Male Infertility:ಪುರುಷರಲ್ಲಿ ಬಂಜೆತನ ಹೆಚ್ಚಳ: ಬಂಜೆತನಕ್ಕೆ ಕಾರಣ? ಚಿಕಿತ್ಸೆಗಳೇನು?

ಬಂಜೆತನ(Infertility) ಎಂಬುದು ಮಹಿಳೆ ಹಾಗೂ ಪುರುಷ ಇಬ್ಬರನ್ನೂ ಕಾಡುವಂತಹ ಸಮಸ್ಯೆಯಾಗಿದೆ. ಇಬ್ಬರಲ್ಲಿ ಯಾರೊಬ್ಬರಲ್ಲಿ ಬಂಜೆತನ ಕಾಣಿಸಿಕೊಂಡರೂ ಮಕ್ಕಳಾಗುವ ಸಾಧ್ಯತೆ ಕಡಿಮೆ ಇರುತ್ತದೆ. ಇತ್ತೀಚಿನ ದಿನಗಳಲ್ಲಿ ಪುರುಷ ಬಂಜೆತನ(Male Infertility) ಹೆಚ್ಚಾಗುತ್ತಿರುವುದು ಆತಂಕಕ್ಕೆ ಕಾರಣವಾಗಿದೆ.

ಗರ್ಭ (Pregnancy) ನಿಲ್ಲದೇ ಇದ್ದರೆ ಅದಕ್ಕೆ ಫಲವತ್ತತೆ ಸಮಸ್ಯೆಗಳನ್ನು ಹೊಂದಿರುವುದು ಕಾರಣ ಎನ್ನಲಾಗುತ್ತದೆ. ಇದಕ್ಕೆ ಹಲವು ಕಾರಣಗಳಿವೆ ಅವುಗಳ ಬಗ್ಗೆ ತಿಳಿಯೋಣ.

ಕೆಲವೊಮ್ಮೆ ಜನರು ಮಹಿಳೆಯರಿಗೆ ಮೊದಲು ಮಗುವನ್ನು ಹೊಂದುವ ಬಗ್ಗೆ ಯೋಚನೆ ಮಾಡಿ, ನಂತರ ವೃತ್ತಿ ಜೀವನದ (career) ಬಗ್ಗೆ ಚಿಂತಿಸಬಹುದು ಎಂದು ಸಲಹೆ ನೀಡುತ್ತಾರೆ, ವಯಸ್ಸು ಹೆಚ್ಚಾದಷ್ಟು ಬಂಜೆತನ (Infertility) ಸಮಸ್ಯೆ ಹೆಚ್ಚಾಗುತ್ತದೆ ಎಂದು ಹೇಳುತ್ತಾರೆ.

ಬಂಜೆತನ ಎಂದರೇನು? ಬಂಜೆತನಕ್ಕೆ ಕಾರಣಗಳೇನು?, ಪುರುಷ ಹಾಗೂ ಸ್ತ್ರೀ ಬಂಜೆತನಕ್ಕೆ ಕಾರಣವೇನು, ಬಂಜೆತನದ ವಾಸ್ತವತೆಗಳು, ಬಂಜೆತನಕ್ಕೆ ಚಿಕಿತ್ಸೆಗಳೇನು? ಎಂಬುದರ ಕುರಿತು ಇಲ್ಲಿ ಮಾಹಿತಿ ನೀಡಲಾಗುತ್ತಿದೆ.

ಬಂಜೆತನ ಎಂದರೇನು?
ದೀರ್ಘಕಾಲದಿಂದ ಮಗುವಿಗಾಗಿ ಪ್ರಯತ್ನಿಸುತ್ತಿದ್ದರೆ ಮತ್ತು ಅದೆಷ್ಟು ಬಾರಿ ಪ್ರಯತ್ನಿಸಿದರೂ ಗರ್ಭಿಣಿಯಾಗದಿದ್ದರೆ (pregnant ) ಅಥವಾ ಪದೇ ಪದೇ ಗರ್ಭಪಾತವಾಗುತ್ತಿದ್ದರೆ, ಈ ಸ್ಥಿತಿಯನ್ನು ಬಂಜೆತನದ ಸಮಸ್ಯೆ ಎಂದು ಹೆಳಲಾಗುತ್ತದೆ, ಆದರೆ ಈ ವಿಷಯಗಳಿಗೆ ವಯಸ್ಸೊಂದಿಗೆ ಮಾತ್ರ ಯಾವುದೇ ಸಂಬಂಧವಿಲ್ಲ.

