Monsoon Health Tips: ಮಳೆಗಾಲದಲ್ಲಿ ಮಕ್ಕಳು ಜೋಪಾನ, ಈ ಕಾಯಿಲೆಗಳು ಬರಬಹುದು, ಇಲ್ಲಿದೆ ತಜ್ಞರ ಸಲಹೆ

ಮಳೆಗಾಲ ಆರಂಭವಾಗಿದೆ. ಸಹಜವಾಗಿಯೇ ಮಕ್ಕಳನ್ನು ಈ ಸಮಯದಲ್ಲಿ ಜೋಪಾನ ಮಾಡುವುದು ಮುಖ್ಯ. ಇದೆಲ್ಲದರ ಜೊತೆ ಜೊತೆಯಲ್ಲಿ ಕರೆಯದೆ ಬರುವ ಅತಿಥಿ ಎಂದರೆ ಸಾಂಕ್ರಾಮಿಕ ರೋಗಗಳು. ಮಕ್ಕಳು ಮಳೆಯಲ್ಲಿ ನೆನೆಯುವುದರಿಂದ, ನಾಲಿಗೆಯ ಮೇಲೆ ಮಳೆ ಹನಿಗಳನ್ನು ಬಿಳಿಸಿಕೊಳ್ಳುವುದರಿಂದ, ಕೊಚ್ಚೆ ಗುಂಡಿಗಳ ಮೇಲೆ ಜಿಗಿಯುವುದು, ಮೊಣಕಾಲು ಆಳದ ನೀರಿನಲ್ಲಿ ನಡೆಯುವ ಸಾಹಸ ಮತ್ತು ಕೆಲವು ಹೆಚ್ಚುವರಿ ಶಾಲಾ ರಜಾದಿನಗಳಲ್ಲಿ ಮಳೆಯಲ್ಲಿ ಆಟವಾಡುವುದರಿಂದ ವೈರಲ್ ಜ್ವರ, ನ್ಯುಮೋನಿಯಾ ಮತ್ತು ಲೆಪ್ಟೋಸ್ಪಿರೋಸಿಸ್ನಂತಹ ರೋಗಗಳು ಮೊದಲ ಮಳೆಯೊಂದಿಗೆ ಬರುತ್ತವೆ ಇವುಗಳಲ್ಲಿ ಅನೇಕ ರೋಗವನ್ನು ತಡೆಗಟ್ಟಲು ಸಾಧ್ಯವಿಲ್ಲವಾದರೂ, ನಾವು ಅವುಗಳ ವಿರುದ್ಧ ಕೆಲವು ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳಬಹುದು.

ಹಾಗಾದರೆ ಮುಂಗಾರಿನಲ್ಲಿ ಮಕ್ಕಳನ್ನು ಸಿದ್ಧಪಡಿಸಲು ಸಹಾಯ ಮಾಡುವ ಕೆಲವು ಸಲಹೆಗಳ ಬಗ್ಗೆ ನಿಮಗೆ ತಿಳಿದಿದೆಯಾ? ಇಲ್ಲಿದೆ ಮಾಹಿತಿ

-ಟೈಫಾಯಿಡ್, ವೈರಸ್​​ಗಳಿಂದ ಹೆಪಟೈಟಿಸ್ ಮತ್ತು ಅತಿಸಾರದಂತಹ ನೀರಿನಿಂದ ಹರಡುವ ಕಾಯಿಲೆಗಳು ಸಾಮಾನ್ಯವಾಗಿದೆ ಮತ್ತು ತಡೆಗಟ್ಟಲು ಲಸಿಕೆಗಳು ಲಭ್ಯವಿದೆ. ಮಾನ್ಸೂನ್ ಪ್ರಾರಂಭವಾಗುವ ಮೊದಲು ಪೋಷಕರು ತಮ್ಮ ವೈದ್ಯರೊಂದಿಗೆ ಅಗತ್ಯವಿರುವ ಲಸಿಕೆಗಳ ಬಗ್ಗೆ ಪರಿಶೀಲಿಸಬೇಕು. ಇವು ಕೆಲವು ರೀತಿಯ ವೈರಲ್ ಸೋಂಕುಗಳು ಮತ್ತು ನ್ಯುಮೋನಿಯಾದಂತಹ ಜ್ವರ ಮತ್ತು ನ್ಯುಮೋಕೊಕಲ್ ಅನ್ನು ತಡೆಗಟ್ಟಲು ಸಹಾಯ ಮಾಡುತ್ತದೆ. ಉಸಿರಾಟದ ತೊಂದರೆ ಇರುವ ಮಕ್ಕಳಿಗೆ ಅದನ್ನು ತಡೆಗತ್ತಲು ಅಥವಾ ಕಡಿಮೆ ಮಾಡಲು ಮೊದಲೇ ಔಷಧಿಗಳನ್ನು ಸಹ ಪ್ರಾರಂಭಿಸಬಹುದು.

