Breaking nutrition myths: ನಿಮ್ಮ ಆರೋಗ್ಯಕ್ಕೆ ಸಂಬಂಧಿಸಿದ ತಪ್ಪು ಕಲ್ಪನೆಯನ್ನು ಇಂದೇ ಹೋಗಲಾಡಿಸಿ: ಈ ಸುಳ್ಳನ್ನು ನಂಬಬೇಡಿ

ನಮ್ಮ ಆಹಾರದ ಬಗ್ಗೆ ಅನೇಕ ಪುರಾಣಗಳು ಸಾಕಷ್ಟು ಜನಪ್ರಿಯವಾಗಿವೆ. ಕೆಲವು ಜನರು ಇದನ್ನು ಕುರುಡಾಗಿ ನಂಬುತ್ತಾರೆ. ಗೊತ್ತಿಲ್ಲದೆ ಈ ಆಹಾರ ಸಂಬಂಧಿತ ಪುರಾಣಗಳನ್ನು ನಂಬಿ ಆರೋಗ್ಯ ಹಾಳು ಮಾಡಿಕೊಳ್ಳುತ್ತಾರೆ. ನಾವು ಅಂತರ್ಜಾಲದಲ್ಲಿ ಲಭ್ಯವಿರುವ ಎಲ್ಲಾ ಆರೋಗ್ಯ ಮತ್ತು ಆಹಾರ ಸಂಬಂಧಿತ ಸುದ್ದಿಗಳೊಂದಿಗೆ ಪ್ರಯೋಗ ಮಾಡಲು ಮುಂದಾಗುತ್ತೇವೆ. ಆದರೆ ಎಷ್ಟೋ ಮಾಹಿತಿಗಳು ನಮ್ಮ ಆರೋಗ್ಯಕ್ಕೆ ನಿಜವಾಗಿಯೂ ಒಳ್ಳೆಯದೇ? ಎಂದು ನಮ್ಮನ್ನು ಗೊಂದಲಗೊಳಿಸುತ್ತದೆ. ಈ ಲೇಖನದಲ್ಲಿ ನಾವು ಅಂತಹ ಕೆಲವು ಪುರಾಣಗಳ ಬಗ್ಗೆ ಹೇಳುತ್ತೇವೆ.

ಆರೋಗ್ಯಕರ ಮತ್ತು ಪೌಷ್ಟಿಕ ಆಹಾರವು ದೇಹವನ್ನು ರೋಗಗಳಿಂದ ರಕ್ಷಿಸುತ್ತದೆ ನಿಜ. ಆದರೆ ಆಗಾಗ್ಗೆ ಪೌಷ್ಟಿಕಾಂಶಕ್ಕೆ ಸಂಬಂಧಿಸಿದ ಕೆಲವು ಸುಳ್ಳು ಸಂಗತಿಗಳು ಜನರಲ್ಲಿ ಗೊಂದಲವನ್ನು ಮೂಡಿಸಿಸುತ್ತದೆ. ಪರಿಣಾಮವಾಗಿ, ಯಾವುದೇ ಮಾಹಿತಿ ಪಡೆಯದೆ ಜನರು ಇಂತಹ ವದಂತಿಗಳನ್ನು ಕುರುಡಾಗಿ ನಂಬುತ್ತಾರೆ. ನ್ಯೂಟ್ರಿಷನ್ ತರಬೇತುದಾರ ಮಿತುಶಿ ಅಜ್ಮೇರಾ ಕೆಲವು ಸಾಮಾನ್ಯ ಪೌಷ್ಟಿಕಾಂಶದ ಪುರಾಣಗಳ ಬಗ್ಗೆ ತಿಳಿಸಿದ್ದು, ಸತ್ಯಗಳನ್ನು ಹಂಚಿಕೊಂಡಿದ್ದಾರೆ.

ಸಕ್ಕರೆ ಆರೋಗ್ಯದ ದೊಡ್ಡ ಶತ್ರು:

ಸಕ್ಕರೆಯನ್ನು ಇಂದು ಆರೋಗ್ಯದ ದೊಡ್ಡ ಶತ್ರು ಎಂದು ಪರಿಗಣಿಸಲಾಗಿದೆ. ಆಹಾರ ತಜ್ಞರಿಂದ ಹಿಡಿದು ವೈದ್ಯರವರೆಗೆ ಎಲ್ಲರೂ ಸಾಧ್ಯವಾದಷ್ಟು ಕಡಿಮೆ ಸಕ್ಕರೆಯನ್ನು ತಿನ್ನಲು ಸಲಹೆ ನೀಡುತ್ತಾರೆ. ಇದನ್ನು ತಿಂದರೆ ಮಧುಮೇಹವೂ ಬರುತ್ತದೆ ಎಂಬ ನಂಬಿಕೆ ಕೆಲವರದಲ್ಲಿದೆ. ಇದರ ಅತಿಯಾದ ಸೇವನೆಯು ತೂಕವನ್ನು ಹೆಚ್ಚಿಸುತ್ತದೆ, ಹಲ್ಲುಗಳು ಹದಗೆಡುತ್ತವೆ ಎಂಬ ಮಾತಿದೆ.

