‘ಇರುಮುಡಿ’ ಸಿನಿಮಾದಿಂದ ನಟ ರವಿ ತೇಜ ಗಳಿಸಿದ್ದು ಎಷ್ಟು? ಇಲ್ಲಿದೆ ಕಂಪ್ಲೀಟ್ ಲೆಕ್ಕಾಚಾರ

ಟಾಲಿವುಡ್ ನಟ ರವಿ ತೇಜ ಅಭಿನಯದ ‘ಇರುಮುಡಿ’ ಸಿನಿಮಾ ಚಿತ್ರಮಂದಿರಗಳಲ್ಲಿ ಧೂಳೆಬ್ಬಿಸುತ್ತಿದೆ. ಬಾಕ್ಸ್ ಆಫೀಸ್‌ನಲ್ಲಿ ಸಿನಿಮಾ ಹೊಸ ಇತಿಹಾಸ ಸೃಷ್ಟಿಸುತ್ತಿದೆ. ಈ ಚಿತ್ರದ ಯಶಸ್ಸು ರವಿ ತೇಜ ಅವರಿಗೆ ಬಂಪರ್ ಲಾಭ ತಂದುಕೊಟ್ಟಿದೆ. ಅವರ ಸಂಭಾವನೆ ಲೆಕ್ಕಾಚಾರ ಈಗ ಎಲ್ಲರ ಗಮನ ಸೆಳೆಯುತ್ತಿದೆ. ನಿರ್ಮಾಪಕರು ನೀಡಿದ ವಿಶೇಷ ಆಫರ್‌ನಿಂದ ರವಿ ತೇಜ ಜಾಕ್‌ಪಾಟ್ ಹೊಡೆದಿದ್ದಾರೆ.

ಸಿನಿಮಾಗಾಗಿ ರವಿ ತೇಜ 8 ಕೋಟಿ ರೂಪಾಯಿ ನಗದು ಪಡೆದಿದ್ದರು. ಜೊತೆಗೆ ನಿಜಾಂ ಪ್ರಾಂತ್ಯದ ವಿತರಣೆ ಹಕ್ಕನ್ನು ತಮ್ಮದಾಗಿಸಿಕೊಂಡಿದ್ದರು. ಆರಂಭದಲ್ಲಿ ನಿಜಾಂ ಹಕ್ಕಿನ ಮೌಲ್ಯ 7 ಕೋಟಿ ರೂಪಾಯಿ ಇತ್ತು. ಆದರೆ ಸಿನಿಮಾ ತೆರೆಕಂಡು ಸೆನ್ಸೇಷನಲ್ ಬ್ಲಾಕ್‌ಬಸ್ಟರ್ ಆಯಿತು. ಇದರಿಂದಾಗಿ ನಿಜಾಂ ವಲಯದಲ್ಲೇ ಕೋಟಿ ಕೋಟಿ ಹಣ ಹರಿದುಬಂದಿದೆ.

ನಿಜಾಂ ಭಾಗದಲ್ಲಿ ಚಿತ್ರವು ಇದುವರೆಗೆ ಸುಮಾರು 53.76 ಕೋಟಿ ರೂಪಾಯಿ ಶೇರ್ ಗಳಿಸಿದೆ. ಜಿಎಸ್‌ಟಿ ಸೇರಿ ಈ ಮೊತ್ತ ಸಂಗ್ರಹವಾಗಿದೆ. ಚಿತ್ರದ ಪೂರ್ಣ ಪ್ರದರ್ಶನ ಮುಗಿಯುವಷ್ಟರಲ್ಲಿ ಇದು 60 ಕೋಟಿಗೆ ತಲುಪುವ ನಿರೀಕ್ಷೆಯಿದೆ. ಜಿಎಸ್‌ಟಿ ಹೊರತುಪಡಿಸಿ ಲೆಕ್ಕ ಹಾಕಿದರೆ ಒಟ್ಟು ಶೇರ್ 50.95 ಕೋಟಿ ರೂಪಾಯಿ ಆಗಲಿದೆ.

ಈ ಗಳಿಕೆಯಲ್ಲಿ ಕೆಲವು ಖರ್ಚುಗಳನ್ನು ಕಳೆಯಬೇಕಾಗುತ್ತದೆ. ಪ್ರದರ್ಶನದ ವೆಚ್ಚ ಸುಮಾರು 1.1 ಕೋಟಿ ರೂಪಾಯಿ ಆಗಿದೆ. ವಿತರಕರ ಕಮಿಷನ್ ಶೇಕಡಾ 5ರಷ್ಟು ಅಂದರೆ 2.55 ಕೋಟಿ ರೂಪಾಯಿ ಆಗುತ್ತದೆ. ಈ ಎಲ್ಲಾ ಖರ್ಚುಗಳನ್ನು ಕಳೆದರೆ ನಟನಿಗೆ ನಿಜಾಂ ಒಂದರಿಂದಲೇ 47.5 ಕೋಟಿ ರೂಪಾಯಿ ಸಿಗಲಿದೆ. ಕನಿಷ್ಠ ಲೆಕ್ಕ ಹಾಕಿದರೂ 45 ಕೋಟಿ ರೂಪಾಯಿ ಲಾಭ ಸಿಗಲಿದೆ.

ಇದನ್ನೂ ಓದಿ: ‘ಇರುಮುಡಿ’ಗೆ ತೆಲುಗು ನಟರ ಜೈಕಾರ; ‘ಟಾಕ್ಸಿಕ್’ ವಿಚಾರದಲ್ಲಿ ಕನ್ನಡ ಚಿತ್ರರಂಗದ ಮೌನ ಏತಕ್ಕೆ?

ನಿರ್ಮಾಣ ಸಂಸ್ಥೆ ಮೈತ್ರಿ ಮೂವಿ ಮೇಕರ್ಸ್ ನೇರವಾಗಿ ಸಂಭಾವನೆ ನೀಡಿದ್ದರೆ ರವಿ ತೇಜಗೆ 25 ಕೋಟಿ ಸಿಗುತ್ತಿತ್ತು. ಆದರೆ ವಿತರಣೆ ಹಕ್ಕು ಪಡೆದ ನಿರ್ಧಾರ ಈಗ ಅವರಿಗೆ ಲಾಭ ತಂದಿದೆ. ರವಿ ತೇಜ ಒಟ್ಟಾರೆಯಾಗಿ 53 ಕೋಟಿ ರೂಪಾಯಿಗೂ ಹೆಚ್ಚು ಗಳಿಸಲಿದ್ದಾರೆ. ಇದು ಅವರ ವೃತ್ತಿಜೀವನದ ದೊಡ್ಡ ಜಾಕ್‌ಪಾಟ್ ಆಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.