‘ಧ್ವಂಸ’ ರಾಪ್ ಸಾಂಗ್ ಮೂಲಕ ಅಭಿಮಾನಿಗಳ ಎದುರು ಬರಲು ರೆಡಿ ಆದ ಮಂಜು
ಬಿಗ್ ಬಾಸ್ ರಿಯಾಲಿಟಿ ಶೋನಿಂದ ಹೊರಬಂದು ಕೆಲಕಾಲ ಮೌನವಾಗಿದ್ದ ಮಾಡರ್ನ್ ಮಹಾಕವಿ ಮಂಜು ಈಗ ಹೊಸದಾದ 'ಧ್ವಂಸ' ಎಂಬ ರಾಪ್ ಸಾಂಗ್ ಮೂಲಕ ವಾಪಸಾಗಿದ್ದಾರೆ. ಕನ್ನಡದ ವೀಕ್ಷಕರಿಗೆ ಭರ್ಜರಿ ಮನರಂಜನೆ ನೀಡಲು ಹೊಸ ಮ್ಯೂಸಿಕ್ ಟ್ರ್ಯಾಕ್ ಸಿದ್ಧಪಡಿಸುತ್ತಿರುವುದಾಗಿ ವಿಡಿಯೋದಲ್ಲಿ ಘೋಷಿಸಿದ್ದಾರೆ. ಅವರೇ ಈ ಹಾಡನ್ನು ಬರೆದಿದ್ದಾರೆ.
Updated on: Oct 26, 2026 | 12:00 PM
ಅಗ್ನಿ ಪರೀಕ್ಷೆ ಮೂಲಕ ಬಂದು ‘ಬಿಗ್ ಬಾಸ್’ ರಿಯಾಲಿಟಿ ಶೋನಲ್ಲಿ ಸ್ಪರ್ಧಿಸಿದ್ದ ಮಂಜು, ಕೆಲವೊಂದು ವಿವಾದಾತ್ಮಕ ಕಾರಣಗಳಿಂದ ಶೋ ಮಧ್ಯದಲ್ಲೇ ಹೊರಬಂದಿದ್ದರು. ಶೋನಿಂದ ಎಲಿಮಿನೇಟ್ ಆದ ಬಳಿಕ ಸ್ವಲ್ಪ ಕಾಲ ಸೈಲೆಂಟ್ ಆಗಿದ್ದ ಅವರು, ಈಗ ಅಚ್ಚರಿಯ ರೀತಿಯಲ್ಲಿ ಮತ್ತೆ ವಾಪಸಾಗಿದ್ದಾರೆ. ಅವರು ಫ್ಯಾನ್ಸ್ಗೆ ಸರ್ಪ್ರೈಸ್ ನೀಡಿದ್ದಾರೆ.
ಬಿಗ್ ಬಾಸ್ ಮನೆಯಲ್ಲಿ ಅವಾಚ್ಯ ಪದ ಬಳಕೆ ಮಾಡಿದ್ದರು. ಇದು ಚರ್ಚೆಗೆ ಕಾರಣ ಆಗಿತ್ತು. ಅವರು ಹೊರಬಂದ ನಂತರ ಸೋಶಿಯಲ್ ಮೀಡಿಯಾದಲ್ಲಿ ಕಾಣಿಸಿಕೊಂಡಿರಲಿಲ್ಲ. ಸದ್ಯ ಹೊಸ ಪ್ರಾಜೆಕ್ಟ್ ಒಂದರ ಮೂಲಕ ಅಭಿಮಾನಿಗಳ ಮುಂದೆ ಸರ್ಪ್ರೈಸ್ ಆಗಿ ಪ್ರತ್ಯಕ್ಷರಾಗಿದ್ದಾರೆ. ಅವರ ಈ ಹೊಸ ಹೆಜ್ಜೆ ಈಗ ಕುತೂಹಲ ಮೂಡಿಸಿದೆ.
ತಮ್ಮ ಹೊಸ ವಿಡಿಯೋದಲ್ಲಿ ‘ಮಾಡರ್ನ್ ಮಹಾಕವಿ ಮಂಜು’ ಎಂದು ಪರಿಚಯ ಮಾಡಿಕೊಂಡಿರುವ ಅವರು, ಕನ್ನಡದ ಪ್ರೇಕ್ಷಕರಿಗೆ ಭರ್ಜರಿ ಮನರಂಜನೆ ನೀಡಲು ಸಜ್ಜಾಗಿರುವುದಾಗಿ ಘೋಷಿಸಿದ್ದಾರೆ. ತಮ್ಮ ವಿಭಿನ್ನ ಶೈಲಿಯ ಮಾತುಗಳ ಮೂಲಕ ಅವರು ಮತ್ತೊಮ್ಮೆ ಗಮನ ಸೆಳೆದಿದ್ದಾರೆ.
View this post on Instagram
ಈ ವಿಡಿಯೋದಲ್ಲಿ ‘ಧ್ವಂಸ’ ಎಂಬ ಹೊಸ ರಾಪ್ ಸಾಂಗ್ ಒಂದನ್ನು ತರುವುದಾಗಿ ಮಂಜು ಅಧಿಕೃತವಾಗಿ ತಿಳಿಸಿದ್ದಾರೆ. ಹಿನ್ನೆಲೆಯಲ್ಲಿ ಹೊಸ ಮ್ಯೂಸಿಕ್ ಟ್ರ್ಯಾಕ್ ಹಾಗೂ ಸ್ಟುಡಿಯೋ ಸೆಟಪ್ ಸಿದ್ಧವಾಗುತ್ತಿರುವುದನ್ನು ತೋರಿಸುವ ಮೂಲಕ ಅಭಿಮಾನಿಗಳಲ್ಲಿ ನಿರೀಕ್ಷೆಯನ್ನು ಹೆಚ್ಚಿಸಿದ್ದಾರೆ.
ಇದನ್ನೂ ಓದಿ: ಬಿಗ್ ಬಾಸ್ ಬಿಟ್ಟು ಬಂದ ಬಳಿಕ ಮಂಜುಗೆ ಕಾಡುತ್ತಿದೆ ಪಶ್ಚಾತ್ತಾಪ
ಅತಿ ಶೀಘ್ರದಲ್ಲೇ ಈ ಹೊಸ ರಾಪ್ ಸಾಂಗ್ ಬಿಡುಗಡೆಯಾಗಲಿದ್ದು, ಅವರ ಹಾಡು ಪ್ರಾಸದಿಂದ ಕೂಡಿರಲಿದೆ ಎನ್ನಲಾಗಿದೆ. ಬಿಗ್ ಬಾಸ್ ಬಳಿಕ ಮಂಜು ಅವರೇ ಬರೆದಿರೋ ಈ ಹಾಡು ಹೇಗಿರಲಿದೆ ಎಂಬುದನ್ನು ಕಾದು ನೋಡಬೇಕಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
