Sanskrit Commentary: ಗಲ್ಲಿ ಕ್ರಿಕೆಟ್ ಟೂರ್ನಮೆಂಟ್ನಲ್ಲಿ ಬೆಂಗಳೂರು ಯುವಕನ ಸಂಸ್ಕೃತ ಕಾಮೆಂಟರಿ; ವಿಡಿಯೋ ವೈರಲ್
ಬೆಂಗಳೂರಿನ ಯುವಕನೊಬ್ಬ ಗಲ್ಲಿ ಕ್ರಿಕೆಟ್ನಲ್ಲಿ ಸಂಸ್ಕೃತದಲ್ಲಿ ಕ್ರಿಕೆಟ್ ಕಾಮೆಂಟರಿ ಹೇಳಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಸಂಸ್ಕೃತದಲ್ಲೂ ಈ ರೀತಿ ಕಾಮೆಂಟರಿ ಮಾಡಲು ಸಾಧ್ಯವಾ? ಎಂದು ನಿಮಗೆ ಆಶ್ಚರ್ಯವಾಗಬಹುದು. ಈ ಯುವಕ ಇದೀಗ ಟ್ರೆಂಡಿಂಗ್ನಲ್ಲಿದ್ದಾರೆ.
ಬೆಂಗಳೂರು: ಹಿಂದಿ, ಇಂಗ್ಲಿಷ್, ಕನ್ನಡದಲ್ಲಿ ಕ್ರಿಕೆಟ್ ಕಾಮೆಂಟರಿ ಮಾಡುವುದನ್ನು ಕೇಳುತ್ತಲೇ ಇರುತ್ತೇವೆ. ಆದರೆ, ನೀವು ಎಂದಾದರೂ ಸಂಸ್ಕೃತದಲ್ಲಿ ಕ್ರಿಕೆಟ್ ಕಾಮೆಂಟರಿ ಮಾಡಿರುವುದನ್ನು ನೋಡಿದ್ದೀರಾ? ಬೆಂಗಳೂರಿನ ಯುವಕನೊಬ್ಬ ಸಂಸ್ಕೃತದಲ್ಲಿ ಗಲ್ಲಿ ಕ್ರಿಕೆಟ್ ಕಾಮೆಂಟರಿ ಹೇಳುತ್ತಿರುವ ವಿಡಿಯೋ ವೈರಲ್ ಆಗಿದೆ. ಈ ವಿಡಿಯೋ ಇದೀಗ ಇನ್ಸ್ಟಾಗ್ರಾಂನಲ್ಲಿ ವೈರಲ್ ಆಗಿದೆ.
ಸಮಷ್ಟಿ ಗುಬ್ಬಿ ಎಂಬ ವ್ಯಕ್ತಿ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಸಣ್ಣ ವಿಡಿಯೋ ಕ್ಲಿಪ್ ಈಗಾಗಲೇ 2 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ. ಕ್ರೀಡೆ ಮತ್ತು ಶಾಸ್ತ್ರೀಯ ಭಾಷೆಯ ಈ ಸಮ್ಮಿಶ್ರಣ ಸಾಮಾಜಿಕ ಮಾಧ್ಯಮ ಬಳಕೆದಾರರನ್ನು ಮೋಡಿ ಮಾಡಿದೆ.
ಇದನ್ನೂ ಓದಿ: ರಾತ್ರಿ ಮಲಗಿದ್ದ ಮಗಳ ಮೇಲೆ ಮೃಗದಂತೆ ದಾಳಿ ಮಾಡಿದ ಅಪ್ಪ
ಬೆಂಗಳೂರಿನ ಯುವಕ ಉತ್ಸಾಹದಿಂದ ಸಂಸ್ಕೃತದಲ್ಲಿ ಪಂದ್ಯದ ಕಾಮೆಂಟರಿ ವಿವರಣೆಯನ್ನು ನೀಡುವುದರೊಂದಿಗೆ ವೀಡಿಯೊ ಪ್ರಾರಂಭವಾಗುತ್ತದೆ. ಬ್ಯಾಟ್ಸ್ಮನ್ ಹೊಡೆತವನ್ನು ಹೊಡೆಯುತ್ತಿದ್ದಂತೆ, ಅವರ ಧ್ವನಿಯು ಆ ಕ್ಷಣದ ಉತ್ಸಾಹವನ್ನು ಎತ್ತಿ ತೋರಿಸುತ್ತದೆ. ಅವರ ಸುತ್ತಲಿನ ಪ್ರೇಕ್ಷಕರು ಆ ಕಾಮೆಂಟರಿ ನೋಡಿ ಅವರ ಶೈಲಿಯನ್ನು ಹುರಿದುಂಬಿಸಿದರು ಮತ್ತು ಶ್ಲಾಘಿಸಿದರು.
ಸಾಮಾಜಿಕ ಮಾಧ್ಯಮ ಬಳಕೆದಾರರು ನಿರೂಪಕನ ಪ್ರತಿಭೆ ಮತ್ತು ಸಂಸ್ಕೃತ ಭಾಷೆಯ ಸೌಂದರ್ಯದ ಬಗ್ಗೆ ತಮ್ಮ ಮೆಚ್ಚುಗೆಯನ್ನು ವ್ಯಕ್ತಪಡಿಸುತ್ತಿದ್ದಾರೆ. “ಅವರ ಪ್ರತಿಭೆಗೆ ನಮಸ್ಕಾರ” ಎಂದು ಒಬ್ಬ ಬಳಕೆದಾರ ಹೇಳಿದರೆ, ಮತ್ತೊಬ್ಬರು “ನಮಗೆ ಅವರಂತಹ ಸಂಸ್ಕೃತ ವ್ಯಾಖ್ಯಾನಕಾರರು ಬೇಕು” ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: Shocking Video: ಮಹಿಳೆಯರ ಒಳಉಡುಪು ಕದಿಯುವುದೇ ಈ ಕಳ್ಳನ ಚಾಳಿ; ಯುವಕನ ವಿಡಿಯೋ ವೈರಲ್
ಕಾಮೆಂಟ್ಗಳ ವಿಭಾಗದ ಒಂದು ವಿಭಾಗವು “ದ್ವಾಪರ ಯುಗದಲ್ಲಿ ಕ್ರಿಕೆಟ್ ಆಡಿದರೆ ಇದೇ ರೀತಿ ಇದ್ದಿರಬಹುದು” ಎಂಬಂತಹ ಪ್ರತಿಕ್ರಿಯೆಗಳಿಂದ ತುಂಬಿತ್ತು. “ಕ್ರಿಕೆಟ್ ಇನ್ ಮಹಾಭಾರತ ಟೈಮ್ಸ್” ಎಂದು ಇನ್ನೊಬ್ಬರು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