ಬಂಜೆತನದ ಸಮಸ್ಯೆಗೆ ಕಾರಣಗಳು ಹಲವಾರು ಇರುತ್ತವೆ. ಆದರೆ ಅವುಗಳ ಬಗ್ಗೆ ಚಿಂತಿಸಲು ಏನೂ ಇಲ್ಲ. ಇದರ ಚಿಕಿತ್ಸೆ (treatment) ಅಸ್ತಿತ್ವದಲ್ಲಿದೆ ಮತ್ತು ಚಿಕಿತ್ಸೆಯಿಂದ ಗುಣಪಡಿಸಬಹುದು. 35 ವರ್ಷದ ನಂತರ ಫಲವತ್ತತೆ ದುರ್ಬಲಗೊಳ್ಳುತ್ತದೆ ಎಂಬುದೂ ನಿಜ. ಆದರೆ ಅದಕ್ಕಾಗಿ ನೀವು ಎಗ್ಸ್ ಫ್ರೀಜ್ (freeze the eggs) ಮಾಡಬಹುದು.

ಬಂಜೆತನಕ್ಕೆ ಕಾರಣಗಳು
ಬಂಜೆತನಕ್ಕೆ ಒಂದೇ ಕಾರಣವಿಲ್ಲ, ಆದರೆ ಮುಟ್ಟಿನ ಸಮಸ್ಯೆಯಿಂದ ಬಳಲುತ್ತಿರುವ ಮಹಿಳೆಯರಿಗೆ ಬಂಜೆತನದ ಸಮಸ್ಯೆ ಉಂಟಾಗುವ ಸಾಧ್ಯತೆ ಇದೆ. ಮಹಿಳೆಯರಲ್ಲಿ ಹಾರ್ಮೋನ್ ಏರಿಳಿತಗಳು ಸಹ ಸಾಕಷ್ಟು ಸಾಮಾನ್ಯವಾಗಿದ್ದು, ಇದು ಮತ್ತೊಂದು ಕಾರಣವಾಗಬಹುದು.
ಎಂಡೊಮೆಟ್ರಿಯಾಸಿಸ್ ಅಥವಾ ಫೈಬ್ರಾಯ್ಡ್ ಗಳಂತಹ ಅನೇಕ ರೋಗಗಳು ಸಹ ಒಂದು ಕಾರಣವಾಗಬಹುದು. ಇತ್ತೀಚಿನ ದಿನಗಳಲ್ಲಿ ಜೀವನಶೈಲಿಯೂ (Lifestyle) ಇದಕ್ಕೆ ಮುಖ್ಯ ಕಾರಣವಾಗಿದೆ. ಜೀವನ ಶೈಲಿ ಸರಿಯಾಗಿರದೇ ಇದ್ದರೆ, ಆರೋಗ್ಯಕರ ನಿಯಮಗಳನ್ನು ಪಾಲಿಸದೇ ಇದ್ದರೆ ಅದರಿಂದ ಬಂಜೆತನ ಕಾಣಿಸಿಕೊಳ್ಳುತ್ತದೆ.