-ಕುದಿಸಿ ಫಿಲ್ಟರ್ ಮಾಡಿದ ಶುದ್ಧ ಕುಡಿಯುವ ನೀರು, ರೋಗಗಳನ್ನು ಸರಳವಾಗಿ ತಡೆಗಟ್ಟುವ ಕ್ರಮವಾಗಿದೆ. ರಸ್ತೆ ಬದಿಯ ತಿನಿಸುಗಳನ್ನು ಹೆಚ್ಚಾಗಿ ತಪ್ಪಿಸಿ ಮತ್ತು ಹೊರಗೆ ಅಥವಾ ಬೇರೆ ಎಲ್ಲಿಯಾದರೂ ಪ್ರಯಾಣಿಸುವಾಗ ಬಿಸಿ ಬಿಸಿಯಾದ ಹಾಗೂ ಫ್ರೆಶ್ ಆಗಿ ಬೇಯಿಸಿದ ಆಹಾರ ಮತ್ತು ನೀವು ಮನೆಯಿಂದ ತೆಗೆದುಕೊಂಡು ಹೋದ ನೀರು ಅಥವಾ ಆಹಾರವನ್ನು ಮಾತ್ರ ಕುಡಿಯಲು, ತಿನ್ನಲು ಕೊಡಿ.

-ಶಾಲಾ ಬ್ಯಾಗ್​​​ಗಳನ್ನು ಸಾಧ್ಯವಾದಷ್ಟು ಹಗುರವಾಗಿರಿಸಿಕೊಳ್ಳಿ ಮತ್ತು ಮಗು ಶಾಲೆಯಲ್ಲಿಯೇ ಹೆಚ್ಚು ಸಮಯ ಕಳೆಯ ಬೇಕಾದಲ್ಲಿ ಅವರಿಗೆ ಹಾಳಾಗದ ಎನರ್ಜಿ  ಅಥವಾ ಹೆಚ್ಚಿನ ಶಕ್ತಿ ನೀಡುವ ಆಹಾರವನ್ನು ಪ್ಯಾಕ್ ಮಾಡಿ ಮತ್ತು ನೀರನ್ನು ಕುಡಿಯಲು ಕೊಡಿ.