ಸತ್ಯ ಏನೆಂದರೆ ಸಕ್ಕರೆಯು ಸಂಪೂರ್ಣವಾಗಿ ಹಾನಿಕಾರಕವಲ್ಲ. ಹೌದು, ಅತಿಯಾದ ಸಕ್ಕರೆ ಸೇವನೆಯ ಅನಾನುಕೂಲತೆಗಳಿವೆ, ಆದರೆ ಇದು ಕೆಲವು ಆರೋಗ್ಯ ಮತ್ತು ಚರ್ಮಕ್ಕೆ ಸಂಬಂಧಿಸಿದ ಪ್ರಯೋಜನಗಳನ್ನು ಹೊಂದಿದೆ. ನಿಮಗೆ ತ್ವರಿತ ಶಕ್ತಿಯ ಅಗತ್ಯವಿದ್ದರೆ, ಸಕ್ಕರೆಗಿಂತ ಉತ್ತಮವಾದದ್ದು ಯಾವುದೂ ಇಲ್ಲ. ಕಡಿಮೆ ರಕ್ತದೊತ್ತಡದಿಂದ ಬಳಲುತ್ತಿರುವ ಜನರು ತಮ್ಮೊಂದಿಗೆ ಸಕ್ಕರೆ ತುಂಡುಗಳನ್ನು ಇಟ್ಟುಕೊಳ್ಳಲು ಸಲಹೆ ನೀಡುತ್ತಾರೆ. ಇದಲ್ಲದೆ, ಸಕ್ಕರೆ ಖಿನ್ನತೆಯನ್ನು ಹೋಗಲಾಡಿಸಲು ತುಂಬಾ ಸಹಾಯಕವಾಗಿದೆ. ಖಿನ್ನತೆಯಿಂದ ಬಳಲುತ್ತಿರುವವರು ತಮ್ಮೊಂದಿಗೆ ಚಾಕೊಲೇಟ್ ಇಟ್ಟುಕೊಳ್ಳಬೇಕು, ಅದು ಅವರ ಮನಸ್ಥಿತಿಯನ್ನು ಸುಧಾರಿಸುತ್ತದೆ ಎಂದು ನೀವು ಕೇಳಿರಬೇಕು. ಆದರೆ, ಸಕ್ಕರೆಯನ್ನು ತಿನ್ನುವುದರಿಂದ ಜನರು ಮಧುಮೇಹಿಗಳಾಗುತ್ತಾರೆ ಎಂಬ ಪುರಾಣವು ಹುಟ್ಟಿಕೊಂಡಿದೆ.

ಕಾರ್ಬೋಹೈಡ್ರೇಟ್ ಮತ್ತು ಪ್ರೋಟೀನ್‌ಗಳನ್ನು ಒಟ್ಟಿಗೆ ಒದಗಿಸುವ ಆಹಾರ ಸೇವಿಸಿದರೆ..:

ಪ್ರೋಟೀನ್​​ಗಳು ಮತ್ತು ಕಾರ್ಬೋಹೈಡ್ರೇಟ್​ಗಳನ್ನು ದೇಹಕ್ಕೆ ಸಮಾನ ಪ್ರಮಾಣದಲ್ಲಿ ನೀಡಬೇಕು. ಬೆಳಗಿನ ಉಪಾಹಾರದಲ್ಲಿ ಈ ಎರಡೂ ಆಹಾರಗಳನ್ನು ಸೇವಿಸಬಾರದು ಎಂಬ ತಪ್ಪು ಕಲ್ಪನೆ ಅನೇಕರಲ್ಲಿದೆ. ಆದರೆ ಇದು ನಿಜವಲ್ಲ ಎನ್ನುತ್ತಾರೆ ತಜ್ಞರು. ಪ್ರತಿದಿನ ಬೆಳಿಗ್ಗೆ ಫೈಬರ್, ಪ್ರೋಟೀನ್, ಕಾರ್ಬೋಹೈಡ್ರೇಟ್ ಮತ್ತು ಆರೋಗ್ಯಕರ ಕೊಬ್ಬನ್ನು ಒದಗಿಸುವ ಆಹಾರವನ್ನು ಸೇವಿಸುವುದು ಒಳ್ಳೆಯದು. ಮೊಟ್ಟೆ, ತರಕಾರಿಗಳು, ಹಾಲು, ಹಣ್ಣುಗಳು, ಬೀಜಗಳು, ಓಟ್ಸ್ ತೆಗೆದುಕೊಳ್ಳಬಹುದು. ಚಯಾಪಚಯವನ್ನು ಹೆಚ್ಚಿಸುವುದರ ಜೊತೆಗೆ ಅನಗತ್ಯ ಕೊಬ್ಬನ್ನು ಸುಡುವಲ್ಲಿ ಅವು ಪ್ರಮುಖ ಪಾತ್ರವಹಿಸುತ್ತವೆ.

