Star Fruit Benefits: ಸ್ಟಾರ್ ಫ್ರೂಟ್ ತಿನ್ನುವುದರಿಂದ ಎಷ್ಟೋ ಪ್ರಯೋಜನಗಳಿವೆ, ತಿಳಿದರೆ ಖಂಡಿತಾ ನೀವೂ ತಿನ್ನುತ್ತೀರಿ
ಹಣ್ಣುಗಳಲ್ಲಿ, ಸ್ಟಾರ್ ಫ್ರೂಟ್ ಹಣ್ಣು ವಿಶಿಷ್ಟ ಆಕಾರವನ್ನು ಹೊಂದಿದೆ. ಈ ನಕ್ಷತ್ರಾಕಾರದ ಹಣ್ಣು ರಸಭರಿತವಾಗಿರುವುದು ಮಾತ್ರವಲ್ಲ, ಮಾಗಿದ ಹಣ್ಣುಗಳು ಹಳದಿ ಮತ್ತು ಸಿಹಿಯಾಗಿರುತ್ತವೆ. ಇನ್ನೂ ಬಲಿಯದ ಹಣ್ಣುಗಳು ಹುಳಿಯಾಗಿರುತ್ತವೆ. ಈ ನಕ್ಷತ್ರ ಹಣ್ಣಿನಲ್ಲಿ ವಿಟಮಿನ್ ಎ, ಬಿ ಮತ್ತು ಸಿ ಸಮೃದ್ಧವಾಗಿದೆ. ಇವುಗಳನ್ನು ತಿನ್ನುವುದರಿಂದ ಆಗುವ ಆರೋಗ್ಯ ಪ್ರಯೋಜನಗಳೇನು ಈಗ ತಿಳಿಯೋಣ.
ನಾರಿನಂಶ ಅಧಿಕ: ಈ ಹಣ್ಣಿನಲ್ಲಿ ನಾರಿನಂಶ ಹೆಚ್ಚಿದ್ದು ಕ್ಯಾಲೋರಿ ಕಡಿಮೆಯಿರುತ್ತದೆ. ಇದರಲ್ಲಿರುವ ಫೈಬರ್ ಜೀರ್ಣಾಂಗ ವ್ಯವಸ್ಥೆಗೆ ಒಳ್ಳೆಯದು. ಇದಲ್ಲದೆ, ಈ ಹಣ್ಣು ಕರುಳನ್ನು ಶುದ್ಧೀಕರಿಸುತ್ತದೆ.
ಕೊಲೆಸ್ಟ್ರಾಲ್ ಅನ್ನು ನಿಯಂತ್ರಿಸುತ್ತದೆ: ಸ್ಟಾರ್ ಹಣ್ಣುಗಳು ನಿಮ್ಮ ಕೊಲೆಸ್ಟ್ರಾಲ್ ಅನ್ನು ನಿಯಂತ್ರಣದಲ್ಲಿ ಇಡುತ್ತವೆ. ಇದು ರಕ್ತದಲ್ಲಿ ಸಂಗ್ರಹವಾದ ಕೊಬ್ಬನ್ನು ಸಹ ತೆಗೆದುಹಾಕುತ್ತದೆ.
ದೇಹ ತೂಕ ಕಡಿಮೆ ಮಾಡಿಕೊಳ್ಳಲು ನೆರವು: ಪೋಷಕಾಂಶಗಳ ಪೂರ್ಣವಾಗಿದ್ದು, ಕಡಿಮೆ ಕ್ಯಾಲೋರಿ ಹೊಂದಿರುವ ಈ ಸ್ಟಾರ್ ಹಣ್ಣು ತೂಕ ಇಳಿಕೆಗೆ ಸೂಕ್ತ ಹಣ್ಣು. ಚಯಾಪಚಯವನ್ನು ಹೆಚ್ಚಿಸುತ್ತದೆ. ದೇಹದಲ್ಲಿ ಹೆಚ್ಚಿನ ಕ್ಯಾಲೊರಿಗಳನ್ನು ಕರಗಿಸಲು ಸಹಾಯ ಮಾಡುತ್ತದೆ.
ಹೃದಯಕ್ಕೆ ಒಳ್ಳೆಯದು: ಸೋಡಿಯಂ, ಪೊಟ್ಯಾಸಿಯಂ ಮತ್ತು ಇತರ ಖನಿಜಗಳಲ್ಲಿ ಸಮೃದ್ಧವಾಗಿರುವ ಸ್ಟಾರ್ ಹಣ್ಣುಗಳು ರಕ್ತದೊತ್ತಡವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.
Star Fruit Health Benefits: ಸ್ಟಾರ್ ಫ್ರೂಟ್ ತಿನ್ನುವುದರಿಂದ ಎಷ್ಟೋ ಪ್ರಯೋಜನಗಳಿವೆ
ಉತ್ತಮ ಇಮ್ಯುನಿಟಿ ಬೂಸ್ಟರ್: ಸ್ಟಾರ್ ಫ್ರೂಟ್ ನಲ್ಲಿ ವಿಟಮಿನ್ ಸಿ ಅಧಿಕವಾಗಿದೆ. ಸ್ಟಾರ್ ಹಣ್ಣಿನಲ್ಲಿ ಮೆಗ್ನೀಸಿಯಂ, ಕಬ್ಬಿಣ, ಸತು, ಮ್ಯಾಂಗನೀಸ್, ಪೊಟ್ಯಾಸಿಯಂ, ರಂಜಕವಿದೆ.