-ನಿಮ್ಮ ಮಗು ಹೋಗುವ ದಾರಿಯಲ್ಲಿ ಕೊಳಕು ನೀರು ಇದ್ದಲ್ಲಿ, ಅದರ ಮೂಲಕವೇ ನಿಮ್ಮ ಮಗು ಹೋಗಬೇಕಾದಲ್ಲಿ ನೀವು ಏನು ಮಾಡಬಹುದು? ನಿಮ್ಮ ಮಗುವನ್ನು ಶುಷ್ಕವಾಗಿಡುವುದು ಬಹಳ ಮುಖ್ಯವಾದ್ದರಿಂದ ನಿಮ್ಮ ಮಗುವಿಗೆ ಉತ್ತಮ ರೇನ್ ಕೋಟ್ ಮತ್ತು ವಾಟರ್ ಪ್ರೂಫ್ ಬೂಟ್ ಗಳನ್ನು ಹಾಕಿ ಕಳಿಸಿ . ಏಕೆಂದರೆ ಲೆಪ್ಟೋಸ್ಪಿರೋಸಿಸ್ ರೋಗವು ಕೊಳಕು ನೀರು ನಿಮ್ಮ ಪಾದಗಳಿಗೆ ಸಣ್ಣ ಕಡಿತಗಳ ಮೂಲಕ ಪ್ರವೇಶಿಸಬಹುದಾದ್ದರಿಂದ ಪಾದರಕ್ಷೆಗಳು ಮುಖ್ಯ. ಬರಿಗಾಲಿನಲ್ಲಿ ನೀರಿನಲ್ಲಿ ಆಟವಾಡುವುದು ತುಂಬಾ ಆಹ್ಲಾದಕರವಾಗಿದ್ದರೂ, ಅದು ಅಪಾಯಕಾರಿಯಾಗಬಹುದು. ಆಳವಾದ ನೀರಿನಲ್ಲಿ ನಡೆಯುವಾಗ, ನಿಮ್ಮ ಮಗುವನ್ನು ಯಾವಾಗಲೂ ಸ್ನೇಹಿತರ ಗುಂಪಿನೊಂದಿಗೆ ಮತ್ತು ಪರಿಚಿತ ವಯಸ್ಕರೊಂದಿಗೆ ಇರುವಂತೆ ಎಚ್ಚರಿಸಿ ಮತ್ತು ಅಪರಿಚಿತರನ್ನು ಮನೆಗೆ ಕರೆದೊಯ್ಯುವ ಬಗ್ಗೆ ಅಥವಾ ಅವರ ಪೋಷಕರಿಂದ ಸಂದೇಶಗಳನ್ನು ತರುವ ಬಗ್ಗೆ ಮಕ್ಕಳಿಗೆ ತಿಳಿ ಹೇಳಿ. ಏಕೆಂದರೆ ವಿಪತ್ತಿನ ಸಮಯದಲ್ಲಿ ಮಕ್ಕಳು ದುರ್ಬಲರಾಗಿರುತ್ತಾರೆ. ನೀರಿನ ಮೂಲಕ ನಡೆಯುವಾಗ, ಮಕ್ಕಳು ಯಾವಾಗಲೂ ಕೈಗಳನ್ನು ಹಿಡಿದುಕೊಳ್ಳಬೇಕು ಮತ್ತು ಒಬ್ಬರು ಜಾರಿ ಬಿದ್ದರೆ ಪರಸ್ಪರ ಹಿಡಿದುಕೊಳ್ಳಲು ಸಹಕಾರಿಯಾಗುತ್ತದೆ.

-ನಿಮ್ಮ ಮಗು ಅನಾರೋಗ್ಯಕ್ಕೆ ಒಳಗಾದರೆ, ತಕ್ಷಣ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ. ಮನೆಯಲ್ಲಿಯೇ ಯಾವುದೇ ಔಷದಗಳನ್ನು ಮಾಡುವ ಬದಲು, ಲೆಪ್ಟೋಸ್ಪಿರೋಸಿಸ್ ಗೆ ಯಾವುದೇ ತಡೆಗಟ್ಟುವ ಔಷಧಿ ಅಗತ್ಯವಿದೆಯೇ ಎಂದು ನಿಮ್ಮ ವೈದ್ಯರು ನಿರ್ಧರಿಸುತ್ತಾರೆ. ಅನಗತ್ಯ ಪ್ರತಿಜೀವಕಗಳು ರೋಗನಿರ್ಣಯ ಮತ್ತು ಹೆಚ್ಚಿನ ಚಿಕಿತ್ಸೆಯನ್ನು ಕಷ್ಟಕರವಾಗಿಸಬಹುದು. ಹೆಚ್ಚಿನ ಕಾಯಿಲೆಗಳು ವೈರಸ್ ಗಳಿಂದ ಉಂಟಾಗುವುದರಿಂದ ಸ್ವಯಂ- ನಿರ್ಬಂಧಿತವಾಗಿವೆ. ಪುನರಾವರ್ತಿತ ಕೆಮ್ಮು ಮತ್ತು ಶೀತವು ಈ ಸಮಯದಲ್ಲಿ ಸಾಮಾನ್ಯ. ಜೊತೆಗೆ ಜ್ವರವು ಒಂದು ಸಾಮಾನ್ಯ ಲಕ್ಷಣವಾಗಿದೆ. ಇದು ಸಣ್ಣ ವೈರಲ್ ಕಾಯಿಲೆಗಳೊಂದಿಗೆ ಅಥವಾ ಗಂಭೀರ ಮಾರಣಾಂತಿಕ ಕಾಯಿಲೆಗಳೊಂದಿಗೆ ಸಂಭವಿಸಬಹುದು. ಇದು ಸೋಂಕಿಲ್ಲದ ಕಾಯಿಲೆಯೂ ಹೌದು. ವೈದ್ಯರನ್ನು ಸಂಪರ್ಕಿಸುವ ಮೊದಲು ಅಂದರೆ ಜ್ವರದ ಮೊದಲ ಎರಡು ದಿನಗಳವರೆಗೆ ಪೋಷಕರು ಕಾಯಬೇಕು. ನಿಮ್ಮ ಮಗು ವರ್ತಿಸುತ್ತಿರುವ ವಿಧಾನದ ಬಗ್ಗೆ ಎಲ್ಲವನ್ನೂ ಸರಿಯಾಗಿ ಗಮನಿಸಬೇಕು.