ಉಪವಾಸ ಮತ್ತು ಊಟವನ್ನು ಬಿಡುವುದು ತೂಕ ನಷ್ಟಕ್ಕೆ ಸಹಾಯ ಮಾಡುತ್ತದೆ:

ಉಪವಾಸ ಮಾಡುವುದು ಅಥವಾ ಊಟವನ್ನು ಬಿಡುವುದು ಸಾಮಾನ್ಯವಾಗಿ ತೂಕವನ್ನು ಕಳೆದುಕೊಳ್ಳುವ ಶಾರ್ಟ್‌ಕಟ್ ಆಗಿ ಕಂಡುಬರುತ್ತದೆ. ಆದರೆ, ರಿಯಾಲಿಟಿ ಬೇರೆಯೇ ಇದೆ. ತೂಕ ನಷ್ಟವು ಕ್ಯಾಲೋರಿ ಕೊರತೆಯಿಂದ ಸಂಭವಿಸುತ್ತದೆ, ಉಪವಾಸದಿಂದಲ್ಲ. ಊಟವನ್ನು, ವಿಶೇಷವಾಗಿ ಬೆಳಗಿನ ಉಪಾಹಾರವನ್ನು ಬಿಟ್ಟುಬಿಡುವುದು, ಆಗಾಗ್ಗೆ ಹಸಿವಿನ ಸ್ಪೈಕಲ್​ಗಳಿಗೆ ಕಾರಣವಾಗುತ್ತದೆ. ನಿಮ್ಮ ಕ್ಯಾಲೋರಿ ಅಗತ್ಯಗಳ ಆಧಾರದ ಮೇಲೆ ಸಮಯಕ್ಕೆ ಸಮತೋಲಿತ ಊಟವನ್ನು ಸೇವಿಸಿ.

ಇದನ್ನೂ ಓದಿ: ಕಿಡ್ನಿ ವೈಫಲ್ಯಕ್ಕೂ ಮುನ್ನ ದೇಹದಲ್ಲಿ ಕಂಡುಬರುವ ಆರಂಭಿಕ ಲಕ್ಷಣಗಳಿವು

ಡಿಟಾಕ್ಸ್ ಆಹಾರ:

ನೀವು ಮಾರುಕಟ್ಟೆಯಲ್ಲಿ ಅನೇಕ ರೀತಿಯ ಡಿಟಾಕ್ಸ್ ಆಹಾರಗಳು ಮತ್ತು ಪಾನೀಯಗಳನ್ನು ಕಾಣಬಹುದು. ಅವುಗಳು ನಿಮ್ಮ ದೇಹವನ್ನು ಒಳಗಿನಿಂದ ಶುದ್ಧೀಕರಿಸುತ್ತವೆ ಎಂದು ಹೇಳಿಕೊಳ್ಳುತ್ತವೆ. ಇದು ತೂಕ ನಷ್ಟದಲ್ಲಿ ಸಹ ಪರಿಣಾಮಕಾರಿ ಎನ್ನಲಾಗುತ್ತದೆ. ಡಿಟಾಕ್ಸ್ ಉತ್ಪನ್ನಗಳು ಯಕೃತ್ತು ಮತ್ತು ಕೊಲೊನ್ ಅನ್ನು ನೈಸರ್ಗಿಕವಾಗಿ ಶುದ್ಧೀಕರಿಸಲು ಸಹಾಯ ಮಾಡುತ್ತದೆ ಎಂದು ಹೇಳುತ್ತದೆ.

ಆದರೆ, ಇದು ಸತ್ಯವಲ್ಲ. ನಾವು ಗಾಳಿಯ ಮೂಲಕ ಪರಿಸರದಿಂದ ಅನೇಕ ಅಂಶಗಳನ್ನು ತೆಗೆದುಕೊಳ್ಳುತ್ತೇವೆ. ಇದರೊಂದಿಗೆ ನಮ್ಮ ದೇಹವು ಜೀರ್ಣಕ್ರಿಯೆ ಮತ್ತು ಚಯಾಪಚಯ ಕ್ರಿಯೆಯ ಮೂಲಕ ವಿಷವನ್ನು ಉತ್ಪಾದಿಸುತ್ತದೆ. ಕೆಲವು ಭೌತಿಕ ಪ್ರಕ್ರಿಯೆಗಳು ಯಕೃತ್ತು, ಶ್ವಾಸಕೋಶಗಳು, ಮೂತ್ರಪಿಂಡಗಳು ಮತ್ತು ಜೀರ್ಣಾಂಗ ವ್ಯವಸ್ಥೆಯ ಮೂಲಕ ನಮ್ಮ ದೇಹದಿಂದ ಹಾನಿಕಾರಕ ವಿಷವನ್ನು ತೆಗೆದುಹಾಕಲು ಕೆಲಸ ಮಾಡುತ್ತವೆ. ಆದ್ದರಿಂದ, ದೇಹವನ್ನು ನಿರ್ವಿಷಗೊಳಿಸಲು ನಿಮಗೆ ಯಾವುದೇ ಡಿಟಾಕ್ಸ್ ಆಹಾರದ ಅಗತ್ಯವಿಲ್ಲ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