ಪುರುಷ ಬಂಜೆತನಕ್ಕೆ ಕಾರಣವೇನು?
ಸಾಮಾನ್ಯವಾಗಿ ಬಂಜೆತನ ಸಮಸ್ಯೆ ಮಹಿಳೆಯರಿಗೆ ಮಾತ್ರವೇ ಸಂಬಂಧಿಸಿದ್ದು ಎಂಬುದಾಗಿ ಭಾವಿಸುತ್ತೇವೆ. ಆದರೆ ಪುರುಷರು ಸಹ ಬಂಜೆತನಕ್ಕೆ ಒಳಗಾಗಬಹುದು. ಹೀಗಾಗಿ ಬಂಜೆತನವು ಮಹಿಳೆಯರಿಗೆ ಮಾತ್ರ ಸಂಬಂಧಿಸಿದ ವಿಷಯವಲ್ಲ ಎಂಬುದು ಸತ್ಯ.

ಕೆಲ ಸಂದರ್ಭದಲ್ಲಿ ಆರೋಗ್ಯವಾಗಿದ್ದರೂ, ಮಹಿಳೆಯೊಬ್ಬಳು ಗರ್ಭ ಧರಿಸಲು ಸಾಧ್ಯವಾಗದಂತಹ ಸನ್ನಿವೇಶ ಎದುರಾಗುತ್ತದೆ. ಆಕೆ ಗರ್ಭ ಧರಿಸುವ ಎಲ್ಲಾ ಸಾಮರ್ಥ್ಯ ಹಾಗೂ ಬಂಜೆತನ ಸಮಸ್ಯೆಯೇ ಆಕೆಯಲ್ಲಿ ಇಲ್ಲದಿದ್ದಾಗ ಅದು ಹೇಗೆ ಸಾಧ್ಯ ಎಂಬ ಪ್ರಶ್ನೆ ಎದುರಾಗುತ್ತದೆ.

ಇದಕ್ಕೆ ಕಾರಣ ಆಕೆಯ ಸಂಗಾತಿ. ಸ್ತ್ರೀಯ ಗರ್ಭಧಾರಣೆಯನ್ನು ಸಕ್ರಿಯಗೊಳಿಸಲು ಆಕೆಯ ಸಂಗಾತಿ ಪ್ರಾಯೋಗಿಕವಾಗಿ ಅಸಮರ್ಥನಾದಾಗ ಮಹಿಳೆ ಗರ್ಭಧರಿಸುವುದು ಅಸಾಧ್ಯವಾಗುತ್ತದೆ. ಇದನ್ನೇ ಪುರುಷ ಬಂಜೆತನ ಅಥವಾ Male infertility ಎಂದು ಕರೆಯುತ್ತೇವೆ.

ಈ ಸಮಸ್ಯೆಯನ್ನು ಮೂರು ವಿಧಗಳಾಗಿ ವಿಂಗಡಿಸಬಹುದು:

ಅಜೂಸ್ಪರ್ಮಿಯಾ: ಪುರುಷನ ವೀರ್ಯ (ಸಂಭೋಗ ಸಮಯದಲ್ಲಿ ಸ್ಖಲನಗೊಳ್ಳುವ ದ್ರವ) ಯಾವುದೇ ಗುಣಮಟ್ಟದ ವೀರ್ಯಾಣುವನ್ನು ಹೊಂದಿರುವುದಿಲ್ಲ, ಅಥವಾ ತುಂಬಾ ಕಡಿಮೆ ಗುಣಮಟ್ಟದ ವೀರ್ಯಾಣುಗಳನ್ನು ಹೊಂದಿರಬಹುದು. ಇದರಿಂದಾಗಿ ಸ್ತ್ರೀ ದೇಹದಲ್ಲಿನ ಮೊಟ್ಟೆಗಳು ಫಲವತ್ತಾಗದೆ ಗರ್ಭಧಾರಣೆ ಆಗುವುದಿಲ್ಲ.

