International Yoga Day 2022: 40 ವರ್ಷ ವಯಸ್ಸಿನ ನಂತರ ಯೋಗವನ್ನು ಪ್ರಾರಂಭಿಸುವವರು ಈ ವಿಷಯಗಳನ್ನು ತಿಳಿದುಕೊಳ್ಳಬೇಕು..!
ಯೋಗವನ್ನು ಪ್ರಾರಂಭಿಸಲು ಯಾವುದೇ ವಯಸ್ಸಿಲ್ಲ. ಅದು ಮಗುವಾಗಲಿ ಅಥವಾ ವಯಸ್ಸಾದವರಾಗಲಿ, ಯಾರು ಬೇಕಾದರೂ ಯೋಗ ಮಾಡಬಹುದು.
ನಮ್ಮ ದೇಹ ಮತ್ತು ಮನಸ್ಸು ಆರೋಗ್ಯವಾಗಿಡಲು ಯೋಗ (Yoga) ವನ್ನು ಮಾಡಲಾಗುತ್ತದೆ. ದೇಹದ ಬಹುತೇಕ ಎಲ್ಲಾ ಕಾಯಿಲೆಗಳನ್ನು ಯೋಗದ ಮೂಲಕ ಗುಣಪಡಿಸಬಹುದಾಗಿದೆ. ಯೋಗದ ಮಹತ್ವ ಮತ್ತು ಪ್ರಾಮುಖ್ಯತೆಯನ್ನು ಗಮನದಲ್ಲಿಟ್ಟುಕೊಂಡು ಪ್ರತಿ ವರ್ಷ ಜೂನ್ 21 ರಂದು ಪ್ರಪಂಚದಾದ್ಯಂತ ಅಂತರರಾಷ್ಟ್ರೀಯ ಯೋಗ (International Yoga Day 2022) ದಿನವನ್ನು ಆಚರಿಸಲಾಗುತ್ತದೆ. ಭಾರತದಲ್ಲೂ ಕಳೆದ ಕೆಲವು ವರ್ಷಗಳಿಂದ ಯೋಗದ ಬಗ್ಗೆ ಹೆಚ್ಚಿನ ಜನರಲ್ಲಿ ಆಸಕ್ತಿ ಮೂಡಿದೆ. ಕರೋನಾ ಬಂದ ನಂತರ ಆರೋಗ್ಯದ ಬಗ್ಗೆ ಸಾಕಷ್ಟು ಜಾಗೃತಿ ಉಂಟಾಗಿದೆ. ಇದರಿಂದಾಗಿ ಎಲ್ಲಾ ವಯಸ್ಸಿನ ಜನರು ಯೋಗವನ್ನು ಮಾಡಲು ಪ್ರಾರಂಭಿಸಿದ್ದಾರೆ. ಹೆಚ್ಚಿನ ಜನರು ಆರೋಗ್ಯವಾಗಿರಲು ಯೋಗ ಆಸನಗಳನ್ನು ಮಾಡಲು ಆಸಕ್ತಿ ತೋರುತ್ತಿದ್ದಾರೆ. 40 ವರ್ಷಕ್ಕಿಂತ ಮೇಲ್ಪಟ್ಟ ಜನರು ಅದರ ಬಗ್ಗೆ ಜಾಗೃತಿ ಮೂಡಿಸಲು ಪ್ರಾರಂಭಿಸಿದ್ದಾರೆ. ಯೋಗಾಸನಗಳನ್ನು ಏಕಾಂಗಿಯಾಗಿ ಪ್ರಾರಂಭಿಸಬಹುದು ಅಥವಾ ನೀವು ಅರ್ಹ ಬೋಧಕರ ಸಲಹೆಯನ್ನು ಸಹ ತೆಗೆದುಕೊಳ್ಳಬಹುದು. ನೀವು 40 ವರ್ಷ ದಾಟಿದ್ದು, ಮತ್ತು ಯೋಗವನ್ನು ಪ್ರಾರಂಭಿಸಲು ಹೊರಟಿದ್ದರೆ, ನೀವು ಕೆಲವು ವಿಷಯಗಳನ್ನು ತಿಳಿದುಕೊಳ್ಳುವುದರೊಂದಿಗೆ ಅನುಸರಿಸುವುದು ಅವಶ್ಯಕವಾಗಿದೆ.