ಇದನ್ನೂ ಓದಿ: Monsoon Travel Wishlist: ಮಳೆಗಾಲದಲ್ಲಿ ಕರ್ನಾಟಕ ಸೇರಿ ಈ ಪ್ರದೇಶಗಳಿಗೆ ಪ್ರವಾಸ ಮಾಡಿ, ಇಲ್ಲಿದೆ ಅದ್ಭುತ ಸ್ಥಳಗಳು

ಈ ಋತುವಿನಲ್ಲಿ ಲೆಪ್ಟೋಸ್ಪಿರೋಸಿಸ್ ಮತ್ತು ಡೆಂಗ್ಯೂನಂತಹ ಗಂಭೀರ ಕಾಯಿಲೆಗಲು ಹರಡುತ್ತವೆ. ಅವೆಲ್ಲವೂ ಸೌಮ್ಯದಿಂದ ತೀವ್ರವಾಗುವ ವರೆಗೆ ವ್ಯಾಪಕ ವ್ಯತ್ಯಾಸ ಕಂಡುಬರುತ್ತದೆ. ಹಾಗಾಗಿ ನಿರಂತರ ಜ್ವರದಿಂದ ಬಳಲುತ್ತಿರುವ ಮಗುವಿಗೆ ವೈದ್ಯರು ಮೊದಲ ಆದ್ಯತೆಯಾಗಿ ಮಕ್ಕಳ ತಜ್ಞರು ರೋಗನಿರ್ಣಯ ಮಾಡುವುದು ಉತ್ತಮ. ಅತಿಯಾದ ಜ್ವರ, ತೀವ್ರವಾದ ನೋವು, ವಾಂತಿ ಅಥವಾ ತುಂಬಾ ದಿನಗಳವರೆಗೆ ಇರುವ ಯಾವುದೇ ರೋಗಲಕ್ಷಣಗಳು, ವಿಶೇಷವಾಗಿ ಮಂಪರು ಅಥವಾ ಸೆಳೆತದಂತಹ ಗಂಭೀರ ರೋಗಲಕ್ಷಣಗಳು ಕಂಡು ಬಂದಲ್ಲಿ ನಿಮ್ಮ ವೈದ್ಯರನ್ನು ಫೋನ್ ನಲ್ಲಿ ಸಂಪರ್ಕಿಸಲು ಮತ್ತು ಸಮಯವನ್ನು ವ್ಯರ್ಥ ಮಾಡಲು ಹೆಣಗಾಡುವ ಬದಲು ಹತ್ತಿರದ ತುರ್ತು ಚಿಕಿತ್ಸಾ ಘಟಕಕ್ಕೆ ಭೇಟಿ ನೀಡಿ. ನಿಮ್ಮ ವೈದ್ಯರು ಆಸ್ಪತ್ರೆಗೆ ಭೇಟಿ ನೀಡಲು ಅಥವಾ ದಾಖಲಿಸಲು ಸಲಹೆ ನೀಡಿದರೆ, ಅದನ್ನು ಅನುಸರಿಸುವುದು ಉತ್ತಮ.

ಆರೋಗ್ಯಕ್ಕೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