ಆಲಿಗೋಸ್ಪೆರ್ಮಿಯಾ: ಅಂದರೆ ಸಾಮಾನ್ಯವಾಗಿ ಪುರುಷರ ದೇಹದಲ್ಲಿ ಎಷ್ಟು ವೀರ್ಯಾಣುವಿರಬೇಕೋ, ಅದಕ್ಕಿಂತ ವೀರ್ಯಾಣುಗಳ ಸಂಖ್ಯೆ ಕಡಿಮೆ ಇರುತ್ತದೆ. ಡಾ. ರೆಡ್ಡಿ ಪ್ರಕಾರ, ವಯಸ್ಕ ಪುರುಷನ ಸಾಮಾನ್ಯ ವೀರ್ಯಾಣುಗಳ ಸಂಖ್ಯೆ ಪ್ರತಿ ಮಿಲಿಲೀಟರ್ ವೀರ್ಯಕ್ಕೆ ಒಂದೂವರೆ ಕೋಟಿ ವೀರ್ಯ ಕೋಶಗಳು ಅಥವಾ ಕಣಗಳಾಗಿರಬೇಕು. ಈ ಸಂಖ್ಯೆಯಲ್ಲಿ ಕಡಿಮೆಯಾದರೆ ಅದು ಬಂಜೆತನಕ್ಕೆ ಕಾರಣವಾಗಬಹುದು.

ವರಿಕೋಸೆಲ್​: ಇದು ಪುರುಷರ ವೃಷಣಗಳನ್ನು ಹೊಂದಿರುವ ಸಡಿಲ ಚೀಲದೊಳಗೆ ರಕ್ತನಾಳಗಳ ಹಿಗ್ಗುವಿಕೆಯನ್ನು ಸೂಚಿಸುತ್ತದೆ. ಅಂದರೆ, ವರಿಕೋಸೆಲ್​ ಕಡಿಮೆ ವೀರ್ಯ ಉತ್ಪಾದನೆ ಅಥವಾ ವೀರ್ಯದ ಗುಣಮಟ್ಟ ಕಡಿಮೆಯಾಗಿ ಬಂಜೆತನಕ್ಕೆ ಕಾರಣವಾಗುತ್ತದೆ.ದೇಹದಲ್ಲಿ ಹಾರ್ಮೋನುಗಳ ಅಸಮತೋಲನವನ್ನು ಉಂಟುಮಾಡುವ ಒಂದು ಆನುವಂಶಿಕ ಅಂಶದಿಂದಲೂ ಬಂಜೆತನಕ್ಕೆ ಕಾರಣವಾಗಬಹುದು.

ಸ್ತ್ರೀ ಬಂಜೆತನಕ್ಕೆ ಕಾರಣವೇನು?
ಸ್ತ್ರೀ ಬಂಜೆತನಕ್ಕೆ ಸಾಮಾನ್ಯ ಕಾರಣಗಳಲ್ಲಿ ಒಂದು ಅಂಡೋತ್ಪತ್ತಿ ಅಸ್ವಸ್ಥತೆಗಳು. ಆಗಾಗ ಅಥವಾ ಕಡಿಮೆ ಋತುಸ್ರಾವವು ಸಾಮಾನ್ಯವಾಗಿ ಅಂಡೋತ್ಪತ್ತಿ ಅಸ್ವಸ್ಥತೆಗಳನ್ನು ಸೂಚಿಸುತ್ತದೆ ಮತ್ತು ಬಂಜೆತನಕ್ಕೆ ಕಾರಣವಾಗಬಹುದು. ಸಂತಾನೋತ್ಪತ್ತಿ ವಯಸ್ಸಿನ ಮಹಿಳೆಯರಲ್ಲಿ ಆಗಾಗ ಅಥವಾ ಕಡಿಮೆ ಋತುಸ್ರಾವವು ಸಾಮಾನ್ಯ ಸಮಸ್ಯೆಯಾಗಿದೆ.

ಸ್ತ್ರೀ ಬಂಜೆತನ
ಇತ್ತೀಚಿನ ವರ್ಷಗಳಲ್ಲಿ 30 ವರ್ಷದ ಕೆಳಗಿನ ಮಹಿಳೆಯರಿಗೂ ಸಹ ಬಂಜೆತನ ಸಮಸ್ಯೆ ಕಂಡುಬರುತ್ತಿದೆ. 10 ರಿಂದ 18% ಯುವ ದಂಪತಿ ಬಂಜೆತನದ ಸಮಸ್ಯೆಯನ್ನೆದುರಿಸುತ್ತಿದ್ದಾರೆ ಎನ್ನುತ್ತದೆ ಇತ್ತೀಚಿನ ಅಧ್ಯಯನ.

