲಿ ಫ್ಯಾಷನ್ ಶೋ, ಸೌಂದರ್ಯಾ-ಆಸಿಯಾ ಕ್ಯಾಟ್ ವಾಕ್: ವಿಡಿಯೋ
ಎರಡನೇ ಕಾರಣವಾಗಿ ‘ನೀವು ಅವಮಾನವನ್ನು ಮೌನವಾಗಿ ಸ್ವೀಕರಿಸುವ ರೀತಿ ವಿಭಿನ್ನವಾದುದು. ಎಲಿಮಿನೇಷನ್ ಸಮಯದಲ್ಲಿ, ನಾಮಿನೇಷನ್ ಸಮಯದಲ್ಲಿ ನಿಮ್ಮ ಬಗ್ಗೆ ಸತತ ಟೀಕೆ ಬರುತ್ತಿದ್ದರೂ ಸಹ ಅದನ್ನು ಸ್ವೀಕರಿಸಿ, ಅದಕ್ಕೆ ತಕ್ಕಂತೆ ನಿಮ್ಮನ್ನು ನೀವು ಅಳವಡಿಸಿಕೊಳ್ಳುವ ರೀತಿ ಚೆನ್ನಾಗಿದೆ. ಈ ವಾರ ನೀವು ಅದ್ಭುತವಾಗಿ ಆಟ ಆಡಿದಿರಿ. ನೀವು ಚೆನ್ನಾಗಿ ಆಡುತ್ತಿದ್ದರೂ ನಿಮಗೆ ಅವಮಾನ ಆಗುತ್ತಿದೆ ಎಂದು ಗೊತ್ತಾದರೂ ಕೊನೆಯ ಫಲಿತಾಂಶಕ್ಕಾಗಿ ಎಲ್ಲವನ್ನೂ ತಡೆದುಕೊಂಡ ರೀತಿ ಚೆನ್ನಾಗಿತ್ತು ಹಾಗಾಗಿ ನಿಮಗೆ ಕಿಚ್ಚನ ಚಪ್ಪಾಳೆ ಎಂದರು.
ಸುದೀಪ್ ಅವರ ಹೊಗಳಿಕೆ ಕೇಳಿ ತಾಂಡವ್ ಭಾವುಕರಾಗಿಬಿಟ್ಟರು. ಈ ವಾರವೆಲ್ಲ ಅವರು ಇತರೆ ಸ್ಪರ್ಧಿಗಳಿಂದ ‘ಡಬ್ಬ’, ‘ಕೈಲಾಗದವನು’, ‘ಅನರ್ಹ’ ಇತ್ಯಾದಿ-ಇತ್ಯಾದಿ ಮಾತುಗಳನ್ನು ಕೇಳಿದ್ದರು. ಆದರೆ ಎಲ್ಲರ ಮಾತನ್ನು ಸುಳ್ಳುಮಾಡಿ ಗೇಮ್ ಚೇಂಜರ್ ಎನಿಸಿಕೊಂಡರು ತಾಂಡವ್.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 11:02 pm, Sat, 24 October 26