ಅಂದಹಾಗೆ, ಯೋಗವನ್ನು ಪ್ರಾರಂಭಿಸಲು ಯಾವುದೇ ವಯಸ್ಸಿಲ್ಲ. ಅದು ಮಗುವಾಗಲಿ ಅಥವಾ ವಯಸ್ಸಾದವರಾಗಲಿ, ಯಾರು ಬೇಕಾದರೂ ಯೋಗ ಮಾಡಬಹುದು. ಆದಾಗ್ಯೂ, ಯೋಗವನ್ನು ಪ್ರಾರಂಭಿಸುವ ಮೊದಲು, ಸಮಯ, ಸಂದರ್ಭ ಮತ್ತು ಸನ್ನಿವೇಶವನ್ನು ಪರಿಗಣಿಸುವುದು ಸಹ ಅಗತ್ಯವಾಗಿದೆ. ಚಿಕ್ಕ ವಯಸ್ಸಿನಲ್ಲಿ ದೇಹ ಎಲ್ಲದಕ್ಕೂ ಹೊಂದಿಕೊಳ್ಳುತ್ತದೆ. ಆದರೆ ವಯಸ್ಸಾದಂತೆ ದೇಹ ನಮ್ಮ ಮಾತು ಕೇಳುವುದಿಲ್ಲ. ದೇಹದಲ್ಲಿ ಬಿಗಿತದ ಜೊತೆಗೆ ತೂಕ ಹೆಚ್ಚಾಗುವ ಸಮಸ್ಯೆ ಕಂಡುಬರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ 40 ವರ್ಷ ವಯಸ್ಸಿನ ನಂತರ, ಸೂಕ್ಷ್ಮ ಯೋಗಾಸನದೊಂದಿಗೆ ಯೋಗಾಭ್ಯಾಸ ಪ್ರಾರಂಭಿಸುವುದು ಉತ್ತಮ.
ಇದನ್ನೂ ಓದಿ: International Yoga Day 2022: ಬೆಳಗ್ಗೆಯ ಸೋಮಾರಿತನವನ್ನು ದೂರ ಮಾಡುವ ಆಸನಗಳು
ನೀವು ಈ ಹಿಂದೆ ಯೋಗಾಭ್ಯಾಸ ಮಾಡಿಲ್ಲವೆಂದರೆ ಪ್ರಾರಂಭದಲ್ಲಿ ದಂಡಾಸನ, ಸುಖಾಸನ, ತಾಡಾಸನ ಹೀಗೆ ಸೂಕ್ಷ್ಮ ಯೋಗವನ್ನು ಅಭ್ಯಾಸ ಮಾಡುವುದು ಒಳ್ಳೆಯದು. ಯೋಗ ಪಟು ಹಿಮಾಲಯ ಸಿದ್ಧ ಅಕ್ಷರ ಪ್ರಕಾರ, 40 ವರ್ಷ ವಯಸ್ಸಿನ ನಂತರ, ಆಸನಗಳ ಜೊತೆಗೆ ಭ್ರಮರಿ ಪ್ರಾಣಾಯಾಮ ಮಾಡಬೇಕು. ಇದಲ್ಲದೇ ವಯಸ್ಸಿಗೆ ತಕ್ಕಂತೆ ಆಹಾರ, ಪಾನೀಯದ ಬಗ್ಗೆಯೂ ಕಾಳಜಿ ವಹಿಸುವುದು ಅಗತ್ಯ.
ಇನ್ನಷ್ಟು ಯೋಗ ಲೇಖನಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ. ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.