ದೋಷಯುಕ್ತ ಅಂಡೋತ್ಪತ್ತಿ ಪ್ರಕ್ರಿಯೆ
ಅಂಡಾಶಯಗಳು ಪ್ರತಿ ತಿಂಗಳು ಒಂದು ಮೊಟ್ಟೆಯನ್ನು ಬಿಡುಗಡೆ ಮಾಡುತ್ತವೆ. ಉತ್ತಮ ಆರೋಗ್ಯ ಹಾಗೂ ಗರ್ಭಾಶಯ ಸುಸ್ಥಿತಿಯಲ್ಲಿರುವ ಮಹಿಳೆಯರಿಗೆ ತಿಂಗಳಿಗೊಮ್ಮೆ ಒಂದು ಅಂಡೋತ್ಪತ್ತಿಯಾಗಬೇಕು. ಪಿಸಿಓಎಸ್‌ನಿಂದ ಬಳಲುವ ಮಹಿಳೆಯರಲ್ಲಿ ಈ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ.

ಅಂಡೋತ್ಪತ್ತಿ, ಇನ್ಸುಲಿನ್ ಪ್ರತಿರೋಧ ಮತ್ತು ಸ್ಥೂಲಕಾಯದ ಮೇಲೆ ಪರಿಣಾಮ ಬೀರುವ ಹಾರ್ಮೋನ್‌ಗಳ ಪರಿಣಾಮದಿಂದ ಹೀಗಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಮಹಿಳೆಯರು ಎಎಮೆಚ್‌ಗಳನ್ನು ಕಡಿಮೆ ಪ್ರಮಾಣದಲ್ಲಿ ಹೊಂದಿರುತ್ತಾರೆ. ಅಂತವರ ಅಂಡಾಶಯಗಳಿಗೆ ಕಾಲಕ್ಕಿಂತ ಬೇಗ ವಯಸ್ಸಾಗುತ್ತದೆ. ಒತ್ತಡ, ಮಾಲಿನ್ಯ ,ಥೈರಾಯ್ಡ್ ಸಮಸ್ಯೆಗಳು ಬಂಜೆತನಕ್ಕೆ ಕಾರಣವಾಗಬಹುದು ಎನ್ನುತ್ತಾರೆ ವೈದ್ಯರು.

ಹಾರ್ಮೋನ್ ಅಸಮತೋಲನ
ಪಿಟ್ಯುಟರಿ ಗ್ರಂಥಿಯಿಂದ ಉತ್ಪತ್ತಿಯಾಗುವ ಎರಡು ಹಾರ್ಮೋನುಗಳು ಪ್ರತಿ ತಿಂಗಳೂ ಅಂಡೋತ್ಪತ್ತಿಯಾಗಲು ಕಾರಣವಾಗುತ್ತವೆ. ಎಫ್ಎಸ್ಎಚ್ ಮತ್ತು ಎಲ್ಎಚ್. ಹೆಚ್ಚಿನ ದೈಹಿಕ ಒತ್ತಡ, ಮತ್ತು ಹೆಚ್ಚು ಅಥವಾ ಕಡಿಮೆ ದೇಹದ ತೂಕ ಈ ಹಾರ್ಮೋನುಗಳ ಉತ್ಪಾದನೆಯನ್ನು ಅಡ್ಡಿಪಡಿಸುತ್ತದೆ ಮತ್ತು ಅಂಡೋತ್ಪತ್ತಿ ಮೇಲೆ ಪರಿಣಾಮ ಬೀರಬಹುದು. ಪಿಟ್ಯುಟರಿ ಗ್ರಂಥಿಯಿಂದ ಪ್ರೋಲ್ಯಾಕ್ಟಿನ್ ಹಾರ್ಮೋನ್ ಅತಿಯಾಗಿ ಉತ್ಪತ್ತಿಯಾದರೆ (ಹೈಡ್ರೋಪ್ರೊಲ್ಯಾಕ್ಟಿನೇಮಿಯಾ) ಈಸ್ಟ್ರೊಜೆನ್ ಉತ್ಪಾದನೆಯನ್ನು ಕಡಿಮೆ ಮಾಡುತ್ತದೆ ಮತ್ತು ಬಂಜೆತನಕ್ಕೆ ಕಾರಣವಾಗುತ್ತದೆ ಎಂದು ಸ್ತ್ರೀ ರೋಗ ತಜ್ಞರು ಹೇಳುತ್ತಾರೆ.

ಅಕಾಲಿಕ ಅಂಡಾಶಯದ ವಿಫಲತೆ
ಈ ಅಸ್ವಸ್ಥತೆಯು ಸಾಮಾನ್ಯವಾಗಿ ಆಟೋಇಮ್ಯೂನ್ ಪ್ರತಿಕ್ರಿಯೆ ಅಥವಾ ಅಂಡಾಶಯದಿಂದ ಮೊಟ್ಟೆಗಳ ಅಕಾಲಿಕ ನಷ್ಟದಿಂದ ಉಂಟಾಗುತ್ತದೆ. ಅಂಡಾಶಯವು ಇನ್ನು ಮುಂದೆ ಮೊಟ್ಟೆಗಳನ್ನು ಉತ್ಪತ್ತಿ ಮಾಡುವುದಿಲ್ಲ ಮತ್ತು 30 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಹಿಳೆಯರಲ್ಲಿ ಈಸ್ಟ್ರೊಜೆನ್ ಉತ್ಪಾದನೆಯನ್ನು ಕಡಿಮೆಗೊಳಿಸುತ್ತದೆ. ಇದು ಜೆನೆಟಿಕ್ ಆಗಿರಬಹುದು ಅಥವಾ ಕಿಮೊಥೆರಪಿಯ ಪರಿಣಾಮವಾಗಿರಬಹುದು.

ಬಂಜೆತನಕ್ಕೆ ಚಿಕಿತ್ಸೆಗಳು ಯಾವುವು?
ದಂಪತಿಗಳನ್ನು ಮೌಲ್ಯಮಾಪನ ಮಾಡಿದ ನಂತರ, ತಜ್ಞರು ಚಿಕಿತ್ಸೆಯ ಸೂಕ್ತ ಆಯ್ಕೆಯ ಬಗ್ಗೆ ಅವರಿಗೆ ಸಲಹೆ ನೀಡಲು ಸಾಧ್ಯವಾಗುತ್ತದೆ.

ಕೃತಕ ಗರ್ಭಧಾರಣೆ ಅಥವಾ ಗರ್ಭಾಶಯದ ಗರ್ಭಧಾರಣೆ (ಐಯುಐ)

ಐವಿಎಫ್ (ಇನ್ ವಿಟ್ರೋ ಫರ್ಟಿಲೈಸೇಶನ್)

ಉಡುಗೊರೆ (ಗ್ಯಾಮೆಟ್ ಇಂಟ್ರಾಫಾಲೋಪಿಯನ್ ವರ್ಗಾವಣೆ)

ಝೈಫ್ಟಿ (ಝೈಗೋಟ್ ಇಂಟ್ರಾಫಾಲೋಪಿಯನ್ ವರ್ಗಾವಣೆ)

ಐಸಿಎಸ್ಐ (ಇನ್ಟ್ರಾಸೈಟೋಪ್ಲಾಸ್ಮಿಕ್ ಸ್ಪರ್ಮ್ ಇಂಜೆಕ್ಷನ್)

MAA (ಮೈಕ್ರೋಸರ್ಜಿಕಲ್ ಎಪಿಡಿಡಿಮಲ್ ಸ್ಪರ್ಮ್ ಆಸ್ಪಿರೇಶನ್)

TATಇ (ವೃಷಣದ ವೀರ್ಯ ಹೊರತೆಗೆಯುವಿಕೆ)

ಆರೋಗ್ಯ ಸಂಬಂಧಿತ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